14976458_1335156639850473_7984304361094361906_o
ທີມງານ Lao IT Dev ຂຶ້ນໃຫ້ສຳພາດກ່ຽວກັບການນຳໃຊ້ RFID ໃນລາວ

ສະມາຄົມ RFID ແຫ່ງປະເທດໄທ ໄດ້ຈັດງານ RFID Duo Hero 2016 ເຊິ່ງເປັນ ງານວາງສະແດງຜົນງານນະວັດຕະກຳ RFID ແລະ IOT ເທື່ອທີີ່ 2 ເຊິ່ງໄດ້ຈັດຂຶ້ນທີ່ ສູນນິທັດສະການ ແລະ ການປະຊຸມໄບເທັກ ບາງນາ ຫ້ອງ 203 ໃນວັນອັງຄານທີ່ 8 ພະຈິກ 2016 ເວລາ 09:00 – 17:00 ທີ່ຜ່ານມາ. ໂດຍໃນເທື່ອນີ້ທາງທີມງານ Lao IT Dev ກໍໄດ້ຖືກເຊີນໃຫ້ເຂົ້າຮ່ວມ ເນື່ອງຈາກຜົນງານໃນການນຳເອົາເທັກໂນໂລຢີ RFID ມາຮັບໃຊ້ກອງປະຊຸມ ASEAN Summits 2016 ໃນປະເທດລາວເຮົາເປັນເຈົ້າພາບນັ້ນ ຖືເປັນການນຳເອົາເຕັກໂນໂລຊີ RFID ມາໃຊ້ຄັ້ງທຳອິດໃນວຽກງານກ່ຽວຂ້ອງກັບລັດຖະບານໃນຂົງເຂດອາຊຽນຄັ້ງທີ່ໃຫຍ່ທີ່ສຸດ ແລະ ໄດ້ຮັບຜົນສຳເລັດຢ່າງຈົບງາມ.

14915382_1335076629858474_8495828887069846730_n
ທ່ານ ກຳພົນ ປະທານ Thailand IOT Consortium ຂຶ້ນກ່າວໃຫ້ຂໍ້ມູນກ່ຽວກັບສະພາບ IOT ໃນໄທ

ທ່ານ ສຸທັດ ຄຣອງຊົນ ນາຍົກສະມາຄົມ RFID ແຫ່ງປະເທດໄທໄດ້ກ່າວວ່າ: ຈາກຜົນຕອບຮັບເປັນຢ່າງດີໃນປິທີ່ແລ້ວ ເຮັດໃຫ້ສະມາຄົມ RFID ແຫ່ງປະເທດໄທຕັດສິນໃຈເດິນໜ້າຈັດການນິເທດສະການສະແດງຜົນງານວັນນະກຳ RFID ອີກຄັ້ງ ໂດຍເທື່ອນີ້ໃຊ້ຊື່ງານວ່າ RFID Duo Hero ເພາະໃນປີນີ້ນອກຈາກສະມາຊິກໃນຊົມຮົມ RFID ຈະມີໂຊລູຊັນໃໝ່ໆທີ່ໄດ້ສ້າງ ແລະ ສົ່ງມອບໃຫ້ລູກຄ້າມາແລ້ວ ຍັງມີພັນທະມິດຈາກປະເທດລາວ ກໍຄື Lao IT Dev ທີ່ໄດ້ນຳໂຊລູຊັນທີ່ໃຊ້ງານໃນປະເທດລາວ ແລະ ກອງປະຊຸມ ASEAN Summits 2016 ໃນປີນີ້.

ໂດຍທາງທີມງາມ Lao IT Dev ກໍໄດ້ຂຶ້ນເວທີເພື່ອນຳສະເໜີ, ໃຫ້ສຳພາດ ແລະ ແລກປ່ຽນປະສົບການໃນການນຳເອົາເທັກໂນໂລຢີ RFID ມານຳໃຊ້ໃນວຽກງານຕົວຈິງໃນປະເທດລາວ ໂດຍຜູ່ທີ່ໄປຮ່ວມງານມີ ທ່ານ ທະນົງສັກ ສຸກສະຫວັດ CEO ບໍລິສັດ, ທ່ານ ອຸໄທ ໄຊອຸດົມ ແລະ ທ່ານ ແກ້ວມະໂນພອນ ທຳມະວົງ; ນອກນັ້ນ Lao IT Dev ຍັງໄດ້ຮັບກຽດໃນການຕັ້ງບູ໊ດວາງສະແດງໂຊລູຊັນ RFID ໃນງານອີກດ້ວຍ, ເຊິ່ງຄັ້ງນີ້ແມ່ນທີມງານເນັ້ນໜັກໃສ່ລະບົບຕິດຕາມເອກະສານ ທີ່ສາມາດນຳໃຊ້ໃນອົງກອນ ແລະ ພາກລັດ ເພື່ອຕິດຕາມການເຄື່ອນຍ້າຍ ຮັບ/ສົ່ງ ເອກະສານດ້ວຍ RFID.

14947425_1335076589858478_7163043497063307222_n
ບູ໊ດ Lao IT Dev ທີ່ວາງສະແດງລະບົບຕິດຕາມເອກະສານດ້ວຍ RFID

ງານນີ້ມີຈຸດປະສົງເພື່ອໃຫ້ພາກສ່ວນຕ່າງໆບໍ່ວ່າຈະເປັນພາກລັດ ຫລື ເອກະຊົນ ເຫັນເຖິງຄວາມສຳຄັນຂອງເທັກໂນໂລຢີ RFID ໃນຍຸກໃຫມ່ ຊຶ່ງອາດຈະເປັນເທັກໂນໂລຢີ ທີ່ຈະມາເປັນນຶ່ງໃນປັດໃຈພື້ນຖານໃຫມ່ ໃຫ້ແກ່ບັນດາເທັກໂນໂລຢີອື່ນໆໄດ້ ຄືກັບ ໄຟຟ້າ ທັງນີ້ ຄະນະຈັດງານຍັງຕ້ອງການຊີ້ໃຫ້ເຫັນວ່າ ໄລຍະຜ່ານມາມີຜູ່ທີ່ບໍ່ມີຄວາມຮູ້ກ່ຽວກັບເທັກໂນໂລຢີດັ່ງກ່າວ ພະຍາຍາມເອົາໄປໃຫ້ບໍລິການລູກຄ້າຂອງຕົນ ແຕ່ບໍ່ປະສົບຜົນສຳເລັດ ຈົນເຮັດໃຫ້ເກີດປັນຫາທີ່ບໍ່ສາມາດແກ້ໄຂໄດ້ ຈົນກ້າວໄປເຖິງສ້າງຄວາມເຂົ້າໃຈຜິດໃຫ້ແກ່ລູກຄ້າ ເຂົ້າໃຈວ່າເຕັກໂນໂລຊີດັ່ງກ່າວບໍ່ດີ ຫລື ບໍ່ມີປະສິດທິພາບ ນັ້ນຄືສາເຫດຫລັກທີ່ເຮັດໃຫ້ງານນີ້ມີຊື່ວ່າ RFID Hero

14925232_1335076513191819_2684797607857882792_n

ຜູ່ຈັດງານໄດ້ກ່າວໄວ້ວ່າ ໃນປັດຈຸບັນໜ່ວຍງານພາກລັດໃນປະເທດໄທ ແມ່ນຫັນມາໃຫ້ຄວາມສົນໃຈ ແລະ ຄວາມສຳຄັນຕໍ່ເທັກໂນໂລຢີ RFID ຫຼາຍຂຶ້ນກວ່າແຕ່ກ່ອນ ເນື່ອງຈາກມັນມີປະໂຫຍດ ແລະ ສາມາດນຳໃຊ້ມາຊ່ວຍວຽກງານໄດ້ຫຼາກຫຼາຍດ້ານ.

ສຳລັບງານໃນປີນີ້ແມ່ນໄດ້ມີຫຼາຍຫົວຂໍ້ທີ່ໜ້າສົນໃຈເຊັ່ນ:

  • ການນຳ RFID ມາໃຊ້ງານໃນບໍລິສັດໄປສະນີໄທ
  • ການໃຊ້ງານບັດ RFID ໃນລະບົບລົດໄຟ BTS
  • RFID ມີປະໂຫຍດຫຼາຍເມື່ອໃຊ້ກັບການຈັັບເວລາແຂ່ງຂັນແລ່ນມາລາທອນຢູ່ຊຽງໃໝ່
  • ເປັນຫຍັງເຄື່ອງປູນຊິເມັນໄທຕ້ອງນຳ RFID ມາໃຊ້ໃນງານໂລຈິສຕິກ
  • ມາລອງຟັງເບິ່ງວ່າປະເທດລາວໃຊ້ RFID ເຮັດຫຍັງແດ່?
  • ພິເສດສຸດກັບເທັກໂນໂລຢີ RFID ໃໝ່ໆຈາກຜູ່ຊ່ຽວຊານຈາກຕ່າງປະເທດ

ນອກຈາກນີ້ຍັງມີບັນດາບໍລິສັດຈາກບັນດາປະເທດອາຊຽນເຂົ້າຮ່ວມເພື່ອແລກປ່ຽນຄວາມຮູ້ ແລະ ປະສົບການ ເພື່ອກ້າວໄປສູ່ການຮ່ວມມືທາງດ້ານນະວັດຕະກຳ RFID ແລະ IoT ໃນອະນາຄົດອັນໃກ້ນີ້ ຂອງບັນດານັກຄົ້ນຄ້ວາ ນັກພັດທະນາ ໃນຂົງເຂດອາຊຽນອີກດ້ວຍ.

14925632_1335076673191803_200132499165114772_n

ເບິ່ງຮູບພາບເພີ່ມເຕີມໄດ້ທີ່ page Lao IT Dev