Screen Shot 2015-10-08 at 6.38.10 PM

ງານເປີດຕົວຂອງ Microsoft ທີ່ຜ່ານໄປນັ້ນ ນອກຈາກຈະເປີດຕົວ Smart Phone Windows 10 Mobile ເຖິງ ສາມລຸ້ນແລ້ວ ກໍຍັງມີການເປີດຕົວທັງ ແທັບເລັດແລະໂນ້ດບຸກພ້ອມ ໂດຍແທັບເລັດນັ້ນເປັນພາກຕໍ່ຈາກ Surface Pro 3 ທີ່ໃຊ້ຊື່ວ່າ Surface Pro 4 ແຕ່ອີກຕົວທີ່ເປີດຕົວມາໄດ້ແບບຕື່ນເຕັ້ນສຸດໆ ກໍຄືໂນດບຸກຕົວທຳອິດຂອງທາງ Microsoft ທີ່ມີຊື່ວ່າ Surface Book ເຊິ່ງ Microsoft ນັ້ນສົ່ງ Surface Pro 4 ແລະ Surface Book ມາບຸກຕະຫຼາດອຸປະກອນລະດັບ Premium ໂດຍສະເພາະເລີຍ.

42222a51-579c-402c-b388-cbb6b3e89e1e

ສະເປັກຂອງ Surface Pro 4
  • OS: Windows 10 Pro
  • ໜ້າຈໍ : Pixel Sense 12.3 ນິ້ວ ຄວາມລະອຽດ 2736 x 1824 ພິກເຊວ (267ppi)
  • CPU: 6th Gen Intel Core m3 / i5 / i7
  • RAM: 4GB / 8GB / 16GB
  • SSD: 128GB / 256GB / 512GB / 1TB
  • ກ້ອງຫຼັງ: 8MP
  • ກ້ອງໜ້າ: 5MP
  • ການເຊື່ອມຕໍ່:
    • Wi-Fi 802.11 a/b/g/n/ac
    • Bluetooth 4.0
  • ຕົວເຄື່ອງ: 292.10 x 201.42 x 8.45 mm
Surface Pro 4 ນັ້ນມາພ້ອມກັບໜ້າຕາທີ່ຄຸ້ນເຄີຍເພາະວ່າມີໜ້າຕາຄ້າຍໆກັບ Surface Pro 3 ລຸ້ນກ່ອນໜ້າ ແຕ່ວ່າຈະມີໜ້າຈໍທີ່ໃຫຍ່ຂຶ້ນເປັນ 12.3 ນິ້ວ ຕົວເຄື່ອງມີຂະໜາດບາງລົງແລະເບົາລົງກວ່າເກົ່າ ນອກຈາກນັ້ນຍັງສາມາດເພີ່ມ RAM ໄດ້ສູງສຸດເປັນ 16GB ແລະ SSD 1TB ໄດ້ອີກ.
8065e2b1-033e-4786-848c-a175f1e2297b
ສ່ວນຂອງ Type Cover ຫຼື Keyboard ກໍມີການປ່ຽນຮູບແບບປຸ່ມໃໝ່ເພີ່ມຄວາມ Premium ເຂົ້າໄປອີກແລະກໍມີ ຄວາມສາມາດ ສະເກນລາຍນິ້ວມຶອີກນຳ ແຕ່ໜ້າເກືອບບໍ່ເສຍດາຍທີ່ສາມາດໃຊ້ໄດ້ສະເພາະທີ່ສະຫາລັດອາເມຣິກາເທົ່ານັ້ນ ນອກຈາາກນີ້ຍັງມີປາກກາ Surface Pen ລຸ້ນໃໝ່ທີ່ມາພ້ອມກັບຍາງລຶບໃນຕົວເຊິ່ງສາມາດຮອງຮັບແຮງກົດໄດ້ດີ ສ່ວນແບັດເຕີຣີກໍສາມາດຢູ່ໄດ້ເຖິງ 9 ຊົ່ວໂມງ.
ທາງ Microsoft  ໄດ້ບອກລາຄາເລີ່ມຕົ້ນຂອງ Surface Pro 4 ທີ່ $899 (ຍັງບໍ່ລວມກັບ Keyboard) ແລະສາມາດອັບເກຣດໄປໄດ້ຈົນເຖິງລຸ່ນທ໋ອບ SSD 1TB/ Core i7 ທີ່ລາຄາ $2699 ໂດຍ Surface Pro 4 ຈະເລີ່ມວາງຂາຍໃນວັນທີ່ 26 ເດືອນຕຸລາ ນີ້ ແຕ່ປະເທດລາວຍັງບໍ່ແນ່ໃຈ.
51cc00a6-3336-4e77-9a04-f87e7064f82c
ເຖິງວ່າ Surface Pro 4 ຈະມີສຽງເຮຫຼາຍຫຼືໜ້ອຍ ແຕ່ຕົວຫຼັກຂອງງານກໍແລ່ນໜີ Surface Book ໂນດບຸກຕົວທຳອິດຂອງທາງ Microsoft ທີ່ສົ່ງມາທ້າກັບໂນດບຸກທາງຝັ່ງ Apple ໂດຍສະເພາະ ໂດຍ Surface Book ນັ້ນມາພ້ອມກັບການອອກແບບໜ້າຕາລະດັບ Premium ແຖມສະເປັກທາງໃນກໍໂຫດບໍ່ແພ້ກັນເລີຍ.
1c205eac-25c8-4ec4-94d8-00864aa6d6c4
ສະເປັກຂອງ Surface Book
  • OS: Windows 10 Pro
  • ໜ້າຈໍ: PixelSense 13.5 ນິ້ວ ຄວາມລະອຽດ 3000 x 2000 ພິກເຊວ (267ppi)
  • CPU: 6th Gen Intel Core i5 / i7
  • RAM: 8GB / 16GB
  • SSD: 128GB / 256GB / 512GB
  • ກ້ອງຫຼັງ: 8MP
  • ກ້ອງໜ້າ: 5MP
  • ການເຊື່ອມຕໍ່:
    • Wi-Fi 802.11 a/b/g/n/ac
    • Bluetooth 4.0
  • ຕົວເຄື່ອງ: 232.1 x 312.3 x 13 – 22.8 mm (ລວມ Keyboard)
  • ນໍ້າໜັກ: 1,5 g

ຈຸດເດັ່ນຂອງ Surface Book ນອກຈາກໜ້າຕາແລະສະເປັກແລ້ວກໍຄົງຈະເປັນໃນເລື່ອງຂອງ Keyboard ເນາະ ບໍ່ແມ່ນແຕ່ມັນສາມາດຖອດອອກມາໄດ້ເທົ່ານັ້ນ ແຕ່ວ່າ Keyboard ນັ້ນກໍມີກາດຈໍ Nvidia ຢູ່ໃນຫັນພ້ອມ ເຊິ່ງເປັນໂນດບຸກຕົວທຳອິດເລີຍທີ່ສາມາດເຮັດແບບນີ້ໄດ້ (ຖ້າຜິດກໍຂໍອະໄພເດີ້)

a203d35d-e1d1-4c47-a310-f7ad1441a17a

Surface Book ນັ້ນມາພ້ອມກັບ Surface Pen ລຸ່ນໃໝ່ ເຊັ່ນດຽວກັບ Surface Pro 4 ເລິຍ ເຊິ່ງ Surface Pen ຕົວໃໝ່ນີ້ສາມາດຢຶດກັບດ້ານຂ້າງຕົວເຄື່ອງຂອງ Surface Book ແລະ Surface Pro 4 ໄດ້ເລີຍ ໂດຍຈະໃຊ້ແມ່ເຫຼັກເປັນຕົວຢຶດສ່ວນແບັດເຕີຣິຂອງ Surface Book ນັ້ນທາງ Microsoft ກໍກ່າວໄວ້ວ່າ ສາມາດໃຊ້ງານໄດ້ຍາວເຖິງ 12 ຊົ່ວໂມງ.

https://www.youtube.com/watch?v=XVfOe5mFbAE

 

ສຳລັບ ​Surface Book ນັ້ນກໍເປີດລາຄາມາເບົາໆ $1499 (ມັນເບົາບ່ອນໃດຫວະ ຮະຮະ) ສ່ວນລາຄາລຸ່ນທ໋ອບສຸດກໍເທົ່າກັບ Surface Pro 4 ຕົວທ໋ອບ $2699 ເຊິ່ງ Surface Book  ຈະເລີ່ມວາງຂາຍໃນມື້ດຽວກັນກັບ Surface Pro 4.

ທີ່ມາ : Microsoft, The Verge