microsoft-security-essentials-150Anti virus ຟຣີໆ ຈາກຜູ່ສ້າງ windows ເຫມາະກັບ windows

ບັນຫາໄວຣັສຄອມພິວເຕີ ຖືວ່າເປັນອັນດັບຕົ້ນໆທີ່ກວນໃຈຂອງຜູ່ໃຊ້ຄອມທັງຫລາຍ ຊື້ຄອມມາ
ໃຊ້ຊື້ໂປຣແກຣມມາຕິດຕັ້ງ ແລ້ວຍັງບໍ່ພໍຕ້ອງໄດ້ຊອກຫາໂຕປ້ອງກັນໄວຣັສດີໆມາໃຊ້ອີກຕື່ມ. ຈະເຫັນວ່າສິ່ງທີ່ສຳຄັນໃນການປ້ອງກັນໄວຣັສແມ່ນໂປຣແກຣມ Anti-Virus ນີ້ເອງ ແລະສ່ວນ
ໃຫຍ່ແລ້ວຜູ່ໃຊ້ໃນບ້ານເຮົາກໍນິຍົມກັນຫລາຍແມ່ນໂປຣແກຣມເຖື່ອນ.

ໂຕການຂອງການແຜ່ໄວຣັສທີ່ພົບເຫັນໃນປະເທດລາວພວກເຮົາ ກໍແມ່ນໂປຣແກຣມເຖື່ອນນິລະ ເພາະບັນດາໂປຣແກຣມເຫລົ່ານີ້
ລ້ວນແຕ່ຖືກ Hack ຖືກ Crack ເພື່ອເອົາມາແຈກໃຫ້ໃຊ້ຟຣີ ທັງໆທີ່ໂປຣແກຣມຕົ້ນສະບັບຜູ່ພັດທະນາເພິ່ນເຮັດອອກມາຂາຍ ດັ່ງນັ້ນເມື່ອບັນ
ດານັກ Crack ໂປຣແກຣມເຮັດມາແຈກຟຣີ ເຂົາຍ່ອມບໍ່ໃຫ້ເຮົາໃຊ້ຟຣີໆດອກທ່ານ ມັນຕ້ອງມີຂອງແຖມມານຳ. ຖ້າເວົ້າເຖິງໄວຣັສຄອມພິວເຕີ
ແລ້ວ ຜູ່ໃຊ້ລະບົບປະຕິບັນການ Windows ຄົງຈະຖືກຫລາຍທີ່ສຸດ ດັ່ງນັ້ນວິທີທີ່ດີກໍຄືຊື້ Anti-Virus ດີໆຈັກໂຕມາໃຊ້ ແລະຫມັ່ນອັບເດດຖານ
ຂໍ້ມູນໄວຣັສ ແຕ່ຖ້າບໍ່ຢາກຊື້ ມັນແພງ ກໍແລ້ວແຕ່ນາໆທັດສະນະນໍ້ ຄວາມປອດໄພຂອງຄອມແຕ່ລະຂຶ້ນ.

ເມື່ອບັນຫາໄວຣັສໃນ Windows ມີຫລາຍຂຶ້ນນັບມື້ ເຮັດໃຫ້ເຈົ້າຂອງລະບົບປະຕິບັດການ Windows ຄືບໍລິສັດ Microsoft ກໍບໍ່ຢູ່ລ້າ
ເຮັດ Anti-Virus ມາແຈກຟຣີໄປເລີຍສຳລັບຜູ່ໃຊ້ Windows ໂດຍ Anti-Virus ໂຕນີ້ມີຊື່ວ່າ Microsoft Security Essential ເຊິ່ງຕໍ່ໄປຂໍ
ເອີ້ນຫຍໍ້ໆວ່າ MSE. ຖືເປັນຂ່າວດີສຳລັບຜູ່ບໍ່ຢາກເສຍເງິນຊື້ເນາະ ທ່ານສາມາດໂຫລດມາຕິດຕັ້ງໄດ້ລ້າໆ ບໍ່ເສຍຄ່າໃຊ້ຈ່າຍໃດໆເລີຍ
ແຕ່ມີເງື່ອນໄຂຕ້ອງວ່າຕ້ອງເປັນ Windows ຈັ່ງຄ່ອຍລົງໄດ້ ເພາະໂປຣແກຣມຈະກວດສອບກ່ອນວ່າເປັນ Windows ແທ້ຫລືບໍ່.
(ສາມາດດາວໂຫຼດໄດ້ຈາກລິ້ງນີ້ http://windows.microsoft.com/en-us/windows/security-essentials-download)

2013-07-15_171153

ສຳລັບ MSE ນັ້ນແມ່ນເປີດໂຕພ້ອມກັບ Windows 7 ໂດຍພັດທະນາຕໍ່ຍອດຈາກ Windows Live OneCare ມາປັບແຕ່ງແກ້ໄຂ
ແລະຮວມເຂົ້າກັບ Windows Defender ໃນ Windows Vista ຈົນສຸດທ້າຍການເປັນ MSE ແລະທີ່ສຳຄັນ MSE ຖືໄດ້ວ່າເປັນ Anti-Virus ທີ່ດີໂຕນຶ່ງເຊິ່ງເຮັດວຽກແລະເຂົ້າໃຈລະບົບແກນກາງຂອງ Windows ໄດ້ເປັນຢ່າງດີ (ບໍ່ແປກເນາະ ເພາະ Microsoft ເຮັດເອງ)  ປັດຈຸບັນ
ກໍມີຮອດເວີຊັນ 4.3 ແລ້ວ ເຊິ່ງ Microsoft ໄດ້ເພີ່ມຄວາມສາມາດຫລາຍຢ່າງເຂົ້າມາຕື່ມ ເຊິ່ງ MSE  ມີຈຸດເດັ່ນດັ່ງນີ້:

–       ຮວມເອົາ  Windows Firewall ເຂົ້າໄວ້ນຳກັນກັບ  MSE ເພື່ອປະສິດທິພາບການປ້ອງກັນທີ່ດີຂຶ້ນ.

–       ລະບົບປ້ອງກັນໄວຣັສແບບ Real Time ຫມາຍຄວາມວ່າໂປຣແກຣມຈະກວດສອບຢູ່ຕະຫລອດເວລາ ຖ້າພົບວ່າມີໄວຣັສເຂົ້າມາກໍຈະ
ແຈ້ງເຕືອນທັນທີ ເຊິ່ງຈາກການທົດສອບຈາກຫລາຍໆເວບທີ່ທົດສອບ Anti-Virus ພົບວ່າ ການເຮັດວຽກດັ່ງກ່າວ  MSE ຕອບສະຫນອງ
ໄວສົມຄວນ ເຊິ່ງຖືເປັນພື້ນຖານທີ່ Anti-Virus ດີໆຄວນມີ.

–       ມີການເຮັດວຽກຮວມກັນກັບ Internet Explorer ເພື່ອປ້ອງກັນການໂຈມຕີ ເມື່ອຜູ່ໃຊ້ຫລິ້ນອິນເຕີເນັດ.

–       ມີລະບົບກວດສອບໃນເຄື່ອຂ່າຍ ເພື່ອປ້ອງກັນໄວຣັສ ແລະການໂຈມຕີຜ່ານເຄື່ອຂ່າຍ.

–       ລະບົບປ້ອງກັນ Malware ຖືກອັບເດດໃຫມ່ໃນເວີຊັນ 2.0

mes6

ຖືວ່າ MSE ເຮັດໄດ້ດີໃນລະດັບມາດຕະຖານທົ່ວໆໄປຂອງ Anti-Virus ຟຣີ ເຊັ່ນ Avest, AVG… ແຕ່ຈຸດທີ່ MSE  ໄດ້ປຽບ anti-Virus ຟຣີອື່ນໆຄືເລື່ອງຄວາມສະຖຽນ ແລະຄວາມເຂົ້າກັນໄດ້ຕໍ່ລະບົບປະຕິບັດການ windows ນອກນັ້ນຈຸດດີອື່ນໆກໍມີເລື່ອງຂອງຂະຫນາດ
ໂປຣແກຣມມີພຽງແຕ່ 10.6MB (ເວີຊັນ 32 bits)  ແລະ 12.9MB (ເວີຊັນ 64 bit)  ແລະມີການໃຊ້ RAM  ຫນ້ອຍສົມຄວນ ປົກກະຕິ
ໃຊ້ RAM ປະມານ 40MB ເມື່ອເຮັດການ Scan ກໍເພີ່ມມາເປັນ ປະມານ 70 MB ເທົ່ານັ້ນ.

 

ເວົ້າເຖິງຈຸດເດັ່ນຈຸດດີມາພໍສົມຄວນ ແນ່ນອນຂອງຟຣີທຽບກັບຂອງເສຍເງິນມັນຕ້ອງຕ່າງກັນ MSE ມີຂ້ໍບົກຜ່ອງເລັກນ້ອຍດ້ານການ
ເຮັດວຽກ ເຊັ່ນວ່າບາງຄັ້ງເມື່ອພໍ້ໄວຣັສທີ່ບໍ່ສາມາລຶບໄດ້ ໂປຣແກຣມຈະສະແກນແລະສົ່ງຜົນໃຫ້ກິນ RAM ແບບຜິດປົກກະຕິ ຮວມທັງ
ບາງຄັ້ງພົບວ່າ CPU ແລ່ນຢູ່ທີ່ 50% ຕະຫລອດເວລາ ສົ່ງຜົນໃຫ້ຄອມພິວເຕີເຮັດວຽກຫນັກ ແລະຊ້າ ຈົນຕ້ອງໄດ້ປິດ Process ຂອງ
MSE ຖິ້ມໄປຈຶ່ງເຊົາ. ເມື່ອເຮັດ Full Scan ແລ້ວພົບວ່າໃຊ້ເວລາດົນສົມຄວນຈຶ່ງສະແກນແລ້ວ ແຕກຕ່າງຈາກ Anti-Virus ໂຕອື່ນໆ
ທີ່ໃຊ້ເວລາຫນ້ອຍກວ່າ.

mes1

ໂດຍຮວມແລ້ວຖືວ່າ MSE ເປັນ anti-Virus ຟຣີແລະດີອີກໂຕນຶ່ງທີ່ຫນ້າໃຊ້ ແລະເຫມາະກັບຜູ່ໃຊ້ Windows ໂດຍສະເພາະໃນປະເທດ
ລາວພວກເຮົາທີ່ນິຍົມໃຊ້ Windows ຫລາຍ ແລະບໍ່ມັກເສຍເງິນຊື້ໂປຣແກຣມນຳອີກ >< ແຕ່ທັງນີ້ທັງນັ້ນ Anti-Virus ທີ່ແຈກຟຣີ
ແບບນີ້ຍ່ອມມີຂໍ້ຈຳກັດຫລາຍຢ່າງຖ້າທຽບກັບໂຕທີ່ຂາຍ ຖ້າເບິ່ງໃນແງ່ຂອງຜູ່ໃຊ້ຕາມເຮືອນທົ່ວໄປ ການໃຊ້ Anti-Virus ຟຣີ ກໍເປັນ
ທາງເລືອກນຶ່ງທີ່ຊ່ອຍປະຢັດຄ່າໃຊ້ຈ່າຍ ແຕ່ຖ້າເປັນບໍລິສັດ ອົງກອນທີ່ຕ້ອງການຄວາມປອດໄພຂອງຂໍ້ມູນສູງໆ ຄວນເລືອກໃຊ້ Anti-Virus ທີ່ຕ້ອງເສຍເງິນຊື້ດີກວ່າ ເພາະນອກຈາກຄວາມສາມາດທີ່ຫລາກຫລາຍແລະສູງກວ່າແລ້ວ ທ່ານຍັງໄດ້ຮັບການບໍລິການຫລືຄວາມຮັບ
ຜິດຊອບຖ້າຫາກເກີດການເສຍຫາຍຂອງຂໍ້ມູນຂຶ້ນມານຳອີກ.  ທ້າຍນີ້ສິ່ງສຳຄັນຖ້າທ່ານຢາກໃຫ້ ຄອມພິວເຕີປອດຈາກໄວຣັສທ່ານຄວນ ຫມັ່ນອັບເດດຖານຂໍ້ມູນຂອງ Anti-Virus ສະຫມ່ຳສະເຫມີ ເພາະຖ້າທ່ານບໍ່ອັດເດດ ຕໍ່ໃຫ້ທ່ານຊື້ anti-Virus ແພງໆມາໃຊ້ ມັນກໍບໍ່ສາ
ມາດຈັບໄວຣັສໃຫ້ທ່ານໄດ້ຄືເກົ່າ.

ຂຽນໂດຍ: Mii The Moon