Screenshot 2015-05-15 13.53.16

Microsoft ເປີດໃຫ້ທົດລອງໃຊ້ ແອັບຯ Hyperlapse Mobile ເຊິ່ງເປັນແອັບຯ ທີ່ຈະເຮັດໃຫ້ການຖ່າຍວິດີໂອຈາກມືຖື ສ້າງຄວາມແປກໃຫມ່ ໂດຍການເຮັດໃຫ້ວິດີໂອທຳມະດາຖ່າຍຈາກມືຖື ປ່ຽນເປັນວິດີໂອແບບ Time-Lapse ຫລາຍລະດັບຄວາມໄວໄດ້ໂດຍງ່າຍ.ຖ້າເວົ້າເຖິງແອັບຯ ຖ່າຍວິດີໂອ Time-Lapse ນັ້ນມີໃຫ້ເລືອກໂຫລດມາລອງໃຊ້ຫລາກຫລາຍ ແຕ່ວ່າແອັບຯ ທີ່ຜ່ານມາສ່ວນໃຫຍ່ ການເລັ່ງຄວາມໄວວິດີໂອ ຈະເຮັດໄດ້ບໍ່ນຽນຕາ ມີອາການສັ່ນ ແລະເຟຣມໂດດໄປມາ.

ແຕ່ສຳລັບ MS Hyperlapse Mobile ນັ້ນມີຄວາມຫນ້າສົນໃຈ ເນື່ອງຈາກ Microsoft ໃຊ້ເທັກນິກການປະມວນຜົນ ທີ່ບໍ່ໄດ້ສະເພາະຕັດເອົາ ຂອບເຟຣມຂອງວິດີໂອອອກໄປເທົ່ານັ້ນ ແຕ່ໂຕແອັບຯ ສາມາດປະມວນຜົນ ເບິ່ງລັກສະນະການຖ່າຍຂອງຜູ່ໃຊ້ ວ່າມີການເຄື່ອນໄຫວແນວໃດ ສັ່ນຂຶ້ນລົງແນວໃດ ແກວ່ງຊ້າຍຂວາແນວໃດ ຈາກນັ້ນລະບົບຈະເລືອກເອົາເຟຣມທີ່ນິ້ງ ບໍ່ເຄື່ອນໄຫວຫລືສັ່ນຫລາຍ ມາເປັນວິດີໂອທ້າຍສຸດໃຫ້ເບິ່ງ.

hyperlapse

ປັດຈຸບັນ MSHyperlapse Mobile ຍັງຢູ່ໃນຊ່ວງ Beta Test ຖ້າໃຜສົນໃຈຢາກທົດລອງໃຊ້ ກໍມີວິທີງ່າຍໆ ພຽງແຕ່ວ່າ ການທົດສອບຍັງຈຳກັດ ຢູ່ສະເພາະໂທລະສັບບາງຮຸ່ນເທົ່ານັ້ນ ເຊິ່ງປະກອບມີ:

  • Samsung Galaxy S6, S6 edge
  • Samsung Galaxy S5
  • Samsung Galaxy Note 4
  • Google Nexus 5, Nexus 6, Nexus 9
  • Sony Xperia Z3

ຖ້າທ່ານມີໂທລະສັບທີ່ວ່ານີ້ກໍກົດເຂົ້າທີ່ລິ້ງນີ້ ເພື່ອສະຫມັກເປັນ Beta Tester ໄດ້

ສຳລັບທ່ານທີ່ບໍ່ໍ່ມີໂທລະສັບດັ່ງທີ່ກ່າວມາ ກໍຕ້ອງຖ້າອີກຈັກຫນ້ອຍ ຕອນທີ່ແອັບຯ ສົມບູນປ່ອຍໃຫ້ດາວໂຫລດ ເຊິ່ງຈາກທົດລອງໃຊ້ໂດຍທີມງານພວກເຮົາ ກໍຖືວ່າເຮັດອອກມາໄດ້ດີສົມຄວນ ດັ່ງຕົວຢ່າງວິດີໂອຕໍ່ໄປນີ້

 

ທາງທີມງານໄດ້ທົດສອບຖ່າຍ ໂດຍຖືກ້ອງຖ່າຍດ້ວຍມືເປັນເວລາດົນໆ ເຊິ່ງແນ່ນອນຈະເກີດອາການເມື່ອຍແລະກ້ອງສັ່ນສົມຄວນ

ໃນວິດີໂອທີມງານພວກເຮົາໄດ້ທົດລອງປັບລະດັບຄວາມໄວຢູ່ 3 ລະດັບ ເລີ່ມຈາກ 4x, 8x ແລະ 16x. ເຊິ່ງຜົນທີ່ໄດ້ກໍອອກມາຢ່າງຫນ້າພໍໃຈ ມີອາການສັ່ນແຕ່ກໍຖືວ່າເບິ່ງໄດ້ໂດຍບໍ່ວິນຫົວປານໃດ ຍິ່ງເລັ່ງຄວາມໄວຂຶ້ນຫລາຍ ວິດີໂອທີ່ໄດ້ ກໍຍິ່ງອອກມາມີຄວາມລື່ນ ແລະ smooth ຂຶ້ນ. ລອງເບິ່ງກັນໄດ້ເດີ້