ສືບຕໍ່ມາຈາກ 2-3 ມື້ທີ່ຜ່ານມາ ໄດ້ມີການລາຍງານວ່າ ທາງບໍລິສັດ HMD Global Oy ອາດຈະນໍາ Nokia 3310 ມາເຮັດໃຫມ່ໃນ Modern Version ແລະ ຈະທຳການເປິີດໂຕຢ່າງເປັນທາງການໃນງານ MWC 2017 ທີ່ຈະໄດ້ຈັດຂຶ້ນໃນວັນທີ 26 ກຸມພານີ້ ຫຼ້າສຸດທາງ Website Concept Creator ກໍໄດ້ເຜີຍ Concept design ຂອງ Nokia 3310 Modern Version ອອກມາໃຫ້ໄດ້ເຫັນກັນແລ້ວ.

Concept ຂອງ Nokia 3310 ໃນເວີຊັນໃຫມ່ທີ່ທັນສະໄໝຫຼາຍຂຶ້ນ ຍັງຄົງມີຮູບຮ່າງ ການອອກແບບພາຍນອກອັນເປັນເອກກະລັກແບບເກົ່າ ໂດຍມີໃຫ້ເລຶອກຫຼາກຫຼາຍສີ ບໍ່ວ່າຈະເປັນ: ສີຟ້າເຂັ້ມ, ສີແດງ, ສີຟ້າອອ່ນ, ສີທະເລ, ສີເຫຼືຶຶອງ ແລະ ສີເທົາ ພ້ອມກັບອັບເກຣດຂຶ້ນ ດ້ວຍການຜະລິດຈາກວັດສະດຸ Polycarbonate ທີ່ິມີຄວາມແຂງແຮງທົນທານ (ອັນເກົ່າຍັງທົນບໍ່ພໍ?) ລວມເຖິງໜ້າຈໍສີ, ຮອງຮັບລະບົບການແຕ່ງສຽງໂທເຂົ້າແບບ (Ringtone) ແລະ ມີກ້ອງ Digital ດ້ານຫຼັງຂອງຕົວເຄື່ອງ. ເຊິ່ງໃນເບື້ອງຕົ້ນຄາດວ່າ Nokia 3310 ໃນ Version ໃໝ່ນີ້ຈະມີໜ້າຈໍສະແດງຜົນຂະໜາດ 1,5 ນິ້ວ, ໜ່ວຍຄວາມຈຳພາຍໃນ ROM ຂະໜາດ 8GB, ຮອງຮັບການເຊື່ຶອມຕໍ່ແບບ microUSB, Battery ຄວາມຈຸ 1650 mAh ແລະມີວິທະຍຸ FM ໃນໂຕ.

Concept ໃນຄັ້ງນີ້ເປັນພຽງແນວຄິດການອອກແບບໃນເບື້ອງຕົ້ນເທົ່ານັ້ນ ແລະ ຍັງບໍ່ມີການລະບຸວ່າ Nokia 3310 Modern Version ຈະມີການອອກແບບແຕກຕ່າງໄປຈາກແບບເກົ່າຫຼາຍຊ່ຳໃດ. ເຊິ່ງໃນເບື້ອງຕົ້ນຄາດວ່າ Nokia 3310 Version ໃໝ່ນີ້ຈະມິລາຄາເລີ່ມຕົ້ນ 6 ແສນກີບ ແລະ ມີແຜນຈະວາງຈຳໜ່າຍ 26 ກຸມພາ 2017 ນີ້, ດັ່ງນັ້ນແຟນໆທຸກຄົນຄວນຕິດຕາມກັນຕໍ່ໄປ.

ທີ່ມາ: Thaimobilecenter