url

ທີມ​ພັດ​ທະ​ນາ​ຖັງ​ກະ​ຟຸ້ຍແດງ Red Barrels ຜູ່​ພັດ​ທະ​ນາ​ເກມ Outlast ແລະ Outlast Wristleblower ເກມ​ຖື​ກ້ອງວິ​ດີ​ໂອ​ລຸຍ​ດົງ​ຄົນ​ບ້າ + ຜີ​ໜ້ອຍ​ນຶ່ງ ໄດ້​ອອກ​ມາ​ປະ​ກາດ​ອອກ​ພາກ​ຕໍ່ Outlast 2 ຢ່າງ​ເປັນ​ທາງ​ກາງ​ມື້​ເຊົ້າ​ນີ້, ຫຼັງ​ຈາກ​ມື້​ວານ​ນີ້​ໄດ້​ເຮັດ​ວິ​ດີ​ໂອ​ມາ​ອ່ອຍ​ວ່າມື້​ອື່ນ​ສິ​ມີ​ຫຍັງ​ດີໆ​ມາ​ໃຫ້​ເບິ່ງ.

ພວກ​ເຮົາ​ຍັງ​ມີ​ເຊີ​ໄພ​ອີກຫຼາຍ​ຢ່າງ ແລະ ຂ້ອຍ​ອົດ​ບໍ່​ໄຫວ​ທີ່​ຈະ​ບອກ​ທຸກໆ​ຄົນ​ໃຫ້​ຮູ້ເຖິງ​ທຸກວິ​ທີ​ທາງ​ທີ່​ພວກ​ເຮົາ​ຈະ​ເຮັດ​ໃຫ້​ຜູ່ຫຼິ້ນ Outlast 2 ນັ້ນ​ຕ້ອງ​ປະ​ເຊີນ​ຢ່າງ​ທໍ​ລະ​ຮົດ

ສຳ​ລັບ​ Outlast 2 ທາງ​ຜູ່​ພັດ​ທະ​ນາ​ບອກວ່າສິ​ຍັງ​ຮັກ​ສາ​ຮູບ​ແບບ​ການຫຼິ້ນ​ທີ່​ຖື​ກ້ອງ, ມີ​ເປີດ nightvision ຄື​ເກົ່າ ແຕ່​ຈະ​ເປັນ​ໂຕ​ລະ​ຄອນ​ ແລະ ສາກ​ໃໝ່, ທີ່​ແນ່ນອນ​ແມ່ນ​ພວກ​ເຂົາ​ຮັບ​ປາກວ່າ​ສິ​ຍັງ​ຮັກ​ສາ​ຄວາມສຽວ ແລະ ເປັນ​ຕາ​ຢ້ານ​ໄວ້​ຢ່າງ​ແນ່ນອນ… ບາງ​ທີ່​ອາດ​ໂຫດກວ່າ​ເກົ່າ! ສຳ​ລັບ​ເນື້ອ​ເລື່ອງ ແລະ ລາຍ​ລະ​ອຽດ​ອື່ນໆ​ແມ່ນ​ຍັງ​ບໍ່​ມີ​ຫຍັງຫຼາຍ ພຽງ​ແຕ່​ຜູ່​ພັດ​ທະ​ນາ​ບອກ​ໄວ້​ວ່າເກມ​ຈະ​ພະ​ຍາ​ຍາມ​ຈີ້​ຈຸດ​ໃຫ້​ເຫັນ​ຄວາມ​ຢ້ານ, ຄວາມ​ຈົນ​ມຸມ ຈົນ​ເຖິງ​ຂັ້ນ​ທີ່​ວ່າ​ໃນ​ຕອນ​ນັ້ນ ​“ການ​ເປັນ​ບ້າ” ຄືສິ່​ງ​ທີ່​ສົມ​ເຫດ​ສົມ​ຜົນ​ທີ່​ສຸດ​.