PDXLan 2

ນັກຫຼິ້ນ​ເກມ​ໃນ Portland ລັດ Oregon ໄດ້ລະ​ດົມ​ບໍ​ລິ​ຈາກ​ອາ​ຫານ​ຈຳ​ນວນ 37,500 ປອນ ຫຼື ປະ​ມານ 1.5 ໂຕນ ພາຍ​ໃນ​ເວ​ລາ​ພຽງ 48 ຊົ່ວ​ໂມງ ເພື່ອ​ບໍ​ລິ​ຈາກ​ໃຫ້​ແກ່ຄົນ​ທຸກ​ຍາກ, ບໍ່​ມີ​ບ່ອນ​ຢູ່ ແລະ ຜູ່​ທີ່​ຕ້ອງ​ການ​ອາ​ຫານ​ບໍ​ລິ​ໂພກ. ບັນ​ດາ​ນັກຫຼິ້ນ​ເກມ ຫຼື gamer ເຫຼົ່າ​ນີ້​ແມ່ນ​ມາ​ຈາກ PDXLAN ເຊິ່ງ​ໄດ້​ຈັດ​ງານ Lan Parties (ຈັດ​ງານຫຼິ້ນ​ເກມ​ຜ່ານ​ໃນ​ວົງ LAN) 3 ຄັ້ງ ໃນ​ແຕ່​ລະ​ປີ, ເຊິ່ງ​ດຶງດ​ູດ​ນັກຫຼິ້ນ​ເກມ​ເຂົ້າ​ຮ່ວມ 400-500 ຄ​ົນ​ໃນ​ແຕ່​ລະ​ຄັ້ງ. ມື້​ນຶ່ງ​ພວກ​ເຂົາ​ໄດ້​ຄົ້ນ​ພົບ​ວ່າ​ກຸ່ມ​ນັກຫຼິ້ນ​ເກມ​ຂອງ​ພວກ​ເຂົາ​ນັ້ນ​ມີ​ຄວາມ​ສາ​ມາດຫຼາຍ​ປານ​ໃດ ພວກ​ເຂົາ​ເລີຍ​ນຳ​ເອົາ​ມັນ​ມາ​ເຮັດ​ໃນ​ທາງ​ທີ່​ດີ.PDXLAN ໄດ້​ຕັດ​ສິນ​ໃຈ​ໃນຫຼາຍ​ປີ​ກ່ອນວ່າ​ຕ້ອງ​ການ​ປັບ​ປ່ຽນ​ແງ່​ຄິດ​ຂອງ​ຄົນ​ທີ່​ມີ​ຕໍ່​ວິ​ດີ​ໂອ​ເກມ​ໃຫ້​ດີ​ຂຶ້ນ ແລະ ເຮັດ​ໃຫ້​ໂລກ​ຮູ້​ວ່າ​ວິ​ດີ​ໂອ​ເກມ​ກໍສ້າງ​ສິ່ງ​ດີໆ​ໃຫ້​ໂລກ​ໄດ້.

PDXLAN decided years ago to leverage their influence in the gaming world to do good in the world

7 ປີ​ກ່ອນ ພວກ​ເຂົາ​ໄດ້​ເລີ່ມຕົ້ນ​ການ​ເຮັດ​ກິດ​ຈະ​ກຳລະ​ດົມ​ອາ​ຫານ​ປະ​ຈຳ​ປີ ແລະ ໄດ້​ປະ​ສົບ​ຜົນ​ສຳ​ເລັດຫຼາຍ​ສົມ​ຄວນ, ພວກ​ເຂົາ​ໄດ້​ກ່າວ​ໄວ້​ວ່າ:

ພວກ​ເຮົາ​ສືບ​ຕໍ່​ທຳ​ລາຍ​ສະ​ຖິ​ຕິ​ທີ່​ຕົນ​ເອງ​ໄດ້​ສ້າງ​ຂຶ້ນ​ໃນ​ຄັ້ງ​ກ່ອນໆທຸກໆ​ປີ ພວກ​ເຮົາ​ບຸກ​ບືນ​ໃຫ້​ຕົນ​ເອງ​ສ້າງ​ສິ່ງ​ດີໆ​ໃຫ້​ສັງ​ຄົມຫຼາ​ຍ​ຂຶ້ນກວ່າ​ເກົ່າ​ທຸກ​ປີ

ສຳ​ລັບ​ໂມ​ເດວ​ການ​ຈັດ​ງານ LAN Party ເພື່ອ​ການ​ກຸ​ສົນ​ຂອງ PDXLAN ນີ້ ແມ່ນ​ພວກ​ເຂົາ​ຈະ​ຮັບ​ບໍ​ລິ​ຈາກ​ອາ​ຫານ​ເພື່ອ​ມາ​ແລກ​ເປັນ​ຄະ​ແນນ ໂດຍ​ອາ​ຫານ​ແຕ່​ລ​ະ​ປະ​ເພດ​ຈະ​ໄດ້​​ຄະ​ແນນແຕກ​ຕ່​າງ​ກັນ ຄະ​ແນນ​ດັ່ງ​ກ່າວ​ສາ​ມາດ​ເລືອກ​ໄປ​ຈົກ​ສະຫຼາກ​ຮັບ​ຮາງວັນ ຫຼື ເຂົ້າ​ແຂ່ງ​ຂັນ​ຕ່າງໆ​ໄດ້ ທີ່​ມູນ​ຄ່າ​ຮວມ​ກັນກວ່າ 800,000,000 ກ​ີບ. ຕົວ​ຢ່າງ​ຄົນ​ທີ່​ບໍ​ລິ​ຈາກອາ​ຈານ​ຈຳ​ນວນ 50 ປອນ ຈະ​ໄດ້​ຮັບ​ເກມ Battlefield 4 ຟ​ຣີ ເປັ​ນ​ຕົ້​ນ. ກຸ່ມ​ນັກຫຼິ້ນ​ເກມ​ປະ​ເທດ​ລາວ​ເຮົາ​ອາດ​ສາ​ມາດ​ນຳ​ໂມ​ເດວ​ທີ່​ພວກ​ PDXLAN ມາ​ນຳ​ໃຊ້ ປັບ​ປຸງ​ໃຊ້​ກັບ​ປ​ະ​ເທດ​ລາວ​ເຮົາ​ກໍ​ເປັນ​ໄດ້.

PDXLAN

ເປັນ​ຫຍັງ​ຂ່າວ​ນີ້​ຈຶ່ງ​ສຳ​ຄັນ ກໍ​ຍ້ອນຫຼັງ​ຈາກ​ບັນ​ດາ​ຂ່າວ​ກ່ຽວ​ກັບ​ວິ​ດີ​ໂອ​ເກມ​ໃນ​ແງ່​ລົບ​ທັງຫຼາຍບໍ່​ວ່າ​ຈະ​ຈິງ ຫຼື ເທັດ, ການ​ເຫັນ​ການ​ໃຊ້​ວິ​ດີ​ໂອ​ເກມ​ເຮັດ​ໃນ​ສິ່ງ​ທີ່​ດີ​ກໍ​ຖື​ເປັນ​ການ​ປ່ຽນ​ແງ່​ມຸມ​ກ່ຽວ​ກັບ​ວິ​ດີ​ໂອ​ເກມ​ທີ່​ດີ. ເພາະທ່ານ​ອາດ​ຈະ​ແປກ​ໃຈ​ຫາກ​ຮູ້​ວ່າງານ​ການ​ກຸ​ສົນ​ທີ່​ລະ​ດົມ​ອາ​ຫານ​ບໍ​ລິ​ຈາກ​ເປັນ​ປະ​ລິ​ມານ​ຢ່າງຫຼວງຫຼາຍ​ຂອງ PDXLAN ນີ້ ຖືກ​ລະ​ເລີຍ ແລະ ບໍ່​ໄດ້​ຮັບ​ຄວາມ​ສົນ​ໃຈ​ຈາກ​ສື່​ໃຫຍ່ໆ​ເລີຍ ເຖິງວ່າ​ພວກ​ເຂົາ​ຈະ​ຂໍ​ເຊີນ​ນັກ​ຂ່າວ​ໃຫ້​ມາ​ເຮັດ​ຂ່າວ​ກໍ​ຕາມ. ທັງ​ນັ້ນ​ທັງ​ນີ້ ກໍ​ຍ້ອນ​ການຫຼິ້ນ​ຂ່າວ ຫຼື ຂາຍ​ຂ່າວ​ຂອງ​ນັກ​ຂ່າວ​ໃນ​ສັງ​ຄົມ​ປັດ​ຈຸ​ບັນ ທີ່​ຢາກ​ຂາຍ​ຂ່າວ ຢາກ​ຫາ​ລາຍ​ໄດ້ ຫຼາຍກວ່າ​ມອບ​ຂໍ້​ມູນ​ທີ່​ດີ ແລະ ແທ້​ຈິງ​ຕໍ່​ສັງ​ຄົມ ແນ່ນອນ​ວ່າ​ຂ່າວ​ທີ່​ວິດ​ີ​ໂອ​ເກມ​ເຮັດ​ສິ່ງ​ດີໆ​ຕໍ່​ສັງ​ຄົມ​ນັ້ນ ມັນ​ຂາຍ​ບໍ່​ໄດ້ ແລະ ບໍ່​ດັງທໍ່​ຂ່າວ​​ຄົນຫຼິ້ນ GTA ແລ້ວ​ໄປ​ຂ້າ​ຄົນ​ຕາຍ ຫຼື ຂ່າວທີ່​ຮ້າຍໆ​ກ່ຽວ​ກັບ​ວິ​ດີ​ໂອ​ເກມ​​ດອກ.

ຂໍ້​ມູນ​ເພີ່ມ​ເຕີມ pdxlan.net