ps4_concept

ຫຼັງໆ​ມາ​ນີ້​ພວກ​ເຮົາ​ໄດ້​ຍິນ​ຂ່າວ​ລື​ຢ່າງຫຼວງຫຼາຍ​ກ່ຽວ​ກັບ PlayStation 4.5 ຫຼື PlayStation 4K ເຊິ່ງຫຼາຍ​ຄົນ​ຄິດ​ວ່າ​ມັນ​ຈະ​ເອີ້ນ​ໃນ​ຊື່​ນີ້. ເຖິງວ່າ​ຈະ​ຍັງ​ບໍ່​ມີ​ຫຍັງ​ໃຫ້​ຢືນ​ຢັນ ແລະ ຫຼາຍ​ຄົນ​ກໍ​ຍັງ​ບໍ່​ໝັ້ນ​ໃຈ​ກ່ຽວ​ກັບ​ເລື່ອງ​ນີ້ ແຕ່​ມັນ​ກໍ​ຖື​ວ່າ​ເປັນ​ຂ່າວ​ລື​ທີ່​ມີ​ອອກ​ມາຫຼາຍ ແລະ​ນັ້ນ​ອາດ​ຈະ​ໝາຍ​ວ່າ​ພວກ​ມັນ​ຕ້ອງ​ມາ​ຈາກ​ໃສ​ຈັກ​ບ່ອນ​ແນ່ນອນ.

picjumbo.com_HNCK4504

ປັດ​ຈຸ​ບັນ​ຍິ່ງ​ມີຫຼັກ​ຖານກອງ​ກັນ​ເຂົ້າ​ມາຫຼາຍ​ຂຶ້ນ​ກ່ຽວ​ກັບ​ເລື່ອງ​ນີ້. ທາງ Digital Foundry ໄດ້​ຄົ້ນ​ພົບ​ເຫດ​ຜົນ​ວ່າ​ເປັນ​ຫຍັງ PS 4.5 ນັ້ນ​ແມ່ນ​ຄວາມ​ຈິງ ແລະ ມັນ​ກຳ​ລັງ​ມາ​ແລ້ວ. ອີງ​ຕາມ DF, ເຄື່ອງຫຼິ້ນ​ເກມ​ໃໝ່​ນີ້​ຈະ​ເອີ້​ນ​ວ່າ PlayStation 4K ເຊິ່ງ​ເປັນ​ການ​ອ້າງ​ອີງ​ເຖິງ​ເທັກ​ໂນ​ໂລ​ຢີ Ultra HD, ເຊິ່ງ​ບົ່ງ​ບອກ​ຊັດ​ເຈດ​ວ່າ​ເຄື່ອງຫຼິ້ນ​ເກມ​ໃໝ່​ນີ້​ຈະ​ຖຶກ​ອັບ​ເກ​ຣດ​ໄປ​ພ້ອມໆ​ກັບ​ເທັກ​ໂນ​ໂລ​ຢີ AMD APU.

ps4k

ແລ້ວ PlayStation 4K ແມ່ນ​ກຳ​ລັງ​ມາ​ແທ້ຫຼືບ​ໍ່ ຫຼື ມັນ​ເປັນ​ພຽງ​ຂ່າວ​ລື​ທີ່​ຮົ່ວ​ອອກ​ມາ​ເພື່ອ​ສ້າງ​ກະ​ແສ? ຫາກ PlayStation 4K ຈະ​ຖືກ​ປະ​ກາດ​ຢ່າງ​ເປັນ​ທາງ​ການ ມັນ​ກໍ​ມີ​ຄວາມ​ເປັນ​ໄປ​ໄດ້​ສູງ​ທີ່​ຈະ​ຖືກ​ປະ​ກາດ​ໃນ​ງານ E3 ປີ​ນີ້ ໃນ​ຊ່ວງວັນ​ທີ 14-16 ​ເດືອນມິ​ຖຸ​ນາປີ​ນີ້. ທ່ານ​ເດ​ຄິດ​ວ່າ​ມັນ​ຈະ​ມາ​ແທ້ຫຼື​ບໍ່? ສະ​ແດງ​ຄຳ​ເຫັນ​ຂອງ​ທ່ານ​ໃຫ້​ພວກ​ເຮົາ​ຮັບ​ຮູ້​ນຳ​ໄດ້​ໃນ​ກ່ອງ​ຄຳ​ເຫັນ​ດ້ານ​ລຸ່ມ​ເລີຍ.