Lovers-On-The-Grass-Desktop-Wallpaperສະບາຍດີ ຂ້າພະ​ເຈົ້າ​ນາມ​ວ່າ ນົກອ້ຽງ ໃກ້​ຈະ​ເຖິງ​ມື້​ວາ​ເລັນ​ໄທ​ແລ້ວ ມື້​ນີ້​ຢາກ​ຂໍນຳ​ສະເໜີ​ຄຳ​​ເອີ້ນ​ແຟນ​ໃນ​ພາສາ​ອັງກິດ ຈາກ Dek-D.com ລອງ​ໄປ​ເບິ່ງ​ກັນ​ດີກວ່າ​ວ່າ​ມີ​ຄຳ​ໃດ​ທີ່​ເຮົາ​ຢາກ​ໃຊ້​ກັບ​ຄົົນທີ່​ເຮົາ​ຮັກ​ບໍ່

#ໝາຍ​ເຫດ: ຄວາມ​ຮູ້ສຶກ​ຂອງ​ຜູ່ຖືກ​ເອີ້ນ​ດ້ວຍ​ຄຳ​ເຫລົ່າ​ນີ້​ມາ​ຈາກ​ຜູ່​ທີ່​ອາໄສ​ໃນ​ສັງຄົມ​ຕາເວັນ​ຕົກ​ເປັນ​ຫລັກ.

 

 

ເປັນ​ຂໍ້​ມູນ​ທີ່​ມາ​ຈາກ​ທັງ​ຄົນ​ຮູ້​ຈັກ ແລະ​ຄົນ​ທົ່ວ​ໄປ​ທີ່​ສະແດງ​ຄວາມ​ຄິດ​ເຫັນ​ຕາມ​ເວັບ​ໄຊ​ຍອດ​ນິຍົມ​ຕ່າງໆ

  1. My King/My Queen

ຊື່​ນີ້​ຈະ​ເຮັດໃຫ້​ອີກ​ຝ່າຍ​ຮູ້ສຶກ​ວ່າ​ເຮົາ​ເຄົາລົບ​ ແລະ​ໃຫ້​ກຽດ​ຫລາຍໆແຖມ​ຍັງ​ສື່​ໃນ​​ໂຕ​ດ້ວຍ​ວ່າ “ພຽງ​ແຕ່​ລາວ​ເປັນ​ລາວ​ໃນ​ແບບ​ນີ້ ລາວ​ກໍ​ເປັນ​ດັ່ງ​ພະ​ລາ​ຊາ/ລາ​ຊິ​ນີ​ຂອງ​ຂ້ອຍ​ແລ້ວ” ແຕ່​ຖ້າ​ຢ້ານ​ຈະ​ຮູ້ສຶກ​ວ່າ​​ເຖົ້າ​ໄປ​ໃຊ້​ພຽງ​ແຕ່ My Prince, My Princess ກໍ​ໄດ້​ເຊັ່ນ​ກັນ ຫລາຍ​ຄົນ​ບອກວ່າ​ຈະ​ໃຊ້​ເອີ້ນ​ເວລາ​ຢາກ​ຂໍ​ອະນຸຍາດ​ບາງຢ່າງ​ຈາກ​ແຟນ ແຟນ​ຟັງ​ແລ້ວ​ຈະ​ໄດ້​ອະນຸຍາດ.

  1. Gorgeous

ຄຳ​ນີ້​ເໝາະ​​ເອີ້ນ​ຝ່າຍ​ຍິງ​ຫລາຍກວ່າ ເພາະ​ມັນ​ແປ​ວ່າ​ງາມ​ສະ​ຫງ່າ ໄດ້ຍິນ​ແລ້ວ​ນາງ​ຈະ​ຍິ່ງ​ຮູ້ສຶກ​ດີ​ກັບ​ຕົວ​ເອງ​ຫລາຍ​ຂຶ້ນ ແລະ​ຮູ້ສຶກ​ງາມ​ຂຶ້ນ​ເລີຍ ມື້​ນັ້ນ​ຄວາມຫມັ້ນ​ໃຈ​ນາງ​ຈະ​ເພີ່ມ​ຂຶ້ນ​ແນ່​ນອນ ຫລື​ຈະ​ໃຊ້ Beautiful ກໍ​ໄດ້​ເຊັ່ນ​ກັນ ແຕ່​ຖ້າ​ຈະ​ເອີ້ນ​ແຟນ​ໜຸ່ມ​ກໍ​ບໍ່​ຜິດ​ເຊັ່ນ​ກັນ ຫລື​ຈະ​ໃຊ້ Handsome ກໍ​ໄດ້.

  1. Good Looking

ຄຳ​ນີ້​ຄວນ​ເອີ້ນ​ເວລາ​ທີ່​ພວກ​ເຂົາ​ກຳ​ລັງ​ຢູ່ໃນ​ກຸ່ມ​ເພື່ອນ ເພາະ​ຕໍ່​ໃຫ້​ແຟນ​ເຮົາ​ບໍ່ແມ່ນ​ຄົນ​ໜ້າ​ຕາ​ດີ​ທີ່ສຸດ​ໃນ​ກຸ່ມ (​ເຊິ່ງ​ແນ່ນອນ​ວ່າ​ໂຕ​ແຟນ​ເຮົາ​ກໍ​ຮູ້​​ໂຕ​ຢູ່​ແລ້ວ) ແຕ່​ພໍ​ໄດ້ຍິນ​ແບບ​ນີ້ ພວກເຂົາ​ຈະ​ຮູ້ສຶກ​ດີ​ຂຶ້ນ​ມາ​ເລີຍ ເປັນ​ວິທີ​ເພີ່ມ​ຄວາມຫມັ້ນ​ໃຈ​ທີ່​ດີ.

  1. Darling

ຄຳ​ນີ້​ເປັນ​ຫຍັງ​ທີ່​ຟັງ​ແລ້ວ​ອ່ອນ​ລະ​ທວຍ​ຫລາຍ ຍິ່ງ​ຖ້າ​​ໄດ້​ຍິນ​ສຳ​ນຽງ​ອັງ​ກິດ​ເຂົ້າໄປ​ນີ້​ລະ​ລາຍ​ແທ້ໆ ຄົນ​ອັງ​ກິດ​ໃຊ້​ຄຳ​ນີ້​ຂ້ອນ​ຂ້າງ​ເລື້ອຍ​ຈົນ​ບໍ່​ຈຳ​ເປັນ​ວ່າ​ຕ້ອງ​ໃຊ້​​ເອີ້ນ​ຄົນ​ຮັກ​ເທົ່າ​ນັ້ນ​ແລ້ວ ແຕ່​ຖ້າ​​ເອີ້ນ​ຄົນ​ຮັກ​ດ້ວຍ​ຄຳ​ນີ້​ຮັບຮອງ​ວ່າ​ອີກ​ຝ່າຍ​ຟິນ​​ເລີຍ (​ແອັດ​ມິນ​ກໍ​ຢາກ​ໃຫ້​ມີ​ຄົນ​ມາ​ຮ້ອງ​ຄື​ກັນ) ເພາະ​ຄົນ​ສ່ວນ​ຫລາຍ​ບອກວ່າ​ຄຳ​ນີ້​ຈະໃຫ້​ຄວາມ​ຮູ້ສຶກ​ວ່າ​ຮັກ​ຫລາຍ​ຫລົງ​ຫລາຍ.

Darling

  1. Dear

ຄຳ​ນີ້​ເໝາະ​ກັບ​ຄົນ​ຮັກ​ທີ່​ຈິງ​ຈັງ​ກັນ​ແລ້ວ​ຫລາຍກວ່າ​ຄວາມ​ຮັກ​ສາບ​ສວຍ​ຫລື ​ຮັກ​ແບບ​ເດັກນ້ອຍຈະໃຫ້​ຄວາມ​ຮູ້ສຶກ​ວ່າ​ຜູ່​ເອີ້ນ​ເປັນ​ຫ່ວງ​ເປັນ​ໃຍ​ຄົນ​ຮັກ​ຫລາຍໆ ຫລາຍ​ຄົນ​ໃຊ້​ເອີ້ນ​ລູກ​ຫລື​ ເດັກນ້ອຍ​ທີ່​ເຮົາ​ເອັນ​ດູ​ເປັນຕາ​ຮັກ.

  1. Pumpkin

ຢ່າ​ໄປຄຶດ​ເຖິງ​ ໝາກອຶ ເພາະ​ຈະ​ໝົດ​ຄວາມ​ໂຣ​ແມນ​ຕິກ​ທັນ​ທີ ຄວາມ​ຈິງຄຳ​ນີ້​ເປັນ​ຊື່​ຫລິ້ນ​ສຳລັບ​​ເອີ້ນ​ແຟນ​ທີ່​ຈັດ​ວ່າ​ໜ້າ​ຮັກ​ຕິດ​ອັນ​ດັບ​ ​ເອີ້ນ​ແລ້ວ​ໃຫ້​ອາລົມ​ມຸ້ງ​ມິ້ງ ຢາກ​ນັ່ງ​ອິງ​ກັນ​ເບິ່ງ​ທີ​ວີ​ຫຍັງ​ປະ​ມານ​ນີ້ ແຕ່​ເປັນ​ຊື່​ທີ່​ຄວນ​​ເອີ້ນ​ກັນ 2 ຄົນ ຢ່າ​ໃຫ້​ເພື່ອນ​ມາ​ໄດ້ຍິນ​ ໂດຍ​ສະເພາະ​ກຸ່ມ​ເພື່ອນ​ຂອງ​ຝ່າຍ​ຊາຍ (ຄຶດ​ເຫັນ​ພາບ​ເຮົາ​​ເອີ້ນ “ພໍ່​ໝາກອຶ​ນ້ອຍ​ ” ຕໍ່​ໜ້າ​ເພື່ອນ​ ໆ​ເຂົາໆ​ຕ້ອງຖືກ​ເວົ້າ​ໃຫ້​ໄປ 2 ປີ​ໂລດ​ແຫລະ!!!)

  1. Babe/Baby

ຄຳ​ນີ້​ເປັນ​ຄຳ​ກາງໆ ໃຊ້​ໄດ້​ເລື້ອຍໆຝ່າຍ​ຍິງ​ສາມາດ​ເອີ້ນ​ແຟນ​​ໂຕ​ເອງ​ຕໍ່​ໜ້າ​ເພື່ອນ​ໆ ຂອງເຂົາ​ໄດ້​ໂດຍ​ທີ່​ເຂົາ​ຈະ​ບໍ່​ຮູ້ສຶກ​ອາຍ​ເພື່ອນ (ສັງຄົມ​ຕະເວັນ​ຕົກ​).

  1. Sweetie

ອີກ​ຄຳ​ທີ່​ໃຊ້​ກັນ​ເລື້ອຍ ເປັນ​ຄຳ​​ເອີ້ນ​ທີ່​ຮັກ​ທີ່​ມີ​ຄວາມ​ໜ້າ​ຮັກ ຂີ້​ດື້ ​ຫລາຍກວ່າ​ດາລິ່ງ ນອກ​ຈາກ​ນີ້​ຍັງ​ໃຊ້​ເລື້ອຍ​ກັບ​ການ​​ເອີ້ນ​ເດັກນ້ອຍ.

  1. Champ

ແຊັມ ເໝາະ​ໃຊ້​​ເອີ້ນ​ຝ່າຍ​ຊາຍ​ຫລາຍກວ່າ ຍິ່ງ​ຖ້າ​ເປັນ​ພວກ​ສູ້​ບໍ່​ຖອຍ ຫລື​ເຂົາ​ຫາກໍ່​ຊະນະ​ເລື່ອງ​ຫຍັງ​ມາ ​ເອີ້ນ​ດ້ວຍ​ຄຳ​ນີ້​ຈະ​ເຮັດໃຫ້​ເຂົາ​ຍິ່ງ​ພູູມໃຈ​ໃນ​​ໂຕ​ເອງ​ຫລາຍ​ຂຶ້ນ.

  1. Love

ຄຳ​ທີ່​ກົງ​ໂຕ​ເລີຍ ​ເອີ້ນ​ແລ້ວ​ຈະ​ຮູ້ສຶກ​ເລີຍ​ວ່າ​ເປັນ​ຄູ່​ທີ່​ແຕ່ງ​ງານ​ກັນ​ມາ​ດົນ ຫລື​ຖ້າ​ຍັງ​ບໍ່​ແຕ່ງ​ກໍ​ຮູ້​ເລີຍ​ວ່າ​ຄົບ​ກັນ​ມາ​ດົນ ແຖມ​ຄົນ​ຟັງ​ໄດ້ຍິນ​ແລ້ວ​ກໍ​ຈະ​ຮູ້ສຶກ​ດີ​ນຳ​ອີກ.

  1. Sunshine

ຄຳ​ນີ້​ຄວນ​​ເອີ້ນຕອນ​ເຊົ້າ​ເປັນ Good morning, Sunshine! ໃຫ້​ອາລົມ​ວ່າລາວ​ຄື​ດວງ​ອາທິດ​ຂອງ​ຂ້ອຍ ຕື່ນ​ມາ​ແລ້ວ​ຢາກ​ເຫັນ​ໜ້າ​ລາວ​ເປັນ​ຄົນທຳ​ອິດ​ທຸກ​ມື້ ເຫັນ​ນາງ​ແລ້ວ​ສົດ​ໃສ​.

  1. Bae

ຄຳ​ຮິດ​ໃໝ່​ລ່າ​ສຸດ​ທີ່​ຫາກໍ່ມີ​ໃນ​ປີ 2013 (ສະໄໝ​ຍຸກ​ກາງ​ຖື​ວ່າ​ເປັນ​ສຽງ​ແກະ​ຮ້ອງ) ແມ່ນ​ຈະ​ມີ​ຄົນ​ອອກ​ມາ​ບອກວ່າ​ມັນ​ແປ​ວ່າ​ ”ຂີ້” ​(ຫມົດ​ອາລົມ​ເລີຍ) ໃນ​ພາສາ​ເດນ​ມາກ ແຕ່​ກະ​ແສ​ໂຊ​ຊຽວຍັງ​ດີ​ບໍ່​ຕົກ ຄົນ​ສ່ວນ​ໃຫຍ່​ເຊື່ອ​ວ່າ​ມັນ​ຄື​ຄຳ​ຫຍໍ້​ຂອງ Babe ຄຳ​ນີ້​ຈຶ່ງ​ກາຍ​ມາ​ເປັນ​ຄຳ​​ເອີ້ນແຟນ ຫລື​ເປັນ Adjective ແປ​ວ່າ​ເທ່​ ຫລື​ດີ​ຫລາຍໆໆ​ໆ ກໍ​ໄດ້.

  1. Sweetheart

ເປັນ​ເວີ​ຊັ່ນ​ຫລູ​ກວ່າ​ຂອງ Sweetie ​ແລະຈະ​ເປັນ​ຄຳ​ມາດຕະຖານ​ຂອງ “ທີ່​ຮັກ” ເລີຍ.

  1. Romeo

ຄຳ​ນີ້​ເຄີຍ​ພົບ​ມາ​ໃນ 2 ສະຖານະການ​ຄື​​ເອີ້ນ​ໜຸ່ມ​ທີ່​ໂຣ​ແມນ​ຕິກ​ ກັບ​ໜຸ່ມ​ທີ່​ບໍ່​ມີ​ຄວາມ​ໂຣ​ແມນ​ຕິກ​ເລີຍ​ແມ່ນແຕ່ຫ​ນ້ອຍ ​ເອີ້ນວ່າ​ເປັນ​ຊື່​ປະ​ຊົດ​ນັ້ນ​ເອງ 555

 

ຄຳ​ອື່ນໆທີ່​ພົບ​ຫລາຍ​ເຊັ່ນ​ກັນ Honey, Boo, Shortie, Muffin, ຊື່​ຂະໜົມ​ຫວານ ຫລື​ຊື່​​ໂຕ​ລະ​ຄອນທີ່​ມັກ​ທີ່​ຮູ້​ກັນ 2 ຄົນ.

ອັນ​ທີ່​ຈິງ​ການ​ໃຊ້​ແຕ່​ລະ​ຄຳ​ຖື​ເປັນ​ເລື່ອງ​ລະຫວ່າງ​ຄົນ 2 ຄົນ ບາງ​ຄົນ​ກໍ​ໃຊ້​ບາງ​ຄຳ​​ເອີ້ນ​ແບບ​ນັ້ນ​ບໍ່​ໄດ້ ບາງ​ຄຳ​ກໍ​ຄວນ​ເອີ້ນ​ກັນ​ລັບໆ ຢ່າ​ໃຫ້​ຄົນ​ອື່ນ​ຢູ່ ຂຶ້ນ​ກັບ​ລັກສະນະ​ນິ​ໄສ​ຂອງ​ຄູ່​ຮັກ​ ຄວາມ​ຮູ້ສຶກ​ຂອງ​ຄົນ​ຮັກ​ເປັນ​ສິ່ງ​ທີ່​ຕ້ອງ​ຄຳ​ນຶງ​ເຖິງ​ຫລາຍ​ທີ່ສຸດ​.