Samsung RAM

ເບິ່ງ​ພາຍນອກ​ລວກໆ ນີ້​ອາດ​ເບິ່ງ​ຄື​ກັບ RAM ທຳ​ມະ​ດາ ແຕ່​ໂອ້​ນໍ້! ພາຍ​ໃນ​ມ​ັນ​ບໍ່​ທຳ​ມະ​ດາ​ເລີຍ ເພາະ​ນີ້​ແມ່ນ RAM DDR4 ຈາກ Samsung ທີ່ແຜງ​ດຽວ​ຂະ​ໜາດ​ສູງ​ຄ້ຳ​ຟ້າ​ເຖິງ 128GB! ແຕ່​ຂະ​ໜາດ​ຍັງ​ຊ່ຳ​ເກົ່າ. ໂດຍ​ມາ​ພ້ອມ​ກັບ​ເທັກ​ໂນ​ໂລ​ຢີ TSV (Through Silicon Via) ​ເຊິ່ງ​ໄປ​ວິ​ທີ​ການ​ເຊື່ອມຊິບ​ໃນ RAM ແບບ​ໃຫມ່​ຂອງ Samsung ທີ່​ຈະ​ເພີ່ມ​ປະ​ສິດ​ຕິ​ພາບ​ການ​ອ່ານ ແລະ ຂຽນ​ຂໍ້​ມູນ ພ້ອມ​ກັບປະ​ຢັດ​ພະ​ລັງ​ງານ. ໂດຍ​ກຽມ​ເລີ່ມ​ວາງ​ຂາຍ​ໄວໆ​ນີ້.

RAM ປະ​ເພດ​ນີ້​ແມ່ນ​ອອກ​ແບບ​ມາ​ເພື່ອ​ການ​ໃຊ້​ໃນ​ເຊີບ​ເວີ​ຂອງ​ອົງ​ກອນ​ໃຫຍ່, ໂດຍ​ມີ​ການ​ຝັງ​ຊິບ​ຄວາມ​ຈຸ 4GB ຈຳ​ນວນ 36 ອັນ. RAM ນີ້​ເຮັດ​ວຽກ​ດ້ວຍ​ຄວາມ​ໄວ 2,400 Mb/s.

RAM ໃຫມ່​ນີ້​ແມ່ນ ຈຸດ​ສຸດຍອດ​ຂອງ​ຄວາມ​ຈຸ ແລະ ການ​ປະ​ຢັດ​ພະ​ລັງ​ງານ​ຂອງ RAM ໃນ​ປັດ​ຈຸ​ບັນ.

~ Samsung

ປັດ​ຈຸ​ບັນ​ຍັງ​ບໍ່​ມີ​ການ​ກ່າວ​ເຖິງ​ລາ​ຄາ ແຕ່​ໜ້າ​ຈະ​ແນ່ນອນ​ທີ່​ມັນ​ຄື​ຈະ​ແພງ​ເກີນ​ໄປ​ສຳ​ລັບ​ເອົາ​ມາ​ໃຊ້​ໃນ PC ຂອງ​ຄົນ​ທົ່ວໆ​ໄປ. ປັດ​ຈຸ​ບັນ RAM ກຳ​ລັງ​ຢູ່​ໃນ​ຂັ້ນ​ຕອນ​ການ​ຜະ​ລິດ​ແລ​້ວ.