final banner lao2sໄລຍະສອງສາມເດືອນທີ່ຜ່ານມາ ໃນສັງຄົມອອນໄລ ຄົງບໍ່ມີໃຜກ້າປະຕິເສດວ່າ ບໍ່ເຫັນກຸ່ມທຸລະກິດຊື່ວ່າ
TopUp2Rich ທີ່ໂຄສະນາ ຊັກຊວນ ໃຫ້ຄົນຫັນມາຮ່ວມທຸລະກິດ ໂດຍອ້າງຈຸດເດັ່ນວ່າ “ປ່ຽນລາຍຈ່າຍໃຫ້ເປັນ
ລາຍຮັບ” ຫລື “ຫມັ້ນຄົງ ເຮັດງ່າຍ ສະດວກສະບາຍ ລົງທຶນບໍ່ແພງ ໂປ່ງໃສ ໄດ້ເງິນທຸກມື້” ໂດຍຫລັກໆກໍແມ່ນ
ເປັນທຸລະກິດທີ່ເຮັດງ່າຍ ລາຍໄດ້ດີ ປ່ຽນຈາກລາຍຈ່າຍການຕື່ມເງິນໂທລະສັບມາເປັນລາຍຮັບ “ພຽງແຕ່ສະ
ຫມັກສະມາຊິກມູນຄ່າ 1000 ບາດ”

ກ່ຽວກັບ TopUp2Rich ຜູ່ຂຽນຈະບໍ່ອະທິບາຍຫຍັງຫລາຍ ເພາະເຊື່ອວ່າຫລາຍຄົນຄົງຖືກ SPAM ກັນມາຫລາຍ
ແລ້ວ ເອົາຫຍໍ້ໆສັ້ນໆ ທຸລະກິດນີ້ເພິ່ນອ້າງວ່າ ບໍລິສັດໄດ້ສ້າງລະບົບ ITS ທີ່ເປັນລະບົບສຸດສະຫລາດ ຊ່ອຍໃຫ້
ການຕື່ມເງິນມືຖືສະດວກສະບາຍ ດັ່ງນັ້ນຖ້າໃຜບໍ່ຢາກຂູດບັດແບບເກົ່າກໍມາສະຫມັກໄດ້ ນອກຈາກຕື່ມເງິນສະ
ດວກແລ້ວ ຍັງສ້າງລາຍໄດ້ຈາກການຫາສະມາຊິກ ແລະເປີເຊັນຈາກຄົນໃນເຄືອຂ່າຍທີ່ຕື່ມເງິນ.

“ຫມາຍເຫດບົດຄວາມນີ້ແມ່ນກ່າວເຖິງກຸ່ມທີ່ເຄື່ອນໄຫວ ໂດຍອ້າງວ່າເປັນ TopUp2Rich ແລ້ວມາເຄື່ອນໄຫວເກັບ
ເງິນສະມາຊິກ ທັງໆທີ່ລະບົບບໍ່ທັນມີ ແລະຍັງບໍ່ມີທະບຽນອະນຸຍາດຢ່າງຖືກກົດຫມາຍ ເຊິ່ງບໍ່ມີສ່ວນກ່ຽວຂ້ອງກັບບໍລິສັດ
ສະບາຍດີມີເດຍ ແລະ ສະບາຍດີ TopUp2Rich

final banner laos 1044452_568790496504329_1289963515_n

final banner laos

“ອັບເດດຮູບໃຫມ່ 23/7/2013 ໂດຍເຊັນເຊີໂລໂກເຄືອຂ່າຍໂທລະຄົມອອກ ເພາະເຫັນວ່າຢູ່ໃນຂັ້ນຕອນໄກ່ເກ່ຍກັນຢູ່”

ຟັງໂດຍລວມແລ້ວເບິ່ງຄືວ່າ “ຄືໆສິດີ” ເພາະຫລາຍຄົນອາດຈະຄຶດພໍ້ວ່າບາງຄັ້ງຕົນເອງເງິນຫມົດ ແຕ່ຮ້ານປິດຫມົດບໍ່ຮູ້ສິເຕີມຢູ່ໃສ???
ແຕ່ເມື່ອວິເຄາະເບິ່ງແລ້ວ ມັນກໍເກີດຄຳຖາມວ່າ TopUp2Rich ສະດວກແທ້ບໍ່???
ຂໍ້ມູນຈາກ: mlmthailand
1. ຕ້ອງຈ່າຍຜ່ານລະບົບທະນາຄານ ສະແດງວ່າຕ້ອງມີບັນຊີ ແລະຕ້ອງເອົາເງິນເຂົ້າທະນາຄານ ຖ້າໃຊ້ທະນາຄານຕ່າງກັນກໍຕ້ອງເສຍຄ່າໂອນ
ເງິນຂ້າມທະນາຄານອີກ.
2. ຕ້ອງໂອນເງິນຂັ້ນຕ່ຳ 500ບາດ ເຂົ້າລະບົບ (ເສຍຄ່າສະມາຊິກ 1000 ບາດຍັງບໍ່ແລ້ວ)
3. ຫລັງຈາກໂອນເງິນຕ້ອງໂທແຈ້ງ TopUp2Rich
4. ຖ້າເງິນເຂົ້າສູ່ກະເປົາເງິນອອນໄລ (ID ຂອງຕົນເອງ) ເຊິ່ງບໍ່ຮູ້ວ່າຕ້ອງຖ້າດົນປານໃດ ຖ້າຖືກມື້ພັກກໍຕ້ອງໄດ້ຖ້າຫລາຍມື້
5. ເມື່ອເງິນເຂົ້າລະບົບແລ້ວ ຈຶ່ງສົ່ງ SMS ໄປຕື່ມເງິນໄດ້ (ເສຍຄ່າສົ່ງ SMS ອີກ)
6. ຖ້າເງິນເຂົ້າ

ຈະສັງເກດວ່າ ຂັ້ນຕອນບໍ່ໄດ້ສະດວກເລີຍ ສະຫລຸບວ່າຍ່າງໄປຊື້ບັດຢູ່ຮ້ານ ຫລືໂທຫາຫມູ່ທີ່ຂາຍບັດຕິດຫນີ້ດີກວ່າຮາຮາ

ນອກຈາກຂັ້ນຕອນການຕື່ມເງິນທີ່ເບິ່ງຄືຈະສະດວກ ແຕ່ຜັດບໍ່ສະດວກແລ້ວ ມາເບິ່ງດ້ານລາຍຮັບ ເຊິ່ງມີການໂຄສະນາວ່າສະມາຊິກຈະໄດ້
0,3% ຈາກການຕື່ມເງິນ.ໂດຍທົ່ວໄປເຄືອຂ່າຍມືຖືໃນລາວ ເຂົາຂາຍບັດແບບເຫມົາໃຫ້ໄປຂາຍຕໍ່ ຈະໃຫ້ເປີເຊັນການຂາຍບັດທີ່ປະມານ
3-10% ແຕ່ລະບົບຂອງ TopUp2Rich ຫັກເປີເຊັນໃຫ້ຄົນຂາຍພຽງແຕ່ 0.3% ຖາມວ່າທີ່ເຫລືອອີກຫລາຍເປີເຊັນ ຫາຍໄປໃສ???
(ຕອບງ່າຍໆກໍເຂົ້າກະເປົາຄົນຢູ່ທ໋ອບໆສົມຊື່ TopUp2Rich ຮາຮາ)

1005622_541337872568403_236992485_n

– ເບິ່ງສອງດ້ານໄປແລ້ວ ບາດນີ້ກໍຄົງຈະເລີ່ມມີຄົນຕໍ່ຕ້ານຄັດຄ້ານວ່າ ຢ່າມາຂຽນໂລເລຢູ່ນີ້ ຂ້ອຍໄປເຮັດມາແລ້ວມັນໄດ້ເງິນແທ້ໃດ???
ສຳລັບຄຳຖາມນີ້ ຜູ່ຂຽນຂໍຕອບກົງໆວ່າ ຖ້າທ່ານເຄີຍເຮັດມາແລ້ວ ແລ້ວບອກວ່າໄດ້ເງິນແທ້ ອັນນີ້ຜູ່ຂຽນເຊື່ອວ່າໄດ້ ໂດຍສະເພາະໃນໄລຍະ
ທຳອິດ ເງິນຈະເຂົ້າຫລາຍເປັນພິເສດ ເພາະລາຍຮັບຂອງທ່ານມັນມາຈາກການຫາສະມາຊິກລ້ວນໆ ບໍ່ໄດ້ກ່ຽວກັບການຕື່ມເງິນເລີຍ. ເນື່ອງ
ຈາກລະບົບຂອງ TopUp2Rich ຈະໃຫ້ສະຫມັກສະມາຊິກໃນລາຄາ 1000B ແລ້ວຫັກ 200B ໃຫ້ຜູ່ແນະນຳ ແລ້ວອີກ 800B ຫາຍໄປໃສ???
(ຕອບງ່າຍໆອີກຄັ້ງກໍເຂົ້າກະເປົາຄົນຢູ່ທ໋ອບໆສົມຊື່ TopUp2Rich ຫັ້ນແລ້ວ)

ໂດຍລວມແລ້ວ ລະບົບທຸລະກິດຂອງ TopUp2Rich ມີລັກສະນະເປັນທຸລະກິດຕ່ອງໂສ້ ຄືການກິນຫົວຄິວ ຫລືກິນຄ່າສະມາຊິກຈາກການຍົວະ
ໃຫ້ຄົນມາສະຫມັກຫລາຍໆ ສັງເກດງ່າຍໆກໍຄື ນະໂຍບາຍຂອງບໍລິສັດ ທີ່ອະນຸຍາດໃຫ້ສະມາຊິກຄົນນຶ່ງ ສະຫມັກຫລາຍລະຫັດໄດ້ ສູງສຸດຜູ່ນຶ່ງ
ເຖິງ 15 ລະຫັດ (ສະແດງວ່າເສຍຄ່າສະຫມັກ 15,000ບາດ???) ເຮັດໃຫ້ເຫັນວ່າຈຸດປະສົງແທ້ໆກໍຄືເນັ້ນຫາຄົນມາສະຫມັກຫລາຍໆ ບໍ່ໄດ້ເນັ້ນ
ການຕື່ມເງິນເລີຍຈັກຫນ້ອຍ.

ນັ້ນຄືການວິເຄາະແລະອ່ານເກມທຸລະກິດນີ້ ຂອງຜູ່ຂຽນເອງ ເຊິ່ງທີ່ຜ່ານມາຜູ່ຂຽນແລະຫມູ່ຄູ່ຫລາຍໆຄົນ ກໍໄດ້ຊ່ອຍກັນບອກເຕືອນຄົນລາວ
ທີ່ຫລົງເຊື່ອ ແຕ່ປະກົດວ່າກຸ່ມຄົນທີ່ຫລົງເຊື່ອນັ້ນບໍ່ໄດ້ຟັງຄຳເຕືອນແຕ່ຢ່າງໃດ ຊ້ຳຮ້າຍ ຍັງພາກັນມາໂຈມຕີຄົນທີ່ເຕືອນດ້ວຍຄວາມຫວັງດີວ່າ
ຢ່າມາກໍ່ກວນ ຫລືຂັດຂວາງທຸລະກິດ ບາງຄົນເວົ້າຮອດວ່າກຸ່ມທີ່ມາກ່າວເຕືອນນີ້ມີຈຸດປະສົງບໍ່ດີ ຫລືເວົ້າຮອດວ່າອິດສາທີ່ຄົນອື່ນມີລາຍໄດ້ດີ.

ເມື່ອພໍ້ແນວນັ້ນຜູ່ຂຽນກໍບໍ່ຈັກສິວ່າ ກໍໄດ້ແຕ່ບອກໄປເທົ່າທີ່ບອກໄດ້ເທົ່າທີ່ມີໂອກາດ ແຕ່ເມື່ອເວລາຜ່ານໄປ ກໍຍິ່ງເຫັນວ່າກະແສຍິ່ງແຮງ ຍິ່ງມີ
ຄົນເຊື່ອຫລາຍ ແຕ່ແລ້ວສິ່ງທີ່ບໍ່ຄາດຝັນກໍເກີດຂຶ້ນ ເມື່ອກະແສທີ່ແຮງນັ້ນ ເລີ່ມສ້າງຄວາມລຳຄານໃຫ້ຫລາຍໆຄົນ ແລະກະແສທີ່ແຮງນັ້ນເລີ່ມ
ແຜ່ອອກໄປກວ້າງຈົນຜູ່ທີ່ກ່ຽວຂ້ອງ (ຕ້ອງບອກວ່າຖືກອ້າງວ່າກ່ຽວຂ້ອງດີກວ່າ) ເລີ່ມອອກມາເຄື່ອນໄຫວ.

5_n

“ຮູບນີ້ໂພສໂດຍ Kumla Chaiyarach ປັດຈຸບັນສັເກດວ່າປ່ຽນຊື່ fb ໄປແລ້ວ ຫນີຄວາມຜິດ ເຊິ່ງບໍລິສັດສະບາຍດີ
ມີເດຍ ພະຍາຍາມນຳໂຕມາດຳເນີນຄະດີຢູ່” ອັບເດດວັນທີ (23/7/2013)

ເລີ່ມຈາກບໍລິສັດ ລາວອາທ໌ມີເດຍ ທີ່ເຄີຍຖືກກ່າວອ້າງວ່າເປັນເຈົ້າຂອງທຸລະກິດ TopUp2Rich ສາຂາປະເທດລາວ ກໍໄດ້ອອກມາແຈ້ງການຜ່ານ
ຫນັງສືພິມ ວ່າບໍລິສັດຂອງຕົນບໍ່ໄດ້ມີສ່ວນຂ້ອງໃດໆກັບທຸລະກິດດັ່ງກ່າວ. (ທາງຜູ່ກ່ຽວຂ້ອງແຈ້ງວ່າມີການຂໍໂທດກັນແລ້ວ ອັບເດດ 23/7/2013)

1002859_10201502920955958_1393364232_n(1)

ແລະຫລ້າສຸດ 1 ໃນເຄືອຂ່າຍໂທລະສັບຍັກໃຫຍ່ຂອງລາວຢ່າງ ລາວໂທລະຄົມ ກໍໄດ້ອອກແຈ້ງການວ່າ ລາວໂທລະຄົມ ບໍ່ໄດ້ມີການເຊັນສັນຍາກັບ
TopUp2Rich ແຕ່ຢ່າງໃດ. (ອັບເດດ 23/7/2013 ບໍລິສັດສະບາຍດີມີເດຍ ແຈ້ງວ່າ ໄດ້ຕິດຕໍ່ຂໍໂທດລາວໂທລະຄົມ ແລະປັດຈຸບັນຢູ່ໃນຂັ້ນຕອນ
ເຈລະຈາໄກ່ເກ່ຍ ເພື່ອຂໍດຳເນີນທຸລະກິດຮ່ວມກັນຕໍ່ໄປ)

998563_494347883975520_1996465565_n

ຈະເຫັນໄດ້ວ່າທີ່ຜ່ານມາການໂຄສະນາກ່າວອ້າງ ຂອງບໍລິສັດ TopUp2Rich ນັ້ນເວົ້າໄດ້ວ່າເກີນຈິງ ແລະຂີ້ໂມ້ ເພື່ອຕົວະຍົວະໃຫ້ຄົນເຊື່ອ.

ນອກຈາກພາຍໃນປະເທດແລ້ວ ໃນປະເທດຕົ້ນກຳເນີດຂອງ TopUp2Rich ເອງກໍບໍ່ນ້ອຍຫນ້າ ເລີ່ມຈາກໃນໂລກອອນໄລທີ່ເວັບໄຊ
mlmthailand.info ເຊິ່ງເປັນເວັບໄຊທີ່ເປັນສູນລວມທຸລະກິດເຄືອຂ່າຍ ເຊິ່ງເວັບໄຊນີ້ມີຈຸດປະສົງ ເຜີຍແຜ່ບໍລິສັດທີ່ດີໆແລະຫນ້າສົນໃຈ
ໃນຂະນະດຽວກັນກໍຕີແຜ່ບໍລິສັດທີ່ມີເຈດຕະນາຫລອກລວງ ກໍໄດ້ອອກມາຈັບຜິດ TopUp2Rich ຢູ່ເລື້ອຍໆ ແລະຫລ້າສຸດ Admin ຂອງເວັບ
ດັ່ງກ່າວກໍໄດ້ອອກມາ ແຈ້ງເຕືອນຕາມ Page ດັງໆໃນລາວ ວ່າໃຫ້ລະວັງຮູບແບບການດຳເນີນຂອງທຸລະກິດນີ້.

mlm

ຫລ້າສຸດທີ່ປະເທດໄທ ກໍມີຄົນແຈ້ງໄປທາງ ສຄບ (ສຳນັກງານຄະນະກຳມະການຄຸ້ມຄອງຜູ່ບໍລິໂພກ) ໃຫ້ກວດສອບທຸລະກິດ TopUp2Rich
ເຊິ່ງໂດຍປົກກະຕິແລ້ວ ທຸລະກິດເຄືອຂ່າຍກ່ອນຈະດຳເນີນກິດຈະການໄດ້ຕ້ອງຜ່ານ ສຄບ ແຕ່ປະກົດວ່າ TopUp2Rich ບໍ່ໄດ້ມີໃບອະນຸ
ຍາດຈາກ ສຄບ ໂດຍອ້າງວ່າ ຕົນເອງບໍ່ໄດ້ຂາຍເຄື່ອງເພື່ອສຸຂະພາບແບບທຸລະກິດເຄືອຂ່າຍອື່ນໆ ເຊິ່ງຈຸດນີ້ທາງ ສຄບ ໄດ້ໂອນໃຫ້ຫນ່ວຍ
ງານສືບສວນພິເສດຂອງປະເທດໄທກໍຄື DSI ເຂົ້າມາສອບສວນ ເຊິ່ງຄາດວ່າການດຳເນີນທຸລະກິດຂອງ TopUp2Rich ຫນ້າຈະເຂົ້າຄ່າຍຜິດ
ກົດຫມາຍການກູ້ເງິນ ເນື່ອງຈາກລາຍຮັບມາຈາກຄ່າສະຫມັກສະມາຊິກ (ປັດຈຸບັນ DSI ກຳລັງດຳເນີນການສືບສວນຢູ່)

ເນື້ອໃນຂ່າວ

993310_492055507529879_541914183_n

1070098_564956926878962_876330862_n

ຈາກທັງຫມົດທັງມວນທີ່ຜູ່ຂຽນໄດ້ຍົກມາ ຈຶ່ງເວົ້າໄດ້ວ່າທຸລະກິດ TopUp2Rich ມີຫລາຍຈຸດທີ່ບໍ່ໂປ່ງໃສ ແລະບໍ່ຈິງໃຈກັບສະມາຊິກ ຈຶ່ງຢາກ
ໃຫ້ທຸກຄົນທີ່ຫລົງເຊື່ອ ຫລືກຳລັງຈະຫລົງເຊື່ອ ກະລຸນາຢຸດຄຶດ ວິເຄາະຈັກຫນ້ອຍນຶ່ງດັ່ງນີ້:
1. ລະບົບເຕີມເງິນຖ້າດີແທ້ ເປັນຫຍັງຕ້ອງເກັບຄ່າສະມາຊິກ (ຕົວຢ່າງລະບົບເຕີມເງິນອອນໄລຢູ່ໄທ ທີ່ຈຳຫນ່າຍຜ່ານ 7-11 ເຂົາຍັງບໍ່ເກັບ
ຄ່າສະມາຊິກ)
2. ທຸລະກິດທີ່ເຮັດງ່າຍ ໄດ້ເງິນງ່າຍ ຮັ່ງໄວ ມັນບໍ່ມີຢູ່ໃນໂລກ ຄັນຊັ້ນໂລກນີ້ກໍຄົງເຕັມໄປດ້ວຍເສດຖີແລ້ວ
3. ທ່ານອາດຈະໄດ້ເງິນແທ້ໃນໄລຍະທຳອິດ ແຕ່ເມື່ອເຮັດໄປເງິນຈະເລີ່ມໄດ້ຫນ້ອຍແລະຊ້າ ຊ້ຳຮ້າຍທ່ານອາດຈະຖືກຫມູ່ແລະຄົນອ້ອມຂ້າງ
ຊັງຫນັງຫນ້າ

ລະວັງ!!! ເນື່ອງຈາກຫລ້າສຸດ ໄດ້ຍິນມາວ່າ ມີການຂຶ້ນລາຄາສະມາຊິກຈາກ 1000ບາດ ປະມານ (255.000 ກີບ) ຂຶ້ນເປັນ 280.000ກີບ
ແລະຢູ່ໄທເຫັນມີຂຶ້ນຮອດ 2000ກວ່າບາດ ໃນຂະນະທີ່ການເປີດໂຕລະບົບຢ່າງເປັນທາງການນັ້ນມີການເລື່ອນເຖິງສອງຄັ້ງ

ຄັ້ງທຳອິດເຫັນປະກາດວ່າຈະເຊັນສັນຍາກັບເຄື່ອຂ່າຍໂທລະຄົມແຕ່ເດືອນພຶດສະພາ ແຕ່ແລ້ວກໍມິດ

(ອັບເດດ 23/7/2013 ບໍລິສັດສະບາຍດີມີເດຍ ແຈ້ງວ່າ ທ້າວ ສຸກກະເສີມ ດາລາເສນ ໄດ້ເຄື່ອນໄຫວ ໂດຍພະລະການ ແລະແຈ້ງຂໍ້ມູນຜິດໆ
ຈຶ່ງແຈ້ງມາວ່າບໍ່ໃຫ້ເຊື່ອຂໍ້ມູນຈາກຜູ່ກ່ຽວ)

t2R1

 

ຈຶ່ງຢາກຮຽກຮ້ອງມາຫາທຸກຄົນ ໂດຍສະເພາະຄົນໃນສັງຄົມອອນໄລ ທີ່ຮູ້ແລະໄດ້ຮັບຂໍ້ມູນ ຈົ່ງຊ່ອຍກັນບອກຕໍ່ ເພື່ອບໍ່ໃຫ້ມີຄົນລາວອີກຈຳນວນຫລາຍ ຕ້ອງຕົກເປັນເຫຍື່ອຂອງກຸ່ມນາຍທຶນ ທີ່ຫວັງກອບໂກຍກຳໄລ.

ຫມາຍເຫດ: ອັບເດດຂໍ້ມູນເພີ່ມວັນທີ 23/7/2013 ອີງຈາກຂ່າວຫລ້າສຸດໃນບົດຄວາມນີ້

ແຈ້ງໃຫ້ຊາບວ່າ ຖ້າພົບເຫັນໃຜດຳເນີນການໂຄສະນາ ຫລືເຄື່ອນໄຫວ ກ່ຽວກັບກິດຈະການ TopUp2Rich ແມ່ນຖືວ່າຜິດກົດຫມາຍ
ເພາະບໍລິສັດທີ່ກ່ຽວຂ້ອງກຳລັງຢູ່ໃນຂັ້ນຕອນການຂໍອະນຸຍາດເອກະສານ ເຊິ່ງຍັງບໍ່ສຳເລັດຮຽບຮ້ອຍ ຈຶ່ງຍັງບໍ່ມີການເຄື່ອນໄຫວຫຍັງໃນຕອນນີ້.