ລາຍການ Science Talk ຕອນທີ 14 ປະຈຳວັນທີ 16 ສິງຫາ 2013

954795_186088091569980_1981477140_n

ກົດເພື່ອຟັງໄດ້ທີ່ນີ້
[ca_audio url_mp3=”https://ecorneronline.com/scitalkmp3/ep14scitalk_16_08_2013.mp3″ url_ogg=”” align=”center”]

ຫລືກົດທີ່ນີ້ເພື່ອດາວໂຫລດ (ໂດຍການຄລິກຂວາເລືອກ Save Link As)

ເຄີຍສົງໄສບໍ່ ເປັນຫຍັງກົດລະບົບຈະລາຈອນຈຶ່່ງຫ້າມລົມໂທລະສັບໃນຍາມຂັບຂີ່

– ຖ້າເປັນກໍລະນີ ແຊັດ LINE ແຊັດ Whatsapp ຫລືຫລິ້ນ facebook ໃນຍາມຂັບຂີ່ໃຜກໍຮູ້ດີວ່າ
ມັນອັນຕະລາຍ ຍ້ອນສາຍຕາເຮົາໄປເບິ່ງຫນ້າຈໍ ບໍ່ໄດ້ເບິ່ງທາງ ບໍ່ໄດ້ລະວັງການຂັບຂີ່

– ແຕ່ເປັນຫຍັງການລົມໂທລະສັບຊື່ໆ ຊ້ຳຮ້າຍໃສ່ຫູຟັງລົມ ໃນກົດຈະລາຈອນຂອງບາງປະເທດ
ເພິ່ນກໍຍັງຫ້າມ ທັງໆທີ່ການລົມໂທລະສັບຕາຂອງເຮົາກໍຍັງຈັບຈ້ອງຢູ່ທີ່ຫົນທາງຢູ່ ຫລືໃສ່ຫູຟັງ
ມືເຮົາກໍຍັງໄດ້ຈັບພວງມາໄລ ແລ້ວມັນອັນຕະລາຍແນວໃດ ເປັນຫຍັງຕ້ອງຫ້າມ

ເປັນຫຍັງຈຶ່ງເປັນແນວນັ້ນ ໃນລາຍການ Science Talk ພວກເຮົາມີຄຳອະທິບາຍໃນທາງ
ວິທະຍາສາດ ເຖິງສາເຫດທີ່ມີກົດລະບຽບຫລືຂໍ້ຫ້າມດັ່ງກ່າວ ລອງຟັງລາຍລະອຽດເບິ່ງເດີ້
ເພາະເຮົາຈະພາທ່ານໄປຮູ້ຈັກປະສາດສຳຜັດ ແລະການເຮັດວຽກຂອງສະຫມອງ.

ນອກຈາກຈະໄດ້ຮູ້ວ່າ ເປັນຫຍັງເພິ່ນຈຶ່ງຫ້າມລົມໂທລະສັບຍາມຂັບຂີ່ແລ້ວ ທ່ານຍັງຈະໄດ້ຮູ້ວ່າ

– ປະສາດສຳຜັດ ຫູ ຕາ ດັງ ປາກ ຖືກຫລອກໄດ້ງ່າຍຫລາຍ

– ລິ້ນບໍ່ສາມາດແຍກຣົດຊາດໄດ້ຖ້າຖືກອັດຕາ ແລະດັງ

– ເປັນຫຍັງນັກວິທະຍາສາດບໍ່ເຊື່ອເລື່ອງຜີ

– ສະຫມອງເຮັດຫນ້າທີ່ເປັນຄື App

– ພ້ອມເຕັກນິກທີ່ສາວໆບໍ່ຄວນພາດ ວິທີຖ່າຍຮູບແນວໃດໃຫ້ຫນ້າເບິ່ງຄືຈ່ອຍ

1173776_186438124868310_1144911842_n

ຕົວຢ່າງ ປະກົດການ McGurk Effect ທີ່ຈະລວງຕາແລະຫູ ຂອງເຮົາ

ໃນຄລິບ ປາກຂອງຜູ່ເວົ້າອອກສຽງເປັນ ກາ ກາ ກາ ກາ
ແຕ່ສຽງທີ່ຕັດມາໃສ່ເປັນສຽງຄຳວ່າ ບາ ບາ ບາ ບາ
ແຕ່ເມື່ອຕາກັບຫູຮັບຂໍ້ມູນທັງສອງພ້ອມກັນ ສະຫມອງຈະຕີຄວາມຫມາຍແລ້ວເຮົາຈະໄດ້ຍິນ
ເປັນສຽງ ດາ ດາ ດາ ດາ

ນີ້ຈຶ່ງເປັນນຶ່ງໃນສາເຫດທີ່ວ່າ ເປັນຫຍັງເວລາລົມໂທລະສັບໃນຂະນະຂັບຂີ່ ຈຶ່ງສ່ຽງໃນການເກີດ
ອຸບັດຕິເຫດ ເພາະສະຫມອງຈະເຮັດວຽກຫນັກຂຶ້ນໃນການຟັງ ເພາະປົກກະຕິ ການຕີຄວາມສຽງ
ຕ້ອງໃຊ້ສຽງແລະພາບປະກອບກັນເພື່ອໃຫ້ເຂົ້າໃຈສຽງໄດ້ງ່າຍຂຶ້ນ ເມື່ອເຮົາໄດ້ຍິນແຕ່ສຽງຜ່ານ
ໂທລະສັບ ບໍ່ເຫັນຫນ້າຜູ່ເວົ້າ ສະຫມອງຈຶ່ງຕ້ອງສົນໃຈຟັງເປັນພິເສດ ຈຶ່ງມີໂອກາດທີ່ເຮົາເຜີຫລື
ຕັດສິນໃຈໃນການຂັບຂີ່ຊ້າໄປຈາກປົກກະຕິ

 

ທ່ານສາມາດຕິດຕາມຟັງລາຍການ Science Talk ຄືນຫລັງໄດ້ເປັນປະຈຳຜ່ານທາງເວັບໄຊ

www.ecorneronline.com ແລ້ວເຂົ້າເມນູ SciTalk

ຫລືຕິດຕາມຟັງລາຍການສົດໆພ້ອມຮ່ວມແລກປ່ຽນສົນທະນາກັນໃນລາຍການ ທຸກໆວັນຈັນ ຫາ
ວັນເສົາ ເວລາ 21-22ໂມງ ທາງຄື້ນວິທະຍຸນະຄອນຫລວງວຽງຈັນ FM98.8MHz (Butterfly Radio)

ຕິດຕໍ່ແລະຕິດຕາມການເຄື່ອນໄຫວໄດ້ທີ່:
Facebook: www.facebook.com/laosci
Twitter: @lao_sci
Email: laossci@gmail.com