ຫຼັງຈາກ Facebook ໄດ້ອອກ update ໃໝ່ກໍໄດ້ມີ ຄຸນສົມບັດໃໝ່ທີ່ຫຼາຍຄົນມັກ, ບາງອັນກໍສັບສົນວຸ້ນວາຍ ແລະ ນຶ່ງໃນຄຸນນະສົມບັດທີ່ໜ້າຈະເປັນປະໂຫຍດສຳລັບແມ່ຄ້າພໍ່ຄ້າອອນລາຍ ນັ້ນກໍຄື ການຂາຍເຄື່ຶອງໃນ Facebook ສ່ວນໂຕ ເຊິ່ງມີຂັ້ນຕອນງ່າຍໆດັ່ງລຸ່ມນີ້:

ວິທີໂພສຂາຍເຄື່ຶອງໃນ FACEBOOK

ຂັ້ນຕອນທຳອິດ ໃຫ້ກົດໄປທີ່ ຊ່ອງໂພສຂໍ້ຄວາມ ຫຼັງຈາກນັ້ນໃຫ້ເລືອກ ກົດປຸ່ມ “Sell Something” ຫຼັງຈາກນັ້ນໃຫ້ເຮົາໃສ່ລາຍລະອຽດຕ່າງໆ ຂອງສິນຄ້າ ຕັ້ງແຕ່  ຊື່, ລາຄາ, ແລະ ລາຍລະອຽດ ຂໍ້ມູນສະເປັກຂອງສິນຄ້າ ສ່ວນທາງລຸ່ມເຮົາຍັງສາມາດເພີ່ມຮູບພາບເຂົ້າໄປໃນໂພສຂາຍເຄື່ອງໄດ້

ພຽງເທົ່ານີ້ ການປະກາດຂາຍເຄື່ອງຂອງເຮົາກໍຈະໄປຢູ່ໜ້າ Timeline ເຮົາແລ້ວ ເຊິ່ງການໂພສນີ້ເຮົາສາມາດຕັ້ງ Privacy ຄືໂພສ Facebook ທົ່ວໄປໄດ້ອີກ.

ວິທີແກ້ໄຂລາຍລະອຽດ / ປິດການຂາຍ

ຖ້າເຮົາຕ້ອງການແກ້ໄຂລາຍລະອຽດຂອງການໂພສຂາຍແມ່ນ ໃຫ້ກົດເຂົ້າປຸ່ມ Post to More Places ທາງລຸ່ມ ຫຼັງຈາກນັ້ນໃຫ້ກົດໂພສທີ່ຕ້ອງການແກ້ໄຂ  ຕໍ່ມາຈະມີປຸ່ມ  Pop-up ຂຶ້ນມາໃຫ້ກົດ Edit item details

ສ່ວນຖ້າມີຄົນຕິດຕໍ່ວ່າຈະຕ້ອງຊື້ເຄື່ຶອງ ແລະ ຕ້ອງການປິດການຂາຍ ໃຫ້ກົດປຸ່ມ Mark as sold ພຽງເທົ່ານີ້ ໂພສຂອງເຮົາກໍຈະມີວົງເລັບ (SOLD) ຂຶ້ນທີ່ໜ້າສິນຄ້າແລ້ວ ເຊິ່ງໝາຍເຖິງໄດ້ຂາຍອອກໄປແລ້ວນັ້ນເອງ.

ຄຸນນະສົມບັດນີ້ ຫາກໍມີຢູ່ Facebook ໃນໂທລະສັບເທົ່ານັ້ນ ສ່ວນ Facebook ໃນຄອມພິວເຕິນັ້ນຕ້ອງໄດ້ລໍຖ້າກັນກ່ອນ ເຊິ່ງເຊື່ອວ່າໄວໆນີ້ ໜ້າຈະມີການ update ໃນຄອມພິວເຕິແນ່ນອນ.

ທີ່ມາ:MACThai