a107ໂຊ​ມະ​ບາ (Somabar) ເຄື່ອງ​ເຮັດ​ຄອັກ​ເທວ​ສຸດ​ໄຮ​ເທັກ ພ້ອມ​ປະສົມ​ເຄື່ອງ​ດື່ມ​ໃຫ້​ສຳເລັດ​​ພາຍ​ໃນ 5 ວິ​ນາ​ທີ ໂດຍ​ສັ່ງ​ການ​ຈາ​ກສະມາດໂຟນ.

ເຮົາ​ເຊື່ອ​ວ່າ​ມີ​ນັກ​ດື່ມ​ຫລາຍ​ທ່ານທີ່​ພະຍາຍາມໄປ Pub ​ເພື່ອ​ນັ່ງ​ດື່ມ​ຄອັກ​ເທວ ຈາກ​ຝີ​ມື​ຂອງ​ບາ​ເທັນ​ເດີ ເຊິ່ງ​ມັນ​ຄົງ​ງ່າຍ​ກວ່າ​ການ​ທີ່​ຕ້ອງ​ມາ​ນັ່ງ​ປະສົມ​ນັ້ນປະສົມ​ນີ້​ເຂົ້າ​ນຳກັນ ກວ່າ​ຈະ​ໄດ້​ດື່ມ​ແຕ່​ລະ​ແກ້ວ​ນີ້​ຕ້ອງ​ກຽມ​ຂອງ​ໃຫ້​ວຸ້ນວາຍ.

 

 

ແຕ່​ຖ້າ​ທີ່​ເຮືອນ​ຂອງທ່ານ​ມີ​ເຄື່ອງ​ເຮັດ​ຄອັກ​ເທວ​ທີ່​ສາມາດ​ເນລະ​ມິດ​ເຄື່ອງ​ດື່ມ​ແກ້ວທີ່ທ່ານມັກ​ໃຫ້​ດື່ມ​ພາຍ​ໃນ​ເວລາ​ບໍ່​ເກີນ 5 ວິ​ນາ​ທີ ຈະ​ຄັກຂະໜາດໃດ? ທີ່​ເວົ້າ​ມາ​ກໍ​ບໍ່ແມ່ນ​ຫຍັງ​ ເນື່ອງ​ຈາກ ​ເຄື່ອງ​ທີ່​ວ່າ​ນີ້​ມັນ​ເກີດ​ຂຶ້ນ​ຈິງ​ແລ້ວ ໂດຍ​ເປັນ​ໄອ​ເດຍ​ຂອງ​ສະມາຊິກ​ຈາກ​ກຸ່ມ BackerClub ໃນ​ນະຄອນ Los Angeles  ທີ່​ໄດ້​ສ້າງ​ເຄື່ອງ​ປະສົມ​ຄອັກ​ເທວ​ຂະໜາດ​ເທົ່າໆ ກັບ​ເຄື່ອງ​ຊົງ​ກາ​ເຟ​ໄວ້​ທີ່​ບ້ານ.

a105

ຄວາມສຸດຍອດ​ຂອງ​ ​ໂຊ​ມະ​ບາ​ຄື ໂຕ​ເຄື່ອງ​ຈະ​ປະສົມ​ເຄື່ອງ​ດື່ມ​ທີ່​ທ່ານ​ຕ້ອງ​ການ​ແບບ​ພ້ອມ​ດື່ມ​ໄດ້​ທັນ​ທີ ພຽງ​ແຕ່ທ່ານເລືອກ​ປະ​ເພດ​ຄອັກ​ເທວ​ທີ່​ຈະ​ດື່ມ​ຈາກ​ແອັບຯ​ສະມາດໂຟນທັງ​ໃນ​ລະບົບ iOS ແລະ Android ໂດຍ​ໂຕ​ອຸປະກອນ​ທັງ​ສອງ​ຊະນິດ​ຈະ​ເຮັດວຽກ​ຜ່ານ​ສັນຍາ​ນ Wi-Fi ຈາກ​ນັ້ນ​ກົດ​ຕົກລົງ​ແລ້ວ​ໂຊ​ມະ​ບາ​ຈະ​ມິກ​ເຄື່ອງ​ດື່ມ​ອອກ​ມາ​ໃຫ້​.

a106

ພ້ອມ​ກັນນັ້ນ, ສິ່ງ​ສຳຄັນ​ຄື​ຜູ່ໃຊ້​ຕ້ອງ​ກຽມ​ສ່ວນ​ປະສົມ​ລົງ​ໃນ​ຫລອດ​ແກ້ວ (Soma Pod) ທີ່​ຕ້ອງ​ໃສ່​ໄວ້​ຂ້າງ​ໂຕເຄື່ອງ​ໃຫ້​ພ້ອມ​ກ່ອນ​ທຸກ​ເທື່ອ ນັ້ນ​ເທົ່າ​ກັບ​ວ່າ​ທ່ານຕ້ອງ​ມີ​ຄອັກ​ເທວ​ທີ່​ຕ້ອງ​ການ​ດື່ມ​ໃນ​ໃຈ​ນຳ​ແລ້ວ ເພື່ອ​ທີ່​ຈະ​ໄດ້​ໃສ່​ສ່ວນ​ປະສົມ​ໃນ​ຫລອດ​ແກ້ວ ເຊິ່ງ​ຫາກ​ຕ້ອງ​ການ​ຈະ​ປ່ຽນ​ສ່ວນ​ປະສົມ ກໍ​ສາມາດ​ຖອດ​ຫລອດ​ແກ້ວ​ອອກ​ເພື່ອ​ປ່ຽນ​ຫລອດ​ໃໝ່​ເຂົ້າ​ມາ​ແທນ​ໄດ້ ໂດຍ​ທາງ​ຜູ່​ຜະລິດ​ໄດ້​ເຮັດ​ຝາ​ປິດ​ກຽມ​ມາ​ໃຫ້​ທ່ານ​ໄດ້​ເກັບ​ສ່ວນ​ປະສົມ​ທີ່​ຍັງ​ບໍ່​ໄດ້​ໃຊ້​ໄວ້​ໃນ​ຕູ້​ເຢັນ.

a104

ທາງ​ຜູ່​ຜະລິດ​ໄດ້​ເປີດ​ໂອ​ກາດ​ໃຫ້​ຜູ່​ທີ່​ສົນ​ໃຈ​ໂຊ​ມະ​ບາລ​ໄດ້​ຈັບ​ຈອງ​ເປັນ​ເຈົ້າ​ຂອງ​ກັນ​ແລ້ວ​ທາງ​ເວັບ​ໄຊ somabarkickstarter ມີ​ໃຫ້​ເລືອກ​ທັງ​ໝົດ 4 ສີ ໄດ້​ແກ່ ສີ​ເທົາ, ນ້ຳ​ເງີນ, ສົ້ມ ແລະ​ແດງ ລາ​ຄາ​ຈຳ​ໜ່າຍ​ເຄື່ອງ​ລະ 499 ໂດລາ (ຫລື​ປະ​ມານ 4,092,000 ກີບ) ນັບ​ວ່າ​ເປັນ​ເຄື່ອງ​ປະສົມ​ເຄື່ອງ​ດື່ມ​ທີ່​ເປັນ​ຫາ​ມາ​ຕິດ​ເຮືອນ​ໄວ້​ແທ້ໆ ເພື່ອມື້​ໃດ​ມີ​ແຂກ​ມາ​ເຮືອນ​ຈະ​ໄດ້​ກຽມ​ຄອັກເທວໄວ້ຕ້ອນຮັບ.

a108

a109

a110

a111

a112

 

ຂໍຂອບໃຈຂໍ້ມູນຈາກ somabarkickstarter ແລະ kickstarter