sonyຍຸກຂອງ Full HD 1080P ກຳລັງຈະຫມົດໄປ ເພາະຕໍ່ຈາກນີ້ເຮົາຈະເລີ່ມເຫັນຫນ້າຈໍຄວາມລະອຽດ
ສູງລະດັບ 4K ທີ່ລະອຽດກວ່າ Full HD ເຖິງ 4 ທົບອອກມາຫລາຍຂຶ້ນ.

ຫລ້າສຸດ SONY ນຶ່ງໃນຍັກໃຫຍ່ວົງການຜະລິດຫນ້າຈໍ ກໍໄດ້ເຮັດໂຄສະນາ ໃນຊື່ວ່າ “SONY Micro
Ads” ເພື່ອໃຫ້ຄົນຮູ້ຈັກແລະສົນໃຈຫນ້າຈໍ 4K ຫລາຍຂຶ້ນ ໂດຍເທື່ອນີ້ມີການສອດແຊກໂຄສະນາ
ເຂົ້າໄປໃນການແຂ່ງຂັນເທັນນິສ Wimbledon ທີ່ປະເທດອັງກິດ ແລະພຣີເຊັນເຕີໃນຄັ້ງນີ້ແມ່ນນັກ
ເທັນນິສຍິງທີມຊາດອັງກິດ ເຊື້ອສາຍລາວ ນາງ ແອນ ແກ້ວທະວົງ (Anne Keothavong).

 

Sony - Micro Ads (2)

ສຳລັບຮູບແບບການໂຄສະນາຂອງ SONY ແມ່ນຈະພິມຂໍ້ຄວາມສັນຍາລັກ SONY ລົງໄປໃນເສື້ອຜ້າ, ເກີບ, ເລັບມື ເປັນຂໍ້ຄວາມ
ຂະຫນາດນ້ອຍໆ ທີ່ຖ້າເບິ່ງດ້ວຍໂທລະພາບທົ່ວໄປຈະບໍ່ເຫັນ ແຕ່ຖ້າເບິ່ງດ້ວຍໂທລະພາບ 4K ຈະສາມາດເບິ່ງເຫັນຂໍ້ຄວາມດັ່ງກ່າວ
ໄດ້. ແຜນການໂຄສະນາຄັ້ງນີ້ເປັນການນຳສະເຫນີຈຸດເດັ່ນຂອງໂທລະພາບຄວາມລະອຽດ 4K ຂອງ SONY ທີ່ຫາກໍວາງຂາຍໄປ 2
ຮຸ່ນຄື SONY 55X9 BRAVIA ແລະ 65X9 BRAVIA ແນ່ນອນເພື່ອໃຫ້ການໂຄສະນານີ້ສົມບູນ ການຖ່າຍທອດສົດຈຶ່ງຕ້ອງຖ່າຍ
ທອດດ້ວຍລະບົບ 4K ເຊັ່ນກັນ ແລະຜູ່ຢູ່ເບື້ອງຫລັງການຖ່າຍທອດສົດ ກໍແມ່ນ SONY ອີກເຊັ່ນເຄີຍ ໂດຍໃຊ້ກ້ອງສຳລັບຖ່າຍທອດ
ການແຂ່ງຂັນເທັນນິສ Wimbleon ແບບ 4K ຄືກ້ອງ SONY F55 33mm 4K ແລະ ກ້ອງ SONY NEX-FS700.

ຂ່າວຈາກ: blognone

ຫມາຍເຫດ: ຄວາມລະອຽດຫນ້າຈໍ HD720P ແມ່ນເທົ່າກັບ 1280×720 ພິກເຊລ, Full HD1080P ແມ່ນ 1920×1080 ແລະຫລ້າສຸດກໍແມ່ນ 4K ແມ່ນ 3840×2160 ພິກເຊລ. ສ່ວນຊື່ຢ່າງເປັນທາງການຂອງ 4K ແມ່ນຈະເອີ້ນວ່າ Ultra HD.

+ Anne Keothavong

ສຳລັບຜູ່ທີ່ບໍ່ທັນຮູ້ຈັກ ຄົງຈະສົງໄສວ່າເປັນຫຍັງ SONY ຈຶ່ງເລືອກນັກກິລາຜູ່ນີ້. ກ່ຽວກັບ ແອນ ແກ້ວທະວົງ ເປັນນັກກິລາເທັນນິສຍິງທີມຊາດອັງກິດ ເຊື້ອສາຍລາວ (ພໍ່ແມ່ຄົນລາວໄປຢູ່ອັງກິດ ສ່ວນແອນແມ່ນເກີດຢູ່ອັງກິດ) ປັດຈຸບັນເປັນມືວາງອັນດັບ 5 ຂອງທີມຊາດອັງກິດ (ເຄີຍເປັນມື 1 ມາກ່ອນ) ແລະອັນດັບໂລກໃນປັດຈຸບັນຢູ່ທີ່ອັນດັບ 215 (ອັບເດດວັນທີ 17/6/2013) ກ່ອນຫນ້ານີ້ເຄີຍຂຶ້ນມາຢູ່ໃນອັບດັບທີ 48 ຂອງໂລກ (ວັນທີ 23/2/2009) ຊະນະການແຂ່ງຂັນປະເພດດ່ຽວມາທັງຫມົດ 20 ລາຍການ ແລະປະເພດຄູ່ 8 ລາຍການ. ແອນ ແກ້ວທະວົງ ເຄີຍເຮັດຜົນງານໄດ້ດີໃນການແຂ່ງຂັນ Wimbledon ແລະນີ້ຄົງເປັນສາເຫດນຶ່ງທີ່ເຮັດໃຫ້ SONY ເລືອກລາວເປັນພຣີເຊັນເຕີ ເພາະເປັນລາຍການແຂ່ງຂັນອັນເກົ່າແກ່ຂອງອັງກິດ ສະນັ້ນກໍຕ້ອງໃຊ້ນັກກິລາທີມຊາດອັງກິດນິລະ.

ຂໍ້ມູນຈາກ

Anne-Keothavong-Fed-Cup-2012-v-Austria_2712925