201593_39478

ເປີດ​ໂຕ​ຢ່າງ​ເປັນ​ທາງ​ການ​ກັນ​ໄປ​ເປັນ​ທີ່​ຮຽບຮ້ອຍ​ແລ້ວ​ ສຳລັບໂທ​ລະ​ສັບ​ມື​ຖື​ທີ່ທຸກຄົນ​​ລໍ​ຖ້າ​ກັນ​ມາ​ຢ່າງ​ຍາວ​ນານ​ກັບ ​Sony Xperia Z5 Series ໃນ​ງານ​ IFA 2015 ທີ່​ຈັດ​ຂຶ້ນ​ທີ່ເມືອງເບີ​​ລິນ​ ປະເທດ​ເຢຍ​ລະມັນ ຂອງວັນທີ 2/09/2015​ ໂດຍ​ທີ່ຜ່ານມາ ທາງ​ Sony ເປີດ​ໂຕ​ມາ​ເຖິງ​ 3 ຮຸ່ນນຳກັນ​ຄື​ Xperia Z5, Z5 Compact ແລະ​ Z5 Premium ​ຊື່ເຊິ່ງ​ຮຸ່ນຫຼັງ​ສຸດ​ມາພ້ອມ​ກັບ​ເທັກ​ໂນ​ໂລ​ຢີຈໍສະແດງ​ຜົນ​ຄວາມ​ລະອຽດ​ສູງ​ລະ​ດັບ​ 4K ເປັນ​ຮຸ່ນທຳອິດ​ຂອງ​ໂລກ​ອີກ​ດ້ວຍ​ ນັບ​ວ່າ​ Sony ມີການ​ພັດທະນາ​ການ​ຢ່າງ​ເໜືອ​ຊັ້ນ​ໃນ​ເລື່ອງ​ຂອງ​ເທັກ​ໂນ​ໂລ​ຢີ​ແທ້ໆ​.

ມື້ນີ້ເຮົາຈະມາສະຫລຸບ​ຂໍ້​ມູນ​ກ່ຽວກັບ​ Xperia Z5 Series ມາ​ໃຫ້​ຮັບຮູ້ກັນ​ວ່າ​ ​ມື​ຖື​​ນີ້​ຈະ​ມີສະ​ເປັກ​ ແລະ​ ຄວາມ​ສາ​ມາດຫຍັງ​ເດັດ​ໆ​ໃຫ້​ພວກເຮົາໃຊ້​ງານ​ກັນ​​.

ສ​ະເປັກ​ເບື້ອງ​ຕົ້ນ​ຂອງ​ Sony Xperia Z5

201593_39461– ຂະໜາດ​ໂຕເຄື່ອງ​ 146 x 72 x 7.3 ມິນ​ລິ​ແມັດ​.
– ນ້ຳ​ໜັກ​ໂຕ​ເຄື່ອງ​ 154 ກຣາມ​.
– ຈໍ​ສະແດງ​ຜົນ​ແບບ​ Full HD 1080p ຂະໜາດ​ 5.2 ນິ້ວ​ ຄວາມ​ລະອຽດ​ 1920×1080 ພິກ​ເຊວ.
– ໜ່ວຍປະ​ມວນ​ຜົນ​ໃຊ້​ຊິບ​ເຊັດ​ 64-bit Octa-Core Qualcomm Snapdragon 810 (MSM8994).
– ໜ່ວຍຄວາມ​ຈຳ​ (RAM) 3GB.
– ໜ່ວຍຄວາມ​ຈຳ​ພາຍ​ໃນ​ 32GB ຮອງ​ຮັບ​ໜ່ວຍຄວາມ​ຈຳ​ເສີມ​ (microSD) ສູງ​ສຸດ​ 200GB.
– ກ້ອງ​ດິ​ຈິ​ຕອນ​ດ້ານ​ຫຼັງ​ຄວາມ​ລະອຽດ​ 23 ລ້ານ​ພິກເຊວ​ ພ້ອມ​ລະບົບ​ Hybrid Autofocus, ໄຟ​ແຟັດ​ Pulse LED, ເລນ​ຮັບ​ພາບ​ມຸມ​ກວ້າງ​ 24 ມມ, ຮອງ​ຮັບ​ການ​ຖ່າຍ​ວິ​ດີ​ໂອ​ຄວາມ​ລະອຽດ​ລະ​ດັບ​ 4K.
– ກ້ອງ​ດິ​ຈິ​ຕອນ​ດ້ານ​ໜ້າ​ຄວາມ​ລະອຽດ​ 5 ລ້ານ​ພິກ​ເຊວ ຮອງ​ຮັບ​ການ​ຖ່າຍ​ວິ​ດີ​ໂອ​ຄວາມ​ລະອຽດ​ Full HD 1080p.
– ລະບົບ​ສຽງ​ High-Resolution Audio (LPCM, FLAC, ALAC, DSD).
– ຮອງ​ຮັບ​ການ​ໃຊ້​ງານ​ເທິງ​ເຄືອ​ຂ່າຍ​ 4G LTE.
– ເຊັນ​ເຊີ​ສະ​ແກນ​ລາຍ​ນິ້ວ​ມື​.
– ​ຄວາມ​ສາ​ມາດ​ປ້ອງ​ກັນ​ນ້ຳ​-ປ້ອງ​ກັນ​ຝຸ່ນ​ຕາມ​ມາດຕະຖານ​ IP65/68.
– ລະບົບ​ປະຕິບັດການ​ Android 5.1 Lollipop.
– ແບດ​ເຕີ​ຣີ​ຄວາມ​ຈຸ​ 2900 mAh.
– ມີ 4 ສີ​ໃຫ້​ເລືອກ​ຄື​: Graphite Black, White, Gold, Green.

ສະ​ເປັກ​ເບື້ອງ​ຕົ້ນ​ຂອງ​ Sony Xperia Z5 Compact

201593_39460

– ຂະໜາດ​ໂຕເຄື່ອງ​ 127x65x8.9 ມິນ​ລິ​ແມັດ​.
– ນ້ຳ​ໜັກ​ໂຕເຄື່ອງ​ 138 ກຣາມ​.
– ຈໍ​ສະແດງ​ຜົນ​ແບບ​ HD 720p ຂະໜາດ​ 4.6 ນິ້ວ​ ຄວາມ​ລະອຽດ​ 1280×720 ພິກ​ເຊວ.​
– ໜ່ວຍ​ປະ​ມວນ​ຜົນ​ໃຊ້​ຊິບ​ເຊັດ​ 64-bit Octa-Core Qualcomm Snapdragon 810 (MSM8994).
– ໜ່ວຍຄວາມ​ຈຳ​​ (RAM) 2GB.
– ໜ່ວຍຄວາມ​ຈຳ​ພາຍ​ໃນ​ 32GB ຮອງ​ຮັບ​ໜ່ວຍຄວາມ​ຈຳ​ເສີມ​ (microSD) ສູງ​ສຸດ​ 200GB.
– ກ້ອງ​ດິ​ຈິ​ຕອນ​ດ້ານ​ຫຼັງ​ຄວາມ​ລະອຽດ​ 23 ລ້ານ​ພິກ​ເຊວ​ ພ້ອມ​ລະບົບ​ Hybrid Autofocus, ໄຟ​ແຟັດ ​ Pulse LED, ເລນ​​ຮັບ​ພາບ​ມຸມ​ກວ້າງ​ 24mm, ຮອງ​ຮັບ​ການ​ຖ່າຍ​ວິ​ດີ​ໂອ​ຄວາມ​ລະອຽດ​ລະ​ດັບ​ 4K.
– ກ້ອງ​ດິ​ຈິຄຕອນ​ດ້ານ​ໜ້າ​ຄວາມ​ລະອຽດ​ 5 ລ້ານ​ພິກເຊວ ຮອງ​ຮັບ​ການ​ຖ່າຍ​ວິ​ດີ​ໂອ​ຄວາມ​ລະອຽດ​ Full HD 1080p.
– ລະບົບ​ສຽງ​ High-Resolution Audio (LPCM, FLAC, ALAC, DSD)
– ຮອງ​ຮັບ​ການ​ໃຊ້​ງານ​ເທິງ​ເຄືອ​ຂ່າຍ​ 4G LTE.
– ເຊັນ​ເຊີ​ສະ​ແກນ​ລາຍ​ນິ້ວ​ມື.​
– ຄວາມ​ສາ​ມາດ​ປ້ອງ​ກັນ​ນ້ຳ​-ປ້ອງ​ກັນ​ຝຸ່ນ​ຕາມ​ມາດຕະຖານ​ IP65/68.
– ລະບົບ​ປະຕິບັດການ​ Android 5.1 Lollipop.
– ແບດ​ເຕີ​ຣີຄວາມ​ຈຸ​ 2700 mAh.
– ມີ 4 ສີ​ໃຫ້​ເລືອກ​ຄື:​ Graphite Black, White, Yellow, Coral.

ສ​ະເປັກ​ເບື້ອງ​ຕົ້ນ​ຂອງ​ Sony Xperia Z5 Premium

201593_39462– ຂະໜາດ​ໂຕ​ເຄື່ອງ​ 154.4×76.0x7.8 ມິນ​ລິ​ແມັດ​.
– ນ້ຳ​ໜັກ​ໂຕ​ເຄື່ອງ​ 180 ກຣາມ​.
– ຈໍ​ສະແດງ​ຜົນ​ແບບ​ Ultra HD 4K ຂະໜາດ​ 5.5 ນິ້ວ​ ຄວາມ​ລະອຽດ​ 3840×2160 ພິກເຊວ​ ຄວາມ​ໜາແໜ້ນ​ຂອງ​ເມັດ​ພິກເຊວ​ 806 ppi.
– ໜ່ວຍປະ​ມວນ​ຜົນ​ໃຊ້​ຊິບ​ເຊັດ​ 64-bit Octa-Core Qualcomm Snapdragon 810 (MSM8994).
– ໜ່ວຍຄວາມ​ຈຳ​ (RAM) 3GB.
– ໜ່ວຍຄວາມ​ຈຳ​ພາຍ​ໃນ​ 32GB ຮອງ​ຮັບ​ໜ່ວຍຄວາມ​ຈຳ​ເສີມ​ (microSD) ສູງ​ສຸດ​ 200GB.
– ກ້ອງ​ດິ​ຈິ​ຕອນ​ດ້ານ​ຫຼັງ​ຄວາມ​ລະອຽດ​ 23 ລ້ານ​ພິກເຊວ​ ພ້ອມ​ລະບົບ​ Hybrid Autofocus, ໄຟ​ແຟັດ Pulse LED, ເລນ​ຮັບ​ພາບ​ມຸມ​ກວ້າງ​ 24mm, ຮອງ​ຮັບ​ການ​ຖ່າຍ​ວິ​ດີ​ໂອ​ຄວາມ​ລະອຽດ​ລະ​ດັບ​ 4K.
– ກ້ອງ​ດິ​ຈິ​ຕອນ​ດ້ານ​ໜ້າ​ຄວາມ​ລະອຽດ​ 5 ລ້ານ​ພິກເຊວ​ ຮອງ​ຮັບ​ການ​ຖ່າຍ​ວິ​ດີ​ໂອ​ຄວາມ​ລະອຽດ​ Full HD 1080p.
– ລະບົບ​ສຽງ​ High-Resolution Audio (LPCM, FLAC, ALAC, DSD).
– ຮອງ​ຮັບ​ການ​ໃຊ້​ງານ​ເທິງ​ເຄືອ​ຂ່າຍ​ 4G LTE.
– ເຊັນ​ເຊີ​ສະແກນ​ລາຍ​ນິ້ວ​ມື​.
– ຄວາມ​ສາ​ມາດປ້ອງ​ກັນ​ນ້ຳ​-ປ້ອງ​ກັນ​ຝຸ່ນ​ຕາມ​ມາດຕະຖານ​ IP65/68.
– ລະບົບ​ປະຕິບັດການ​ Android 5.1 Lollipop.
– ແບດ​ເຕີ​ຣີຄວາມ​ຈຸ​ 3430 mAh.
– ມີ 3 ສີ​ໃຫ້​ເລືອກ​ຄື​: Chrome, Gold, Black.

ຄວາມຄົມ​ຊັດຂອງ​ຈໍ​ພາບ​ມີຄວາມ​ລະອຽດ​ສູງ​ລະ​ດັບ​ 4K

201593_39463

Sony Xperia Z5 Premium ເປັນ​ມື​ຖື​ເຄື່ອງ​ທຳອິດ​ຂອງ​ໂລກ​ທີ່​ມາພ້ອມ​ກັບ​ເທັກ​ໂນ​ໂລ​ຢີຈໍ​ສະແດງ​ຜົນ​ຄວາມ​ລະອຽດ​ສູງ​ລະ​ດັບ​ Ultra HD 4K ດ້ວຍ​ຈໍ​ພາບ​ຂະໜາດ​ 5.5 ນິ້ວ​ ໃນ​ຄວາມ​ລະອຽດ​ 3840×2160 ພິກ​ເຊວ​ ຈະ​ເຮັດໃຫ້​ທ່ານໄດ້​ເປີດ​ປະສົບການ​ໃໝ່​ໆກັບ​ພາບ​ທີ່ມີຄວາມຄົມຊັດ​ກວ່າຈໍ​ພາ​ບລະ​ດັບ​ Full HD ເຖິງ​ 4 ເທົ່າ (ມັນ​ສິ​ເອົາ​ຄວາມ​ລະ​ອຽດ​ສູງ​ໄປ​ໃສ ຮະ​ຮະ)​.

Snapdragon 810 ຂຸມ​ພະລັງ​ແຫ່ງ​ການ​ເຮັດ​ວຽກງານ​ທີ່​ຊົງ​ປະ​ສິດ​​ຕິ​ພາບ​

201593_39464

 

Sony Xperia Z5 ທັງ​ 3 ຮຸ້ນ ໃຊ້​ຊິບ​ເຊັດ​ຮຸ້ນລ່າ​ສຸດ​ Snapdragon 810 ທີ່​ເປັນ​ສ​ະຖາ​ປັດ​ຕະຍະ​ກຳ​ແບບ​ 64-bit ພ້ອມ​ແກນ​ປະ​ມວນ​ຜົນ​ເຖິງ​ 8 ແກນ​ ທີ່​ຈະ​ຊ່ວຍ​ໃຫ້​ການ​ໃຊ້​ງານ​ຂອງ​ທ່ານ​ເຕັມ​ໄປ​ດ້ວຍ​ປະ​ສິດ​ທິ​ພາບ​ຈາກ​ຊິບ​ເຊັດ​ທີ່​ຊົງ​ພະລັງ​ທີ່ສຸດ​ໃນ​ຂະນະ​ນີ້​.

ກ້ອງ​ດິ​ຈິ​ຕອນ​ 23 ລ້ານ​ພິກ​ເຊວ ພ້ອມ​ Hybrid Autofocus ທີ່​ຈະ​ຊ່ວຍ​ໃຫ້​ທ່ານ​ບໍ່​ພາດ​ໃນ​ທຸກ​ວິ​ນາ​ທີ​ທີ່ສຳຄັນ​

201593_39465

Sony ໄດ້​ປັບ​ປ່ຽນ​ກ້ອງ​ຖ່າຍ​ຮູບ​ໃໝ່​ທັງ​ໝົດ​ ຫຼັງ​ຈາກ​ແບບ​ເກົ່າ​ໃຊ້​ງານ​ມາ​ຕັ້ງ​ແຕ່​ Xperia Z1 ເຊິ່ງ​ໃນ​ຮຸ່ນຫຼ້າ​ສຸດ​ນີ້ກ້ອງ​ດິ​ຈິ​ຕອນດ້ານ​ຫຼັງ​ມີ​ຄວາມ​ລະອຽດ​ສູງ​ເຖິງ​ 23 ລ້ານ​ພິກ​ເຊວ​ ໂດຍ​ມາພ້ອມ​ກັບ​ເລນ​ຮັບ​ພາບ​ມຸມ​ກວ້າງ​ 24mm ແລະສາມາດ​ບັນ​ທຶກ​ວິ​ດີ​ໂອ​ໄດ້​ໃນ​ຄວາມ​ລະອຽດ​ລະ​ດັບ​ 4K ໃຊ້​ເຊັນ​ເຊີ​ຮັບ​ພາບ​ Sony Exmor RS™ ສາມາດ​ຊູມ​ພາບ​ໄດ້​ເຖິງ​ 5 ເທົ່າ​ໂດຍ​ບໍ່​ສູນເສຍ​ລາຍ​ລະອຽດ​ຂອງ​ພາບ​ແຕ່​ຢ່າງ​ໃດ​ ແລະ ​ສາມາດ​ເພີ່ມ​ຄ່າ​ ISO ໄດ້​ສູງ​ສຸດ​ເຖິງ​ ISO 12800 ສຳລັບ​ພາບ​ຖ່າຍ​ ແລະ​ ISO 3200 ສຳລັບ​ການ​ຖ່າຍ​ວິ​ດີ​ໂອ​ ອີກ​ທັງ​ການ​ຖ່າຍ​ພາບ​ໃນ​ທີ່​ແສງ​ນ້ອຍ​ກໍ​ຍັງ​ຊ່ວຍຫຼຸດ​ເລື່ອງ​ຂອງ​ Noise ແລະ ​ຄວາມ​ແປຂອງ​ພາບ​ອີກ​ດ້ວຍ​.

201593_39466

ນອກ​ຈາກ​ນີ້​ Xperia Z5 Series ຍັງ​ມາພ້ອມ​ກັບ​ຄວາມ​ສາ​ມາດສຸດ​ລ້ຳ​ຄ່າຢ່າງ​ລະບົບ​  Hybrid Autofocus ທີ່​ໃຊ້​ເວລາ​ໂຟ​ກັດວັດ​ຖຸ​ພຽງ​ 0.03 ວິ​ນາ​ທີ​ເທົ່າ​ນັ້ນ​ ເຊິ່ງ​ຄວາມ​ໄວ​ດັ່ງ​ກ່າວ​ຖື​ວ່າ​ໄວ​ກວ່າ​ການ​ກະ​ພິບ​ຕາ​ຂອງ​ມະນຸດ​ອີກ​. ຈຶ່ງ​ສົ່ງ​ຜົນ​ໃຫ້​ Sony Xperia Z5 Series ກາຍ​ເປັນ​ມື​ຖື​ທີ່​ສາມາດ​ໂຟ​ກັດ​ວັດ​ຖຸ​ໄດ້​ໄວ​ທີ່ສຸດ​ໃນ​ໂລກ​ໃນ​ຂະນະ​ນີ້​ອີກ​ດ້ວຍ​ ດັ່ງ​ນັ້ນ​​ທ່ານ​ສາມາດ​ເກັບ​ບັນ​ທຶກ​ພາບ​ໄວ້​ໄດ້​ທຸກ​ຊ່ວງ​ເວລາ​ ໂດຍ​ໝົດ​ບັນຫາ​ເລື່ອງ​ກ້ອງ​ຖ່າຍ​ຊ້າ​ ຫຼື ​ໂຟ​ກັດ​ບໍ່​ທັນ​ຢ່າງ​ແນ່ນອນ​.

ແບັດ​ເຕີ​ຣີສຸດ​ອຶດ​ທີ່​ສາມາດ​ໃຊ້​ງານ​ໄດ້​ດົນ​ເຖິງ​ 2 ມື້​ເຕັມ​

201593_39467

​ມື​ຖືທັງ​ 3 ​ຮ​ຸ່ນນີ້​ໄດ້ຮັບ​ການ​ກາ​ລັນ​ຕີ​ຈາກ​ Sony Mobile ວ່າ​ແບັດ​ເຕີ​ຣີ​ສາມາດ​ໃຊ້​ງານ​ໄດ້​ຍາວ​ນານ​ເຖິງ​ 2 ມື້​ເຕັມ​ໆ​ ເຊິ່ງ​ຖື​ວ່າ​ພຽງ​ພໍ​ຕໍ່​ການ​ໃຊ້​ງານ​ທົ່ວ​ໄປ​ແນ່ນອນ​.

​ຄວາມ​ສາ​ມາດ​​ປ້ອງ​ກັນ​ນ້ຳ​-ປ້ອງ​ກັນ​ຝຸ່ນ​ຕາມ​ແບບ​ສະບັບ​ຂອງ​ Sony

201593_39468

Sony Xperia Z5 Series ຍັງ​ຄົງ​ມາພ້ອມ​ກັບຄວາມ​ສາ​ມາດ​​ເດັ່ນ​ຢ່າງ​ການ​ປ້ອງ​ກັນ​ນ້ຳ​-ປ້ອງ​ກັນ​ຝຸ່ນ​ຕາມ​ມາດຕະຖານ​ IP65/68 ເຊິ່ງ​ຄວາມ​ສາ​ມາດ​ດັ່ງ​ກ່າວ​ເຮັດໃຫ້ທ່ານສາມາດ​ຍ່າງ​​ກາງ​​ຝົນ​ຂະນະ​ທີ່​ຍັງ​ຖືມ​ື​ຖື​ຢູ່ໃນ​ມື​ໄດ້​ຢ່າງ​ບໍ່​ເປັນ​ບັນຫາ​ ແລະ​ນັບ​ເປັນ​ຈຸດ​ຂາຍ​ນຶ່ງຂອງ​​ມື​ຖື​ໃນ​ຄ້າຍ​ Sony ມາ​ໂດຍ​ຕະຫຼອດ​.

ເພີ່ມ​ຄວາມ​ປອດ​ໄພໃຫ້​ສູງ​ຂຶ້ນ​ດ້ວຍ​ລະບົບ​ສ​ະແກນ​ລາຍ​ນິ້ວ​ມື​

201593_39469

ທາງ​​​ Sony ເລັງ​ເຫັນ​ເຖິງ​ການ​ຮັກສາ​ຄວາມ​ປອດໄ​ພ​ໃຫ້​ກັບ​ຂໍ້​ມູນ​ພາຍ​ໃນ​​ມື​ຖື​ ຈຶ່ງ​ເພີ່ມຄວາມ​ສາ​ມາດ​​ລະບົບ​ສະ​ແກນ​ລາຍ​ນິ້ວ​ມື​ໃຫ້​ກັບ​ມື​ຖື​ທັງ​ 3 ຮຸ່ນ​ ໂດຍ​ເຊັນ​ເຊີ​ດັ່ງ​ກ່າວ​ຈະ​ຢູ່​ທີ່​ປຸ່ມ​ ເປີດ​-ປິດ​ ເຄື່ອງ​ ຫຼື ​​ລັອກ​ໜ້າຈໍບໍລິເວນ​ດ້ານ​ຂວາ​ຂອງ​ໂຕ​ເຄື່ອງ​ ເຊິ່ງ​ຊ່ວຍ​ອຳ​ນວຍ​ຄວາມສະດວກ​ໃນ​ການ​ປົດ​ລັອກໂຕ​ເຄື່ອງ​ໄດ້​ດ້ວຍ​ການ​ເຄື່ອນ​ໄຫວ​ພຽງ​ເທື່ອ​ດຽວ.

ລະບົບ​ສຽງ​ Hi-Res Audio ເອົາ​ໃຈ​ຄົນທີ່​ຮັກ​ໃນສຽງ​ເພງ​

201593_39470

Sony ຂຶ້ນ​ຊື່​ໃນ​ເລື່ອງ​ຂອງ​ລະບົບ​ສຽງ​ບໍ່​ວ່າ​ຈະ​ເປັນ​ຜະລິດຕະພັນ​ຢ່າງ​ ຫູ​ຟັງ​ ຫຼື​ ເຄື່ອງ​ສຽງ​ຂະໜາດ​ໃຫຍ່​ ດັ່ງ​ນັ້ນ​ມື​ຖື​ຈາກ​ຄ້າຍ​ນີ້​ຄວນ​ມີ​ຈຸດ​ເດັ່ນ​ໃນ​ເລື່ອງ​ຂອງ​ສຽງ​ດ້ວຍ​ເຊັ່ນ​ກັນ​ກັບ​ High Resolution Audio ທີ່​ສາມາດ​ຮັບ​ສຽງ​ທີ່​ແທ້​ຈິງ​ໄດ້​ເປັນ​ຢ່າງ​ດີ​ ພ້ອມ​ດ້ວຍ​ລະບົບ​ຕັດ​ສຽງ​ລົບກວນ​ຈາກ​ພາຍນອກ​ (Digital Noise Cancelling) ທີ່​ຈະ​ຊ່ວຍ​ໃຫ້ທ່ານສາມາດ​ອີ່ມອົກອີ່ມໃຈ​ໄປ​ກັບ​ສຽງ​ເພງ​ທີ່​ທ່ານ​ມັກ​ໄດ້​ຢ່າງ​ເຕັມ​ທີ່​ໂດຍ​ບໍ່​ມີ​ສຽງ​ອື່ນ​ລົບກວນ.

ລະບົບ​ປະຕິບັດການ​ໃໝ່​ຫຼ້າ​ສຸດ​ກັບ​ Android 5.1 Lollipop

201593_39471

Xperia Z5 Series ມາພ້ອມ​ກັບ​ລະບົບ​ປະຕິບັດການ​ໃໝ່ຫຼ້າ​ສຸດ​​ Android 5.1 Lollipop ທີ່​ຈະ​ຊ່ວຍ​ໃຫ້​ການ​ໃຊ້​ງານ​ຂອງ​ທ່ານເປັນ​ໄປ​ຢ່າງ​​ມື່ນ​ໄຫຼ​ ບໍ່​ມີ​ສະ​ດຸດ​ແມ່ນແຕ່​ນ້ອຍ​ດຽວ.

ຫຼາກຫຼາຍ​ສີ​ສັນ​ ຫຼາກ​ຫຼາຍ​ສະ​ໄຕ​ຣ໌ ເພື່ອ​ໃຫ້​ເຂົ້າ​ກັບ​​ຜູ່​ໃຊ້​ທຸກ​ລະ​ດັບ​

201593_39472

Sony Xperia Z5 Series ມາພ້ອມ​ກັບ​ສີ​ສັນ​ອັນ​ຫຼາກ​ຫຼາຍ​ ເພື່ອ​ໃຫ້​ເຂົ້າ​ກັບ​ສະ​ໄຕ​ຣ໌​ຂອງ​ຜູ່​ໃຊ້​ທຸກ​ລະ​ດັບ​ ໂດຍ​ Xperia Z5 ມີ​ມາ​ໃຫ້​ເລືອກ​ 4 ສີ​ ຄື:​ ສີ​ດຳ​ (Graphite Black), ສີ​ຂາວ​ (White), ສີຄຳ​ (Gold) ແລະ ​ສີ​ຂຽວ​ (Green).

201593_39473

Sony Xperia Z5 Compact ມີ​ໃຫ້​ເລືອກ​ 4 ສີ​ ຄື:​ ສີ​ດຳ​ (Graphite Black), ສີ​ຂາວ​ (White), ສີ​ເຫຼືອງ​ (Yellow) ແລະ​ສີບົວ (Coral).

201593_39490

Sony Xperia Z5 Premium ມີ​ໃຫ້​ເລືອກ​ 3 ສີ​ ຄື:ເງິນ​ (Chrome), ສີຄຳ ​ (Gold) ແລະ ​ສີ​ດຳ​ (Black).

ສະຫລຸບ​ລາ​ຄາ​ ແລະ ​ການ​ວາງ​ຈຳ​ໜ່າຍ​ຂອງ​ Sony Xperia Z5, Xperia Z5 Compact ແລະ​ Xperia Z5 Premium

201593_39491

Sony Xperia Z5 ແລະ​ Z5 Compact ຈະໄດ້ຈັດວາງ​ຈຳ​ໜ່າຍ​ທົ່ວ​ໂລກ​ໃນ​ເດືອນ​ ຕຸລາ​ 2015 ສ່ວນ​ຮຸ່ນ​ Xperia Z5 Premium ຈະ​ເລີ່ມ​ວາງ​ຈຳ​ໜ່າຍ​ຖັດ​ຈາກ​ 2 ຮຸ່ນກ່ອນ​ໜ້າ​ໃນ​ເດືອນ ​ພ​ະຈິ​ກ​ 2015 ໂດຍ​ຮຸ່ນ​ Xperia Z5 ແລະ​ Z5 Premium ຈະ​ມີ​ທັງ​ຮຸ່ນ​ທີ່​ຮອງ​ຮັບ​ແບບ​ຊິມ​ດຽວ​ (Single-SIM) ແລະ ​ຮອງ​ຮັບ​ແບບ​ສອງ​ຊິມ​ (Dual-SIM) ຄືກັນ.​

201593_39476

ສຳລັບ​ລາ​ຄາ​ວາງ​ຈຳ​ໜ່າຍ​ ທາງ​ເວັບ​ໄຊ​ Sony Mobile ໄດ້​ປະ​ກາດ​ລາ​ຄາ​ຮຽບຮ້ອຍ​ແລ້ວ​ ໂດຍ​ລຸ້ນ​ Xperia Z5 Compact ລາ​ຄາ​ 549 ປອນ​ (ປະ​ມານ​ 7,500,000 ກີບ​)ຮຸ່ນ​ Xperia Z5 ລາ​ຄາ​ 599 ປອນ​​ (ປະ​ມານ​ 8,250,000 ກີບ​) ແລະ​ ຮຸ່ນ Xperia Z5 Premium ລາ​ຄາ​ 699 ປອນ​ (ປະ​ມານ​ 9,500,000 ກີບ​) ເຊິ່ງ​ລາ​ຄາ​ດັ່ງ​ກ່າວ​ອາດ​ມີ​ການ​ປ່ຽນ​ແປງ​ຫາກ​ເຂົ້າ​ມາ​ຈຳ​ໜ່າຍ​ໃນ​ປະເທດ​ເຮົາ​ ຖ້າ​ມີ​ຄວາມ​ຄືບ​ໜ້າ​ ຫຼື ມີ​ລາຍ​ລະອຽດ​ໃດ​ເພີ່ມເຕີມ​ ທາງ​ທີມ​ງານ​ e-Corner ຈະ​ຮີບ​ມາ​ອັບ​ເດດ​ໃຫ້​ທຸກ​ທ່ານ​ຮູ້​ໂດຍ​ໄວ​ທີ່ສຸດ​ແນ່ນອນ​.

ຂໍຂອບໃຈຂໍ້ມູນຈາກເວັບໄຊ: thaimobilecenter ແລະ ວິດີໂອຈາກ: manager