techartadapter

ບໍ​ລິ​ສັດ​ຈາກກວງ​ໂຈ, ປະ​ເທດ​ຈີນ Techart ໄດ້​ເປີດ​ໂຕອຸ​ປະ​ກອນ Techart PRO AF ເປັນ adapter ເຊິ່ງ​ເປັນ​ adapter ​ອັນ​ທຳ​ອິດ​ຂອງ​ໂລກທີ່​ຊ່ວຍ autofocus ໃຫ້​ເລນ​ທີ່​ບໍ່​ສາ​ມາດ autofocus ໄດ້.

Adapter ໂຕ​ນີ້​ແມ່ນ​ສຳ​ລັບ​ໃຊ້​ກັບ​ເລນ Leica M-mount ໃນ​ກ້ອງ Sony E-mount ໂດຍ​ນຳ​ໃຊ້​ລະ​ບົບ​ electronic contacts ແລະ phase-detection focusing ຂອງກ້ອງ Sony (ເຊັ່ນ: a7 II ແລະ a7R II), ອຸ​ປະ​ກອນ​ນີ້​ເຮັດ​ໜ້າ​ທີ່​ຫຍັບ​ເລນ​ເຂົ້າອອກ​ໃຫ້​ຮ່າງ​ອອກ​ຈາກ​ກ້ອງ ໄດ້​ສູງ​ສຸດ 4.5ມມ

DIAGRAM_s

giphy

ເບິ່ງ​ຈາກ​ການ​ສາ​ທິດ​ການ​ເຮັດ​ວຽກ​ແລ້ວ Techart PRO AF ແມ່ນ​ມັນ​ຈະ​ເຮັດ​ໜ້າ​ທີ່​ຫຍັບ​ເລນ​ເຂົ້າ​ອອກ ແທນ​ທີ່​ການ​ໝຸນ​ເລນ​ຄືດັ່ງ​ກັບ​ທີ່​ເຮົາ​ໂຟ​ກັ​ສ​ດ້ວຍ​ຕົນ​ເອງ. Techart PRO AF ນັ້ນມີນ້ຳໜັກ 133 ກຣາມ ແຕ່ສາມາດນຳ​ໃຊ້​ກັບ​ເລນ​ທີ່​ມີ​ນ້ຳ​ໜັກ​ໄດ້​ເຖິງ 700ກ​ຣາມ.

techartinaction
ນຳ​ໃຊ້ Techart PRO AF ເພື່ອ​ໂຟ​ກັ​ສ​ອັດ​ຕະ​ໂນ​ມັດໃຫ້​ເລນ Leica 35ມມ ໃນ​ກ້ອງ Sony a7 II

ນອກຈາກນຳໃຊ້ໄດ້ກັບເລນ Leica M, ນັກ​ຖ່າຍ​ຮູບ​ຍັງ​ສາ​ມາດ​ໃຊ້​ມັນ​ເຊື່ອມ​ຕໍ່​ກັບ​ເລນ​ອື່ນ​ໆ​ໄດ້​ອີກ​ເຊັ່ນ: Leica R, CY, PK, MD, ​ອ​ຸ​ປະ​ກອນ​ຍັງ​ສາ​ມາດ​ເຊື່ອມ​ຕໍ່​ກັບ​​ແອັບຯໂທ​ລະ​ສັບ​ມື​ຖື​ເພື່ອ​ບັນ​ທຶກ​ຂໍ້​ມູນ​ຂອງ​ເລນ ແລະ ອັບ​ເດດ firmware ຕ່າງໆ.

ດ້ານ​ລຸ່ມ​ນີ້​ແມ່ນ​ວິ​ດີ​ໂອ​ນຳ​ສະ​ເໜີ Techart PRO AF ແລະ ອະ​ທິ​ບາຍ​ການ​ເຮັດ​ວຽກ​ຂອ​ງ​ມັນ

Techart PRO AF ນັ້ນ​ມີ​ລາ​ຄາ​ຢູ່​ທີ່ $349 ແລະ ຈະ​ເລີ່ມ​ຂາຍ​ໃນ​ເດືອນ​ມີ​ນາ 2016 ນີ້. ນັກ​ຖ່າຍ​ຮູບ​ສາ​ມາດສັ່ງ​ຈອງ​ໄດ້​ຢູ່ ເວັບ​ໄຊ​ຂອງ Techart ພ້ອມ​ກັບ​ໂປ​ຣ​ໂມ​ຊັ່ນ​ຂົນ​ສົ່ງ​ຟ​ຣີ ແລະ ປະ​ກັນ 1 ປີ.