Piece1Tokyo One Piece Tower ສວນ​ສະ​ໜຸກ​ທີມ​ວັນ​ພີດ​ພາຍໃຕ້​ຮຮົ່ມ​ເງົາ​ຂອງ​ໂຕ​ກຽວ ທາວ​ເວີ ເປີດ​ໃຫ້​ສາວົກ​ສຳ​ຜັດ​ປະສົບການ​ມ່ວນໆຄັກໆແລ້ວ.

ໃຜ​ໆກໍ​ຮູ້​ວ່າ​ຍີ່​ປຸ່ນ​ເປັນ​ປະເທດ​ທີ່​ມີ​ເອກ​ະລັກ​ສະເພາະ​ຕົວ​ຕັ້ງ​ແຕ່​ເລື່ອງ​ນ້ອຍ​ໄປ​ຈົນ​ເຖິງ​ເລື່ອງ​ໃຫຍ່​ທີ່​ພວກເຂົາ​ໃຫ້​ຄວາມ​ສຳຄັນ​ກັບ​ທຸກ​ເລື່ອງ ບໍ່​ເວັ້ນ​ແມ່ນ​ກະ​ທັ່ງ​ຕົວ​ກາ​ຕູນ​ຍອດ​ຮິດ​ທີ່​ສາມາດ​ນຳ​ມາ​ຕໍ່ຍອດ​ເປັນ​ຮູບ​ເງົາ, ເກມ, ຂອງ​ທີ່​ລະ​ລຶກ

 

 

ຫລື​ແມ່ນແຕ່​ສະຖານ​ທີ່​ທ່ອງ​ທ່ຽວ ຊຶ່ງຫ​ລ້າ​ສຸດ​ກໍ​ເຖິງ​ຄິວ​ຂອງ​ກາ​ຕູນ​ສຸດ​ຮ໋ອດ​ຢ່າງ “ວັນ​ພີດ” ທີ່​ຍີ່​ປຸ່ນ​ໄດ້​ຈັບ​ເອົາ​ກະ​ແສ​ຄວາມ​ຮ໋ອດ​ຮິດ​ຂອງ​ກາ​0ຕູນ​ເລື່ອງ​ນີ້​ມາ​ເຮັດ​ເປັນ​ສວນ​ສະ​ໜຸກ.

ສຳລັບ​ສວນ​ສະ​ໜຸກ Tokyo One Piece Tower ຫາກໍ່​ເປີດ​ຕົວ​ໄປ​ສົດໆຮ້ອນໆ ​ໃນ​ວັນທີ່ 13 ມີ​ນາ 2015 ທີ່​ຜ່ານມາ ແລະ​ແນ່ນອນ​ວ່າ​ມັນ​ກໍ​ໄດ້ຮັບ​ກະ​ແສ​ຕອບ​ຮັບ​​ເປັນ​ຢ່າງ​ດີຈາກ​ນັກ​ທ່ອງ​ທ່ຽວ​ແລະ ​ຊາວ​ຍີ່​ປຸ່ນ​ເອງ ອີກ​ທັງ​ຍັງ​ຕັ້ງ​ຢູ່​ພາຍໃຕ້​ໂຕ​ກຽວ​ທາວ​ເວີ​ຊຶ່ງ​ເປັນ​ຈຸດ​ຊົມ​ວິວ​ຍອດ​ນິຍົມ​ແລະ​ ທີ່​ທ່ຽວ​ແລນ​ມາກຂອງ​ຍີ່​ປຸ່ນ​ຢູ່​ແລ້ວ ໃຜ​ທີ່​ແວະ​ມາ​ບ່ອນນີ້​ຈຶ່ງ​ບໍ່​ພາດ​ທີ່​ຈະ​ເຂົ້າ​ມາ​ຢ້ຽມ​ຊົມ​ສວນ​ສະ​ໜຸກ​ແຫ່ງ​ນີ້​ແນ່ນອນ.

ອີກ​ຄວາມ​ພິເສດ​ນຶ່ງ​ຂອງ​ສວນ​ສະ​ໜຸກ​ແຫ່ງ​ນີ້ຄື ຂອງ​ທີ່​ລະ​ລຶກ​ຮຸ່ນ​ລິ​ມິ​ເຕັດ​ອິ​ດິ​ຊັ່ນ​ທີ່​ໝົດ​ແລ້ວ​ໝົດ​ເລີຍ​ແລະ​ ສາມາດ​ຫາ​ຊື້​ໄດ້​ບ່ອນນີ້​ທີ່​ດຽວ ນອກ​ຈາກ​ນີ້​ຍັງມີ​ຂອງ​ທີ່​ລະ​ລຶກ​ໜ້າ​ສົນ​ໃຈເຊັ່ນ ພວງ​ກຸນ​ແຈ, ແກ້ວ​ນ້ຳ, ເຂັມ​ຂັດ, ກະ​ເປົ໋າ​ຜ້າ ແລະ​ເສື້ອ​ຍືດ​ແລະ ອື່ນໆ.

ໃຜ​ທີ່​ເປັນ​ສາວົກ​ຕົວ​ຈິງ​ກໍກຽມ​ຫຍອດ​ກະ​ປຸກ​ກັນ​ໄວ້​ໃຫ້​ດີ ​ເຊິ່ງ​ຄ່າ​ເຂົ້າ​ສວນ​ສະ​ໜຸກ​ມີ​ລາ​ຄາ​ຢູ່​ທີ່ 3,200 ເຢນ (ປະ​ມານ 217,500 ກີບ) ສຳລັບ​ຜູ່ໃຫຍ່ ແລະ 1,600 ເຢນ (ປະ​ມານ 107,500 ບາດ) ສຳລັບ​ເດັກນ້ອຍ ສ່ວນ​ໃຜ​ທີ່​ມີ​ແຜນ​ຈະ​ໄປ​ລ່ວງ​ໜ້າ​ຢູ່​ແລ້ວ​ກໍ​ສາມາດ​ຈອງ​ປີ້​ລ່ວງ​ໜ້າ​ພ້ອມ​ແພັກ​ເກດ​ດີໆ ໄດ້​ທີ່​ເວັບ​ໄຊ onepiecetower ຊຶ່ງ​ການ​ຈອງປີ້​ລ່ວງ​ໜ້າ​ຈະ​ມີ​ລາ​ຄາ​ຖືກ​ກວ່າ​ຊື້​ໜ້າ​ງານ.

Piece1

Piece2

Piece3

Piece4

Piece5

Piece6

Piece7

Piece8

Piece9

Piece10 Piece11

Piece12

Piece13

Piece14

ຂໍຂອບໃຈຂໍ້ມູນຈາກ onepiecetower