Top_App_For_Phone

ບາງ​ຄັ້ງ​ການ​ຊອກ​ຫາ​ແອັບຯ​ດີໆ​ມາ​ໃຊ້​ຈັກ​ນຶ່ງ​ແອັບຯ​ກໍ​ເລືອກ​ໄດ້​ຍາກ ເພາະ​ເມື່ອ​ເຮົາ​ຫາ​ແອັບຯ​ໃນ Google Play ແອັບຯ​ນັບ​ຮ້ອຍ​ກໍ​ສະ​ແດງ​ອອກ​ມາ​ໃຫ້​ເຮົາ​ເລືອກ ຫາກ​ທ່ານ​ບໍ່​ຢາກ​ເສຍ​ເວ​ລາ​ໄປ​ຊອກ​ຫາ ນີ້​ແມ່ນ​ລາຍ​ການ​ແອັບຯ​ທີ່​ພວກ​ເຮົາ e-Corner ຄິດ​ວ່າ​ດີ​ທີ່​ສຸດ​ສຳ​ລັບ​ທ່ານ.

​ສຸ​ດຍອດແອັບຯ​ພະ​ຍາ​ກອນ​ອາ​ກາດທີ່​ໃຊ້​ງ່າຍ

Accuweather ເປັນ​ແອັບຯ​ພະ​ຍາ​ກອນ​ອາ​ກາດ​ທີ່​ວ່ອງ​ໄວ, ຊັດ​ເຈັນ ກົງ​ຈຸດ​ປະ​ສົງ ໂດຍ​ແອັບຯ​ຈະ​ບໍ່​ພະ​ຍາ​ຍາມ​ສະ​ແດງ​ຂໍ້​ມູນ​ໃຫ້​ຜູ່​ໃຊ້​ເຫັນ​ຈົນ​ລົ້ນ​ຕາ ແລະ ສັບ​ສົນ. ການ​ນຳ​ໃຊ້​ແອັບ​ຯ​ເພື່ອ​ເບິ່ງ​ພະ​ຍາ​ກອນ​ອາ​ກາດ​ໃນ​ແຕ່​ລະ​ມື້ ແຕ່​ລະ​ຊົ່ວ​ໂມງ​ນັ້ນ ສະ​ດວກ​ສະ​ບາຍ​ພຽງ​ປັດ​ນິ້ວ.

Accuweather-app-Nexus-6P-Material-Design

en-play-badge

​ສຸ​ດຍອດແອັບຯ​ພະ​ຍາ​ກອນ​ອາ​ກາດ​ທີ່​ມີ​ລາຍ​ລະ​ອຽດ​ສູງ

Morecast ຈະ​ມີ​ຄວາມ​ແຕກ​ຕ່າງ​ຈາກ Accuweather ດ້ານ​ເທິງ​ຢ່າງ​ເຫັນ​ໄດ້​ຊັດ ໂດຍມີ​ດີກວ່າ​ແອັບຯ​ພະ​ຍາ​ກອນ​ອາ​ກາດ​ອື່ນໆ​ຢູ່​ທີ່​ຄວາມ​ສວຍ​ງາມ​ວູບ​ວາບຂອງ​ແອັບຯ, ມີ​ລາຍ​ລະ​ອຽດຫຼາຍໆ ພ້ອມ​ຍັງ​ສາ​ມາດ​ທຽບ​ອຸນ​ຫະ​ພູມຂອງ 2 ຈຸດ​ໄດ້​ພ້ອມໆ​ກັນ ແຕ່​ອາດ​ຈະ​ເບິ່ງ​ແລ້ວ​ສັບ​ສົນ​ກວ່າ Accuweather ເຊິ່ງ​ອັນ​ນີ້​ກໍ​ແລ້ວ​ແຕ່​ຄວາມ​ມັກ​ໃຜ​ມັນ​ເນາະ.

AndroidPIT-Morecast-weather-app-hero

en-play-badge

ສຸ​ດຍອດແອັບຯ​ທ່ອງ​ເວັບ

ເຖິງວ່າຫຼັງໆ​ມາ​ນີ້​ແອັບຯ​ທ່ອງ​ເວັບ​ອື່ນໆ​ຈະ​ພັດ​ທະ​ນາ​ໃຫ້​ດ​ີ​ຂຶ້ນຫຼາຍ​ແລ້ວ​ ແຕ່​ແອັບຯ​ທ່ອງ​ເວັບ​ໃນ Android ອັນ​ດັບ​ນຶ່ງ​ກໍ​ຍັງ​ຕ້ອງ​ຍົກ​ໃຫ້ Google Chrome ຍ້ອນ​ເລື່ອງ​ຄວາມ​ໄວ, ການ​ໃຊ້​ງ່າຍ ແລະ ຄວາມ​ສະ​ຖຽນ, ສຳ​ລັບ​ທ່ານ​ໃດ​ທີ່​ຢາກ​ລອງ​ສຳ​ຜັດ Chrome ທີ່​ທັນ​ສະ​ໄໝ​ກວ່າ​ປົກ​ກະ​ຕິ ທ່ານ​ສາ​ມາດ​ດາວ​ໂຫຼດ Chrome Beta ໄປ​ໃຊ້​ໄດ້ ເພາະ​ຈະ​ເປັນ​ແອັບຯ​ເວີ​ຊັນ​ທີ່​ມີ​ຄວາມ​ສາ​ມາດ​ໃໝ່ໆ​ມາ​ໃຫ້​ໄດ້​ໃຊ້​ໄວ​ກວ່າ​ປົກ​ກະ​ຕິ ແຕ່​ບາງ​ຄັ້ງ​ແອັບຯ​ອາດ​ຄ້າງ ແລະ ປິດ​ລົງ​ໄດ້ ແຕ່​ກໍ​ມີ​ໂອ​ກາດ​ໜ້ອຍຫຼາຍ.

Chrome-Beta-Material-Design-AH-1

en-play-badge

ສຸ​ດຍອດແອັບຯ​ຖ່າຍ​ຮູບ

ແອັບຯ​ນີ້​ຄື​ສິ​ໜ້ອຍ​ຄົນ​ທີ່​ບໍ່​ຮູ້​ຈັກ Camera360 Ultimate ເປັນ​ແອັບຯ​ຖ່າຍ​ຮູບ​ທີ່​ດີ​ເລີດ​ຢ່າງ​ປະ​ຕິ​ເສດ​ບໍ່​ໄດ້ ເຕັມ​ໄປ​ດ້ວຍຟິວ​ເຕີຫຼາຍກວ່າ 200 ອັນ, ພ້ອມ​ຄວາມ​ສາ​ມາດ​ແບ່ງ​ປັນ​ຮູບ​ຜ່ານ NFC, ໃຊ້​ງານ​ງ່າຍ ແລະ ການ​ແກ້​ໄຂ​ຮູບ​ພາບ​ໄດ້​ງ່າຍ​ພຽງ​ສຳ​ຜັດ​ດຽວ. ແອັບຯ​ນີ້​ເໝາະ​ສົມ​ຕັ້ງ​ແຕ່​ຄົນ​ມັກ​ຖ່າຍ​ຮູບ​ມື​ສະ​ໝັກຫຼິ້ນ​ໄປ​ຈົນ​ຮອດ​ມື​ອາ​ຊີບພຸ້ນ​ລະ.

androidpit-camera-360-hero-1-w782

en-play-badge

ສຸ​ດຍອດແອັບຯແຕ່ງ​ຮູບ

PhotoDirector ມາ​ແບບ​ເຕັມ​ແພັກ​ເກດ, ອັດ​ແໜ້ນ​ມາ​ດ້ວຍ​ຄວາມ​ສາ​ມາດຫຼາກຫຼາຍ​ທີ​່​ທ່ານ​ຕ້ອງ​ການ​ໃນ​ການ​ແຕ່ງ​ຮູບ ຕັ້ງ​ແຕ່​ການ​ເຮັດ​ກ່ອງ​ຄຳ​ເວົ້າ​ງ່າຍໆ ໄປ​ຈົນ​ຮອດ​ການ​ປັບ​ໂທນ​ສີ, HSL, curves ຯ​ລຯ ຄວາມ​ສາ​ມາດ​ໃນ​ການ​ປັບ​ແຕ່ງ​ຮູບ​ນັ້ນ​ບໍ່​ມີ​ທີ່​ສິ້ນ​ສຸດ.

PhotoDirector

en-play-badge

ສຸ​ດຍອດແອັບຯເບິ່ງ ແລະ ຈັດ​ການຮູບ

QuickPic Gallery ແມ່ນແອັບຯຄັງຮູບພາບທີ່ໄວ ແລະ ສະດວກສົມຊື່ ຖືເປັນແອັບຯນຶ່ງທີ່​ໃຊ້​ເບິ່ງ, ຈັດ​ການ​ຮູບ​ໃນ​ໂທ​ລະ​ສັບ​ຂອງ​ທ່ານ​ທີ່​ມີ​ຄວາມ​ສາ​ມາດ​ສູງກວ່າ​ແອັບຯ​ທີ່​ຕິດ​ມາ​ນຳ​ມື​ຖື ເປັນ​ແອັບຯ​ນຶ່ງ​ທີ່​ທຸກ​ທ່ານ​ທີ່​ໃຊ້ Android ຄວນ​ມີ​ເປັນ​ຢ່າງ​ຍິ່ງ ໃຊ້​ແລ້ວ​ຮັບ​ຮອງ​ບໍ່​ຜິດ​ຫວັງ.

nexusae0_QuickPic

en-play-badge

ສຸ​ດຍອດແອັບຯເບິ່ງວິ​ດີ​ໂອ

ບາງ​ຄັ້ງ​ແອັບຯ​ເບິ່ງວິ​ດ​ີ​ໂອ​ທີ່​ຕິດ​ມາ​ກັບ​ເຄື່ອງ​ຂອງ​ອ່ານ​ກໍ​ບໍ່​ສາ​ມາດ​ເບິ່ງ​ໄຟ​ລ໌​ບາງ​ປະ​ເພດ​ໄດ້ ຫຼື ເບິ່ງວິ​ດີ​ໂອ​ແລ້ວ​ກະ​ຕຸກ ແຕ່ MX Player ນັ້ນ​ຮ້ອງ​ຮັບ​ຮູບ​ແບບ​ໄຟ​ລ໌​ວິ​ດີ​ໂອຫຼາຍ​ປະ​ເພດ ແລະ ເບິ່ງວິ​ດີ​ໂອ​ໄດ້​ຢ່າງ​ມື່ນ​ໄຫຼກວ່າ​ໂປ​ຣ​ແກ​ຣມ​ເບິ່ງວິ​ດີ​ໂອ​ທີ່​ມາ​ກັບ​ໂທ​ລະ​ສັບ, ສາ​ມາດ​ປັບ​ແຕ່ງ​ໄດ້​ຫຼາຍຢ່າງ ແລະ​ທ່ານ​ຍັງ​ສາ​ມາດ​ສັ່ງ​ການ​ແອັບຯ​ດ້ວຍ​ການ​ສຳ​ຜັດ​ໄດ້​ຢ່າງ​ງ່າຍ​ດາຍ​ອີກຫຼາຍ​ແບບ.

MX Player

en-play-badge

ສຸ​ດຍອດແອັບຯຟັງ​ເພງ

Musixmatch ເໝາະ​ສົມ​ກັບ Android ໃນ​ຍຸກ material design ມີ​ການ​ອອກ​ແບບ​ທີ່​ໃຊ້​ງ່າຍ, ການ​ຈັດ​ລາຍ​ການ​ເພງ ແລະ ຊອກ​ຫາ​ເພ​ງ​ທີ່​ທ່ານ​ຕ້ອງ​ການ​ຟັງ​ໄດ້​ສະ​ດວກ ພ້ອມ​ຄວາມ​ສາ​ມາດ​ໃນ​ການ Shuffle All ຫຼື​ຟັງ​ເພງ​ແບບ​ສຸ່ມ​ຈາກ​ທຸກ​ເພງ​ທີ່​ທ່ານ​ມີ​ໃນ​ໂທ​ລະ​ສັບ​ຂອງ​ທ່ານ. ພິ​ເສດ​ສຸດ​ຫາກ​ທ່ານ​ຕໍ່​ອິນ​ເຕ​ີ​ເນັດ​ຢູ່​ໃນ​ລະ​ຫວ່າງ​ຟັງ​ເພງ ແອັບຯ​ຈະ​ສະ​ແດງ​ເນື້ອ​ເພງ​ໃຫ້​ທ່ານ​ໄດ້​ອ່ານ ແລະ ຮ້ອງ​ໄປ​ນຳ​ໄດ້​ໂດຍ​ອັດ​ຕະ​ໂນ​ມັດ.

musixmatch1

en-play-badge

ສຸ​ດຍອດແອັບຯຕັ້ງ Wallpaper

ຫາກ​ທ່ານ​ມີ​ບັນ​ຫາ​ໃນ​ການ​ໂຫຼດ​ຮູບ​ມາ​ ຢາກ​ຕັ້ງ​ໃຫ້​ເປັນ​ພາບ​ພື້ນຫຼັງແລ້ວ​ມັນ​ບໍ່​ພໍ​ດີ​ກັບ​ໜ້າ​ຈໍ​ມື​ຖື​ຂອງ​ທ່ານ ຫຼື ທ່ານ​ຢາກ​ເອົາ​ສະ​ເພາະ​ບາງ​ສ່ວນ ຢາກ​ໃສ່​ສີ​ພື້ນຫຼັງ ຯ​ລຯ ທ່ານ​ບໍ່​ຈຳ​ເປັນ​ຕ້ອງ​ເສຍ​ເວ​ລາ​ໄປ​ເຮັດ​ຢູ່​ຄອມ​ພິວ​ເຕີ​ອີກ​ຕໍ່​ໄປ ພຽງ​ທ່ານ​ໃຊ້​ແອັບຯ Image 2 Wallpaper ເທົ່າ​ນັ້ນ ທ່ານ​ກໍ​ຈະ​ສາ​ມາດ​ເຮັດ​ສິ່ງ​ເຫຼົ່າ​ນັ້ນ​ໃນ​ມື​ຖື​ໄດ້​ເລີຍ​ງ່າຍໆ ຂໍ​ບອກວ່າ​ມັນ​ມີ​ປະ​ໂຫຍດ​ສຸດໆ.

Image 2 Wallpaper

en-play-badge

ສຸ​ດຍອດແອັບຯຈັດ​ການ​ໄຟ​ລ໌

ແຖມ​ທ້າຍ​ດ້ວຍ​ແອັບຯ​ຈັດ​ການ​ໄຟ​ລ໌​ທີ່​ໂດ່ງ​ດັງ​ມາ​ດົນ ES File Explorer ເຊິ່ງ​ເປັນ​ແອັບຯ​ຈັດ​ການ​ໄຟ​ລ໌​ທີ່​ໃກ້​ຄຽງ​ກັບ​ໃນ​ຄອມ​ພິວ​ເຕີ​ທີ່​ສຸດ​ແລ້ວ, ພ້ອມ​ຍັງ​ມີ​ຄວາມ​ສາ​ມາດ​ໃຫ້​ທ່ານ​ສາ​ມາດ​ເບິ່ງ​ໄຟ​ລ໌​ຈາກ​ຄອມ​ບໍ່​ວ່າ​ຈະ​ແມ່ນ​ເພງ, ຮູບ​ ຫຼື ຮູບ​ເງົາຂອງ​ທ່ານ​ຜ່ານ​ມື​ຖື​ໄດ້ ໂດຍ​ພຽງ​ເຊື່ອມ​ຕໍ່​ເຂົ້າ​ເຄືອ​ຂ່າຍ​ດຽວ​ກັນ (ສຳ​ລັບ​ຄວາມ​ສາ​ມາດ​ນີ້​ໄວ້​ຜູ່​ຂຽນ​ຈະ​ມາ​ສອນ​ວິ​ທີ​ໃນ​ບົດ​ຄວາມ​ໜ້າ​ເດີ້)

AndroidPIT-file-explorer-22-w782

en-play-badge