coverເຫດການເກີດຂຶ້ນຕອນບ່າຍຂອງວັນທີ 18 ມິຖຸນາ ທີ່ຜ່ານມາ ເມື່ອສື່ດັງຂອງໄທ (ເບິ່ງຮູບເລີຍວ່າແມ່ນຊ່ອງໃດ) ອອກຂ່າວໃນໄລຍະຂ່າວຮອບໂລກ ເຊິ່ງໄດ້ເວົ້າເຖິງສະຖານະການຂອງປະເທດເກຣັກ ໂດຍອັບເດດຂ່າວມາຈາກເວັບໄຊຂ່າວຕ່າງປະເທດ

ສຳລັບເນື້ອໃນຂ່າວກໍປະມານວ່າ:

2

“ຄວາມສຳພັນລະຫວ່າງປະເທດເກຣັກທີ່ຕິດຫນີ້ ແລະປະເທດເຈົ້າຫນີ້ຢ່າງເຢຍລະມັນ ເລີ່ມບໍ່ດີ ແລະສິ່ງທີ່ສະແດງອອກກໍແມ່ນ ການທີ່ນາຍົກຂອງປະເທດເກຣັກຕັດສິນໃຈ Unfriend ນາຍົກເຢຍລະມັນໃນ Facebook ພ້ອມໃຫ້ເຫດຜົນວ່າ ເປັນຍ້ອນບໍ່ຢາກສົ່ງຄຳເຊີນເກມ Candy Crush ແລະ Bubble Witch…”

ທີ່ເຫລືອເບິ່ງຈາກຄລິບເລີຍຫະຫະ ກົດເບິ່ງເລີຍ

ອັນນີ້ຫນ້າເວັບຂອງສື່ດັ່ງກ່າວທີ່ລົງຂ່າວນີ້ (ຫລ້າສຸດລຶບອອກຈາກເວັບໄປແລ້ວ ດີແຕ່ແຄັບໄວ້ທັນຫະຫະ)

1ສຳລັບຕົ້ນຂ່າວນີ້ກໍແມ່ນມາຈາກເວັບທີ່ຊື່ວ່າ Newsthump.com ເຊິ່ງຕົ້ນສະບັບ ອ່ານໄດ້ທີ່ລິ້ງນີ້ເລີຍ

3ສຳລັບສາເຫດທີ່ເວັບນີ້ລົງຂ່າວມົ້ວໆ ກວນໆ ຫລິ້ນໆ ຢອກໆ ແບບນີ້ກໍຍ້ອນວ່າຂະເຈົ້າເປັນເວັບຕະຫລົກ ຂ່າວທຸກຢ່າງເປັນເລື່ອງແຕ່ງ ແລະເຮັດເພື່ອຄວາມບັນເທີງ ເຊິ່ງໃນລາຍລະອຽດຂອງເວັບໄຊກໍຂຽນໄວ້ຊັດເຈນ ດັ່ງຮູບນີ້

4ແຕ່ບໍ່ຮູ້ເປັນຫຍັງນັກຂ່າວຂອງສື່ດັງລະດັບແຖວຫນ້າຂອງໄທ ປ່ອຍໄກ່ໂຕບັກໃຫຍ່ ຫລົງໄປເອົາຂ່າວຈາກເວັບຕະຫລົກ ມາອອກໂທລະພາບຢ່າງດີ ດັ່ງທີ່ເຫັນ (ຫລ້າສຸດທາງເຈົ້າຂອງເພິ່ນລຶບລິ້ງຂ່າວນັ້ນໄປແລ້ວ)

ທີມງານພວກເຮົາກໍນຳມາເປັນບົດຮຽນ, ອຸທາຫອນເຕືອນ ໃຫ້ທຸກທ່ານ ກ່ອນເຊື່ອ ກ່ອນແຊຣ໌ ຂ່າວໃນໂລກອິນເຕີເນັດ ຕ້ອງພິຈາລະນາໃຫ້ດີ ຂະຫນາດສື່ຍັກໃຫຍ່ຍັງພາດ ແລ້ວຊາຫຍັງກັບສື່ອື່ນໆ ໂດຍສະເພາະສື່ອອນໄລທັງຫລາຍ ທີ່ເນັ້ນເອົາແຕ່ກະແສ ແລະຄວາມໄວຢ່າງດຽວ ໂດຍບໍ່ມີການພິຈາລະນາ ບໍ່ມີການຫາຂໍ້ມູນຫລາຍດ້ານ.