child-hacker-10-year-old-hack-instagram-01

ໃນຍຸກນີ້ ຢ່າເບິ່ງຂ້າມເດັກນ້ອຍທີ່ເກັ່ງຄອມພິວເຕີ ເຊິ່ງອາດຈະໂດ່ງດັ່ງແບບຂ້າມຄືນ ເມື່ອທ້າວ Jani ອາຍຸພຽງ 10 ປີ ຊາວຟິນແລນດ໌ ເປັນ Hacker ທີ່ໄປພົບບັ໊ກທີ່ເປັນຊ່ອງໂຫວ່ຂອງ Instagram ໂດຍຊ່ອງໂຫວ່ທີ່ວ່ານີ້ ລາວສາ­ມາດລຶບຄຳຄິດເຫັນຂອງໃຜກໍໄດ້ໃນ Instagram ເຖິງວ່າຄຳຄິດເຫັນນັ້ນບໍ່ແມ່ນຂອງຕົວເອງ ໂດຍລາວໄດ້ລາຍງານຕໍ່ Facebook ຊຶ່ງເປັນບໍ­ລິ­ສັດທີ່ເບິ່ງ­ແຍງ Instagram ຢູ່.

ທ້າວ Jani ສາ­ມາດລຶບຂໍ້­ຄວາມທີ່ທີມງານ Facebook ໂພສໄວ້ໃນ Instagram ເພື່ອທົດສອບ ປາ­ກົດວ່າລາວເຮັດໄດ້ຈິງ ແລະ ເປັນຊ່ອງໂຫວ່ທີ່ເປັນບັນ­ຫາ, Facebook ເລີຍມອບຮາງວັນເປັນຈຳ­ນວນເງິນ $10,000 (ປະມານ 81,000,000 ກີບ) ນັບວ່າເປັນ Hacker ທີ່ອາຍຸນ້ອຍທີ່ສຸດທີ່ແຈ້ງລາຍງານກັບທີມ Facebook ຈາກທີ່ກ່ອນໜ້ານີ້ເຄີຍຈ່າຍເງິນໃຫ້ເດັກນ້ອຍອາຍຸ 13 ປີທີ່ລາຍງານບັນ­ຫາມາ.

ໂດຍທ້າວ Jani ໄດ້ຮັບເງິນຮາງວັນນີ້ເພື່ອໄປຊື້ອຸ­ປະ­ກອນກິ­ລາບານເຕະ ແລະ ຊື້ລົດຖີບຄັນໃໝ່ ລາວໄດ້ຮຽນຮູ້ການຄົ້ນຫາຊ່ອງໂຫວ່ນີ້ຈາກວີດີໂອເຝິກສອນເທິງເວັບໄຊ YouTube.

ທີ່ມາຂອງຂໍ້ມູນ: it24hrsThe Verge