mhdeE1yShHTaDbJVdWyTlzFvNkr

ເລື່ອງ​ລາວ​ການ​ແກ້​ໄຂຄະ​ດີ​ລັບ​ໃນ​ນະ​ຄອນ​ສັດທີ່​ຈະ​ນຳ​ທ່ານ​ໄປ​ພົບ​ຄວາມ​ສວຍ​ງາມ​ຂອງ​ເມືອງ Zootopia ເມື່ອ Judy Hopp ​ກະ​ຕ່າຍ​ສາວ​ທີ່​ຫາ​ກໍ​ໄດ້​ເຂົ້າ​ມາ​ເປັນ​ຕຳຫຼວດ​ໃໝ່ໆ ແລະ ຕ້ອງ​ການ​ຈະ​ພິ​ສູດ​ຕົນ​ເອງ ຕ້ອງ​ໄດ້​ຮ່ວມ​ມື​ກັບ​ໝາ​ໄນ Nick Wilde ຜູ່​ທີ່ເຮັດ​ໃຫ້​ການ​ເຮັດ​ວຽກ​ຂອງ​ລາວ​ຍິ່ງ​ຍາກ​ຂຶ້ນ​ໄປ​ອີກ. Zootopia ຮູບ​ເງົາ​ອະ​ນິ​ເມ​ຊັນຈາກ Disney ທີ່​​ກະ​ແສ​ຕອບ​ຮັບ​ດີ​ສຸດໆ​ໂດຍ​ມີ​ເວັບ​ວິ​ຈານ​ໜັງ​ດັງໆ​ໃຫ້​ຄະ​ແນນ​ໄວ້​ສູງ​ເລີຍ ໂດຍ IMDb ໃຫ້​ຄະ​ແນ​ນໄປ 8.1/10, IGN ໃຫ້ 9/10 ແລະ ເວັບ​ໝາກ​ເລັ່ນ​ເນົ່າ Rotten Tomatoes ໃຫ້​ເຕັມ 100% ເລື່ອງ​ນີ້​ມີ​ແຜນ​ຈະ​ເຂົ້າ​ໂຮງ Major Platinum Cineplex Laos ໃນ​ວັນ​ສຸກ​ທີ່ 4 ມີ​ນາ 2016 ນີ້.

ທາງ IGN ໄດ້​ກ່າ​ວ​ກັບ​ຮູບ​ເງົາ​ອະ​ນິ​ເມ​ຊັນ​ເລື່ອງ​ນີ້​ວ່າ:

ຮູບ​ເງົາ​ອະ​ນິ​ເມ​ຊັນ​ໃໝ່ຫຼ້າ​ສຸດ​ຂອ​ງ Disney ເລື່ອງ​ນີ້​ປະ​ສົມ​ປະ​ສານ​ລະ​ຫວ່າງ​ຄວາມ​ຕະຫຼົກ ແລະ ຄວາມ​ມ່ວນ​ໄດ້​ຢ່າງ​ມື​ອາ​ຊີບ ໂດຍ​ມີ​ການ​ອ້າງ​ອີງ​ເຖິງ​ປັນ​ຫາ​ໃນ​ໂລກ​ຂ​ອງ​ພວກ​ເຮົາອີກ​ນຳ. ~IGN

mpc-hc 0008

fwb_zootopia_20160104

ສ່ວນ Rotten Tomatoes ໃຫ້​ຄຳ​ເຫັນ​ວ່າ:

Zootopia ເປັນຮູບ​ເງົາ​ທີ່​ດີ​ຮອບ​ດ້ານ ໂດຍ​ມີ​ການ​ໃຫ້​ແງ່​ຄິດ ແລະ ຂໍ້​ຄວາມ​ເຖິງ​ຜູ່​ຊົມ​ທີ່​ຫຼາກຫຼາຍ ແລະ ດີ​ບໍ່​ດ້ອຍກວ່າ​ງານ​ສິນ​ລະ​ປະ​ອະ​ນິ​ເມ​ຊັນ​ຂອງ​ເລື່ອງ ໂດຍ​ຍັງ​ຮັກ​ສາ​ຄວາມ​ມ່ວນ ແລະ ບໍ່​ຊັບ​ຊ້ອນ​ໃຫ້​ຜູ່​ຊົມ​ອາ​ຍຸ​ນ້ອຍ​ຍັງ​ສາ​ມາດ​ເບິ່ງ​ໄດ້​ມ່ວນ​ເຕັມ​ທີ່. ~Rotten Tomatoes

ເບິ່ງ​ຈາກ​ກະ​ແສ​ຕອບ​ຮັບ ແລະ ຄະ​ແນນ​ຈາກ​ໜັກ​ວິ​ຈານ​ຮູບ​ເງົາ​ແລ້ວ ຂໍ​ແນະ​ນຳ​ວ່າ​ເປັນ​ຮູບ​ເງົາ​ອະ​ນິ​ເມ​ຊັນ​ທີ່​ຫ້າມ​ພາດ​ເດັດ​ຂາດ. ສຳ​ລັບ​ວັນ​ທີ່​ຈະ​ເຂົ້າ​ສາຍ​ນີ້​ຍັງ​ບໍ່​ມີ​ການ​ຢືນ​ຢັນ​ແນ່ນອນ ແຕ່​ຜູ່​ຂຽນ​ກໍ​ຫວັງ​ວ່າ​ມັນ​ສິ​ບໍ່​ຕິດ *ອະ​ແຫມ ອະ​ແຫມ* ຄື​ສະ​ຕາ… ອີກ​ເນາະ. ຖ້າ​ຫາກ​ເຂົ້າ​ໂຮງວັນ​ສຸກ​ນີ້​ແທ້ໆ ກໍ​ເອົາ​ເປັນ​ວ່າ​ອາດໄດ້​ພົບ​ຜູ່​ຂຽນ​​ທີ່​ໂຮງ​ ເພາະຈະ​ເບິ່ງ​ຈັກ 3 ຮອບ ຮະ​ຮະ, ແລ້ວ​ຄ່ອຍ​ພົບ​ກັນ​ກັບ​ບົດ​ຣີ​ວິວ Zootopia ໃນ e-Corner Online.