mpc-hc 0008

ຫຼັງ​ຈາກ​ຂຶ້ນ​ຊື່​ລື​ຊາ​ກັນ​ມາ​ດົນ​ນານ ສຸດ​ທ້າຍ​ຜູ່​ຂຽນ​ກໍ​ໄດ້​ເບິ່ງ​ຮູບ​ເງົາ​ອັນ​ຊາ​ລື Zootopia ​ເລື່ອງ​ນີ້ ແນ່ນອນ​ວ່າ​ອີ່​ພໍ່​ອີ່​ແມ່​ເອີ່ຍ ນີ້​ຖື​ເປັນ​ຮູບ​ເງົາ​ອະ​ນິ​ມາ​ຊັນ​ທີ່​ດີ​ທີ່​ສຸດ​ເທົ່າ​ທີ່ Disney ເຄີຍ​ເຮັດ​ມາ​ເລີຍ, ຫາກ​ໃຜ​ຍັງ​ບໍ່​ທັນ​ໄດ້​ເບິ່ງ ແນະ​ນຳ​ໃຫ້​ຮີບ​ໄປ​ເບິ່ງ​ໂດຍ​ດ່ວນ​ຢ່າ​ໄດ້​ຖ້າ​ໃຜ ເພາະ​ມັນ​ສຸດຍອດ. ອາ​ຮູ້!!

ນີ້​ອາດ​ເປັນ​ລາງບອກວ່າ Disney ກຳ​ລັງ​ຈະ​ກັບ​ມາ​ຍຸກ​ຮຸ່ງ​ເຮືອງ​ອີກ​ຄັ້ງ.ຫຼັງ​ຈາກ​ທີ່​ພວກ​ເຂົາ​ກັບ​ມາ​ຈັບ​ຮູບ​ເງົາ​ແບບ Anthropomorphic ຫຼື ຮູບ​ເງົາ​ຄົນ​ເຄິ່ງ​ສັດ​ທີ່​ພວກ​ເຂົາ​ມີ​ຊື່​ສຽງ​ດັງ​ມາ​ຫຼາຍ​ໃນ​ຍຸກ​ກ່ອນໆ ​ຕັ້ງ​ແຕ່ Disney Robin Hood (1973) ທີ່​ໂຕ​ເອກ​ກໍ​ເປັນ​ໝາ​ໄນ​ຄື​ກັນ ອືມມມ ໜ້າ​ຄຶດ.

DI-Robin-Hood-Disney-3-DI-to-L10

ເນື້ອ​ເລື່ອງ​ຂອງ Zootopia ແມ່ນ​ຈະ​ແນ​ໃສ່​ໂຕ​ເອກ Judy Hopps ກະ​ຕ່າຍສາວຜູ່​ເບິ່ງ​ໂລກ​ໃນ​ແງ່​ດີ ​ເຊິ່ງ​ມີ​ຄວາມ​ຫວັງ​ຢາກ​ເປັນ​ຕຳຫຼວດ ຮັບ​ໃຊ້​ປະ​ຊາ​ຊົນ ແລະ ຢາກ​ປ່ຽນ​ແປງ​ໃຫ້​ໂລກ​ເປັນ​ຕາຢູ່​ຂຶ້ນ​ຕັ້ງ​ແຕ່​ຍັງ​ນ້ອຍໆ ແລະ​ເມື່ອ​ຄວາມ​ຝັນ​ຂອງ​ລາວ​ເປັນ​ຈິງລາວ​ກັບ​ໄດ້​ຮຽນ​ຮູ້​ວ່າ​ໂລກອັນ​ຍິ່ງ​ໃຫຍ່​ມັນ​ໂຫດ​ຮ້າຍ​ສຳ​ລັບ​ກະ​ຕ່າຍ​ໂຕ​ນ້ອຍໆ ແລະ ບໍ່​ງ່າຍ​ຄື​ທີ່​ຝັນ​ໄວ້. ດ້ວຍ​ຄວາມ​ບັງ​ເອີນ Judy ຈຶ່ງ​ຕ້ອງ​ໄດ້​ຮ່ວມ​ມື​ກັບ​ໝາ​ໄນເຈົ້າ​ອຸ​ບາຍ Nick Wilde ເພື່ອ​ໄຂ​ຄະ​ດີ​ຄົນ​ຫາຍ​ຢ່າງ​ບໍ່​ມີ​ຮ່ອງ​ຮອຍທີ່​ຕຳຫຼວດ​ຄົນ​ອື່ນໆ​ບໍ່​ສາ​ມາດ​​ໄຂ​ຄະ​ດີ​ໄດ້.

RELUCTANT PARTNER -- Fast-talking, con-artist fox Nick Wilde is not really interested in helping rookie officer Judy Hopps crack her first case. Directed by Byron Howard and Rich Moore, and produced by Clark Spencer, Walt Disney Animation Studios' "Zootopia" opens in theaters on March 4, 2016. ?2016 Disney. All Rights Reserved.
ຄູ່​ຫູ ທີ່​ບໍ່​ຖື​ກ​ສະ​ຕາ. ໃນ​ຊີ​ວິດ​ຈິງ​ແລ້ວໝາ​ໄນ ແລະ ກະ​ຕ່າຍ​ນັ້ນ​ເປັນ​ຜູ່​ລ່າ ແລະ ຜູ່​ຖືກ​ລ່າ ເຊິ່ງ​ເປັນ​ສັດ​ຕູ​ກັນ​ຢູ່​ແລ້ວ.

​ທາງ​ດ້ານ​ເນື້ອ​ເລື່ອງ​ຂອງ​ຮູບ​ເງົາ​ແມ່ນ​ເຮັດ​ອອກ​ມາ​ໄດ້​ດີ​ສຸດໆ ໂດຍ​ໃນ​ເລື່ອງ​ຈະ​ສະ​ແດງ​ໃຫ້​ເຫັນ​ຜ່ານ​ພຶ​ດ​ຕິ​ກຳ​ຂອງ​ໂຕ​ລະ​ຄອນ​ເອ​ກທັ່ງ 2 ໂຕ ທີ່​ຕ່າງ​ກັນ​ຄົນ​ລະ​ຄົ້ວ, Judy ຜູ່​ເຊິ່ງ​ເບິ່ງ​ໂລກ​ໃນ​ແງ່​ດີ ຍັງ​ອ່ອນ​ຕໍ່​ໂລກ ​ແລະ Nick ​ຜູ່​ເຊິ່ງມີ​ປະ​ສົບ​ການ​ທີ່​ບໍ​່​ດີໃນ​ອະ​ດີດ​, ເບິ່ງ​ໂລກ​ໃນ​ແງ່​ຮ້​າຍ ແລະ ຍອມ​ທີ່​ຈະ​ບໍ່​ສົນ​ຕໍ່​ໂລກ. ​ທິດ​ສະ​ດີ​ນີ້​ສ່ອງ​ແສງ​ໄປ​ເຖິງ​ຕອນ​ເຮົາ​ຍັງ​ນ້ອຍໆ ທີ່​ໂລກ​ນີ້​ນັ້ນ​ມັນ​ສົດ​ໃສ ແຕ່​ເມື່ອ​ເຮົາ​ເຕີບ​ໃຫຍ່​ຂຶ້ນ​ມາ​ເຮົາ​ກໍ​ໄດ້​ຮຽນ​ຮູ້​ວ່າ​ມັນ​ບໍ່​ແມ່ນ​ແນວ​ນັ້ນ… ແລ້ວ​ເຮົາ​ຈະ​ຍອມຫຼື​ບໍ່? ຫຼືຈະ​ລຸກ​ຂຶ້ນ​ແລະ​ເຮັດ​ຫຍັງ​ຈັກ​ຢ່າງ? ຮູບ​ເງົາ​ຍັງ​ສ່ອງ​ແສງ​ໃຫ້​ເຫັນ​ເຖິງ stereotype ຫຼື ການທີ່​ເຮົາ​ຕັດ​ສິນ​ຜູ່​ອື່ນ​​ໃນ​ສິ່ງ​ທີ່​ເຂົາ​ຄວນ​ຈະ​ເປັນ, ການ​ທີ່​ເຮົາ​ຕ້ອງຍອມ​ຮັບ​ໃນ​ສິ່ງ​ທີ່​ເຮົາ​ເປັນ​ຫຼື​ບໍ່? ເຊິ່ງ​ສະ​ແດງ​ອອກ​ມາ​ໂດຍ​ວ່າ ສັດ​ທີ່​ດຸ​ຮ້າຍ​ນັ້ນ​ຕ້ອງ​ດຸ​ຮ້າຍ? ແລ້ວ​ສັດ​ທີ່​ເປັນ​ເຍື່ອ​ຕ້ອງ​ອ່ອນ​ແອ? ເຖິງວ່າ​ຮູ​ບ​ເງົາ​ຈະ​ຝາກ​ແງ່​ຄິດ​ໄວ້ຫຼາຍໆ​ຢ່າງ​ ຟັງ​ຄື​ຊັບ​ຊ້ອນທີ່​ຈະ​ເຮັດ​ໃຫ້​ຜູ່​ໃຫຍ່​ເບິ່ງ​ໄດ້​ຢ່າງ​ມ່ວນ​ຊື່ນ ແຕ່​ຮູບ​ເງົາ​ເຮັດ​ອອກ​ມາ​ໄດ້​ດີຫຼາຍ​ຈົນ​ທຸກ​ເພດ​ທຸກ​ໄວ​ນັ້ນ​ສາ​ມາດ​ເບິ່ງ​ໄດ້​ຢ່າງ​ມ່ວນ​ຊື່ນ​ເທົ່າ​ທຽມ​ກັນ​ໝົດ.

ທ່ານ​ຮູ້ຫຼື​ບໍ່​ວ່າ? ໃນ​ຕອນ​ທີ່​ເລີ່ມ​ສ້າງ​ຮູບ​ເງົາ Zootopia ນັ້ນ, ໂຕ​ເອກ​ຂອງ​ເລື່ອງ​ຈະ​ເນັ້ນ​ໄປ​ທີ່ Nick ເປັນຫຼັກ, ແຕ່​ພາຍຫຼັງ​ໄດ້​ປ່ຽນ​ມາ​ເປັນ Judy ແທນໃນ​ພາຍຫຼັງ

Zootopia-Official-International-Trailer-4

ທາງ​ດ້ານ​ອະ​ນິ​ເມ​ຊັນ​ນັ້ນ​ຖື​ວ່າ​ບໍ່​ມ​ີຫຍັງ​ໃຫ້​ຕິ ໂຕ​ລະ​ຄອນ​ແຕ່​ລະ​ໂຕ​ອອກ​ແບບ​ມາ​ໄດ້​ຢ່າງ​ລະ​ອຽດ, ການ​ວາງ​ແສງ, ການ​ຈັດ​ສາກ, ການ​ເຄື່ອນ​ໄຫວ​ຂອງ​ໂຕ​ລະ​ຄອນ​ແມ່ນ​ດີ​ເລີດ. ການ​ອອກ​ແບບ​ອຸ​ປະ​ກອນ​ໃນ​ຊີ​ວິດ​ປະ​ຈຳ​ວັນ​ໃນ​ໂລກ Zootopia ນັ້ນ​ມີຫຼາຍ​ຢ່າງ​ເລີຍ​ທີ່​ຈິນ​ຕະ​ນາ​ການ​ໄດ້​ຄັກ​ດີ​ວ່າ​ຖ້າ​ບໍ່​ມີ​ມະ​ນຸດ ແລະສັດ​ມາ​ຄອງ​ໂລກ​ມັນ​ຈະ​ເປັນ​ແນວ​ໃດ? ໂດຍ​ສະ​ເພາະ​ເມືອງ Zootopia ທີ່​ສະ​ຖາ​ປັດ​ນັ້ນ​ຖື​ວ່າ​ເຮັດ​ໄດ້​ຢ່າງ​ສ້າງ​ສັນ ໂດຍ​ທີມ​ງານຜູ່​ສ້າງ​ໄດ້​ບິນ​ໄປ​ທັດ​ສະ​ນະ​ເຖິງອາ​ຟ​ຣິ​ກາ​ເພື່ອ​ໄປ​ເອົາ​ແຮງ​ບັນ​ດານ​ໃຈ​ກັນ​ເລີຍ. ເວົ້າ​ຮອດ​ຈຸດ​ນີ້​ແລ້ວ​ກໍ​ຢາກ​ເສຍ​ດາຍ​ໜ້ອຍ​ນຶ່ງ​ທີ່​ເມືອງ Zootopia ນັ້ນ​ສວຍ​ງາມ​ໜ້າ​ຄົ້ນ​ຫາ ແລະ ທ່ອງ​ທ່ຽວຫຼາຍ ແຕ່​ສະ​ແດງ​ໃຫ້​ເຮົາ​ເຫັນ​ບໍ່​ໄດ້​ຢ່າງ​ເຕັມ​ທີ່​ປານ​ໃດ​ໃນ​ຮູບ​ເງົາ ອະ​ແຫ່ມ ອະ​ແຫ່ມ ຂອງ​ພາກ 2 ແດ່​.

12783582_1061661603897397_5390606243286231447_o

ສຸດ​ທ້າຍ​ນັ້ນຮູບ​ເງົາ 109 ນາ​ທີ Zootopia ເລື່ອງ​ນີ້ນັ້ນ​ສຸດຍອດ, ດີ​ສົມ​ຄຳ​ລື​ຊາ ຜູ່​ຊົມ​ຈະ​ໄດ້​ຮັບ​ຄວາມ​ມ່ວນ​ຊື່ນ, ສ້າງ​ສັນ, ແງ່​ຄິດ, ຮູ້​ສຶກ​ເສົ້າ, ຫົວ ແລະ ດີ​ໃຈໃນ​ທຸກ​ຊ່ວງ​ເວ​ລາ​ຢ່າງ​ຖ​ືກ​ຈັງ​ຫວະ ຮັບ​ຮອງ​ເຂົ້າ​ຊິງ​ຮາງວັນ​ລະ​ດັບ Oscar ແລະ​ຈະ​ກວດ​ຮາງວັນຫຼາຍ​ຮາງວັນ​ເປັນ​ທີ່​ແນ່ນອນ ຜູ່​ຂຽນ​ໃຫ້​ໄປ​ເລີຍ 10/10 ຈະ​ກັບ​ໄປ​ຫອນ​ອີກ​ຄັ້ງ​ແນ່ນອນ. ປັດຈຸບັນ Zootopia ມີ​ສາຍ​ຢູ່ Major Platinum Cineplex Laos ໃນ​ພາ​ສາ​ໄທ​/ຄຳ​ບັນ​ຍາຍ​ລາວ.